Wir Michael von gots geduld Abt des klosters ynssels in dem furstenthum zu Breslaw gelegen bekennen offentlich mit desim briffe Allen den dy en sehn
horen adir lesen Das der Edle und wolgeborne her Albrecht von koldicz hawbtman der furstenthum Swednicz und Jawer vor uns hat vorbrocht des Alludurch
lauchtigisten fursten und herrn herrn Sigmunden zu Behm selig(er) gedechtnis briff mit seiner maiestad Ingesigill beslawgen briff mit seinem sigill habin wir an
briff und sigill in allen seinen puncten klausiln und Artickeln unvorbrochlich und unvorsert gesehin und von worten czu worten in solchem laute horen lesen als
hirnachgeschreben volgit Wir Sigmund von gots gnaden Romisscher kunig zu allinczeiten merer des Reichs und zu hungern zu behm Dalmacien Croacien ic(etera) kunig
Bekennen und tun kunt offinbar mit desim brieff Allen den dy en sehn oder horen lesen Das wir den Edeln Albrechten von koldicz unsern kammermaister Rat
und liben getrewen vormals unsin hawbtman unser furstenthume zue Swednicz und zum Jawer Aw ouch hawbtman und vogt der Sechs Stete Budissin Gorlicz
Zyttaw lobaw luban und kamencz gemacht haben das her der vorigen lande unser hawbtman ist und als wir em vor seine schaden und schulde czwelftausent
und czwenczigk Rynische gulden beczalen sullen in sulcher mosse als das ander unser briff em dorubir gegebin eygentlich Innehalden Also ewollen wir das
der vorgenante Albrecht und hannos sein vetter und Thymo sein son ob er abginge bey den vorigen hawbtmanscheften bleiben und sy mit allen slossen sunderlich
mit dem slosse Rotenberg und mit alle nuczen Renten czinsen geschoßen und angehorungen als das andir hawbtlewte vor In ynnegehabt haben Innehabin ynnehabin hal
den nuczen und genissen unde sy vorliesen sol So lange bis Im und seinem vorgen vetter und son dy czwelftusent und czwenczig Rynisschen gulden noch
andir unser briffe lautt beczalt werden alles geverd genczlich außgescheiden Doch sullen uns und unsern Erben und nochkomen kunigen zu Behm dy vorgen(anten)
slosse offen sein das wir uns dorauß und widder dorein gen unsern feinden behelffen mogen so offte als not ist doch uff unser kost und on ire schaden Auch
geloben wir vor uns und vor unser erben und nochkomen kunige zu behm dem obgen(anten) Albrechte von koldicz oder ym er ob seinem vorgen(anten) vetter und sone
von sulchen unsern Ampten und hawbtmanscheften als zu der Swednicz und Jawer mit allen Iren landen und stete und slossen zugehorungen sunderlich
mit dem slosse Rotenberg und ouch von der vogteye adir hawbtmanschaft der Sechs stete als budissin Gorlicz zyttaw ic(etera) ouch mit allen Iren genissen
und angehorungen nicht zuentsetzen noch von unsn nochkomen kunigen zu Behm entsatzt werden und dassy ouch noch uns noch nymand sulchs Ampt und
hawbtmanschafte als obingeschrebin stet abtreten sullen haben denne sulchs geld und schulde noch awßweysunge andir unser briffe gancz und gar empfangen
und eingenomen Alles geverde genczlich ußgescheiden Mit urkund disß briffs vorsigeld mit unsir maiestad Ingesigill Geben zu Skalicz nach crists
geburtt virczehenhundert Jar und dornach in dem funffundczwenczigisten Jare an sant barbare tag unser reiche des hungrischen in dem newnunddrei
sigisten des Romisschen in dem sechtzehenden und des behmischen Im sechsten Jaren Czuuborem bekentniß habin wir unsir klostir Ingesigill an desin briff
lossen hengen Geczehin und gebin zue Swednicz am mittwoch des abinds der heiligen Junckfrawen sant Apolonie noch crists geburt virczehenhundert und dornach in
dem eynundvirczigisten Jaren
Ad mandatum domini Abbatis
proprium per se ipsum