Wir Burgmeister vnd Ratmanne der Stad Jawor bekennen vnd thun kunt offentlich in vnd mit disem kegenwertigen brieff allen den die in sehen adir
horin lesin das wir gesehin habin eynen offin brieff vff permeynt geschrebin mit der Erbarn Stad Budissin grossen anhangendem Jngesigel vorsigilt
allenthalbin gancz vnd vnvorseert von worte zu worte eynes sulchen lawtes Wir der Burgemeister vnd der Rat vnd die gancze gemeyne der Stat
zu Budissin bekennen offentlich an disem briue vnd thun kunt allen lawten die in sehin adir horin lesin wie der Allirdurchlauchtigste furste vnd
herre her karll Romischer keyser zu allen czeiten merer des Reichs vnd kunig zu Beheim vnser lieber gnediger here dem Edlin heren eren Thimen heren zu
Coldicz vmb die sacze als der selbige er Thyme die vesten zcu hertzinberg vnserm heren dem keyser als eym kunige zu Beheim hot vorkawfft nach law
tung eyns Cziroffs hundert schok guter grosschen prager muncze schuldig ist vnd vmb die selbe schult den egnanten heren Thymen wolle zcu vor
sichern hot vnser egnant her der keyser dem vorgenanten heren von Coldicz adir wer desen brieff von seinen wegin Jnne hatte bescheiden vnd beweist
vff vns Burgmeister Ratmann vnd der ganczen gemeyne der Stad zu Budissin alle Iar Seczcig schok zu heben vff sentis Gallen tag von vns an be
reit des keysers als eins kuniges zu Beheim Rente gulde vnd czinse die er hat In seiner vorgenanten stat da egnante her Thyme die Seczcig
schok Ierlicher gulde zu heben von sentis Gallen tag nehstkunfftig obir eyn Iar do von wir geredt haben hot vnser egnante vnser here der keyser
Schrebin wir Burgmeister vnd Ratmann zu Budissin dem vorgenante heren Thymen von Coldicz globin In guten trewen an eydes stat ane geferde vnd glo
ben Im mit crafft dis brieffs das wir Im adir wer diesen brieff von seinen wegin Jnnehat vff den egnanten tag ane alle wedirrede geben vnd be
czalen wellen vnd sullen Seczcig schok von den Renten vnd gulden die vnser her der keyser zu Budissin hat also lange bis vnser here der keyser adir sei
ne Erben vnd nochkomen kunige zu Beheim dem vorgenante heren von Coldicz adir wer diesen brieff von seinen wegin Jnnehatte Seczighundert schok
grosschen genczlich vnd ane allen abslag beczalen vnd wenne sie die beczalt habin so sullen wir die egnanten Seczcig schok mehir nicht schuldig sein
zu gebin vnd sullen vnd wellen wir zu Budissin das egente gelt ane alle wedirrede vff die vorgenante czeit dem egnanten heren von Coldicz adir wer
diesen brieff von seinen wegin Jnnehatte Ierlich In der Stad zu Budissin gebin vnd beczalen vnd sal der beczalunge nicht hindern nach Irren keyner
ley komet anspruch es sei geistlicher adir wertlicher gerichte adir keyne andir Irrunge wie man die mit funde kugin worten mag benennen vnd
weres das wir dem vorgenanten heren von Coldicz adir wer diesen brieff von seinen wegin Jnnehatte Ierlich vff sentis Gallen tag die egenten Seczcig
schok nicht beczalten als vor ist vsgalt So offte das gescheet So offte mag der egnante her von Coldicz adir wer diesen brieff von seinen wegin Jnne
hatte nach vierczeintagen die do allirnehst komen nach dem egnanten sentis Gallen tage die vorgenante sume geldis die Im vnbeczalt blebe nemen
vnd ir Cristen adir Juden vff vnsern schaden den schaden mit dem howptgelde sullen wir vnd globen Imerlich beczalen vnd den egnanten heren von
Coldicz adir wer diesen brieff von seinen wegin Jnne hatte douon genczlich enthebin ane alle wedirrede Were abir das wir das nicht hilden dem
vorgeschrebin von Coldicz adir dem der diesen brieff von seinen wegin Jnnehatte genczlich adir eyn teil so mag er adir der den selbin brieff wirt habin
vns adir vnser gut Iosey wande adir vnsarnde bekummern angreiffen vnd anfahen ane vnser wedirrede vnd ane alle hindernisse also lange bis
das dem selbin von Coldicz adir dem den brieff wirt habin genczlich vnd volkomlich von vns wirt gehalden also vor geschrebin stet vnd allir dieser
egenante saczin zu vrkunde vnd stetir worheit habin wir vnser Stad gros Ingesigel an diesen brieff gehangen der gegebin ist zu Budissin Nach cristes
geburte virczenhundirt Iar dornoch In dem vier vnd sechczigsten Iare am nehstin dinstage vor sant lawrencien tage des zu worin bekentnisse
habin wir der Stad Iutir an diesen brieff lossin hengen Gebin des montagis vor sant mertens tag nach Cristi geburt firczenhundirt Iar dornoch In
funff vnd firczigsten Iare