Wir Georgius von der plawen Techand Johanes Tancz Senior Symon Jode pharer Balthazer deher Cantor
vnd Thomas langzhannig Thumhrn der kirche sancti petri tzu Budissin bekennen vnd thun kunt In disem
vnserm offen briue vor allen dy en sehen horen ader lezen das der Edele her Thimo von Coldicz voigt der lande vnd
Sechs Stete Budissin Gorlicz vnd dy Gestrengen vnd Woltuchtigen Tamfald heinrich her Johanes vnd Colma
gesetten von Clux vor vns bracht habn vnsers gnedigen hren konig Wenczlaff Seligs volstendigen vnuerzerten
brieff vff permint geschrebn mit syner gnaden Mayestad anhangende der denne gancz vnuerzeret ist gelbest an
perminte Schriften vnd Segel vnd habn den gesehen vnd horen lezen von worte tzu worte lawtende also hirnach
geschrebn Steth Wir Wenczlaff von gotes gnaden Romischer konig tzu allen czeiten merer des Reichs
vnd konig tzu Behem Bekenne vnd thun kunt offintlichen mit disem briue allen den dy en sehen ader horen lezen daz wir
mit Wolbedochtem mute vnd rechter wissen Johansen von Cluxe dem alden hansen Tamfalden heinrich vnd burgen
gebrudern des selbin hansen Sonen hansen hartungen Sonen vnd peter von cluxe eren vettern Tmaczln von cluxe
vnd hanse preman Sone vnsern lieben getruwen dy dorffer Clux lewbany mit eren gesessen lewte Nichendorff das halbe
dorff Gieslicz Zcik mit eren tzugehorungen vnd sust alle andere ere guter der sy in yeczundiger gelbere vnd gehalt
pen dy von vns vnd der Crone tzu Behem tzu lehen ruren mit allen vnd iglichen eren tzugehorigen nichts vssgenome
worcne dy seen tzu samen in gesampte lehen tzu dirteyln geleihen vnd gereicht habn leihen vnd reuthen en dy in gesampte
lehen in craft dis briues vnd koniglicher mecht tzu Behem Also das sy dy egenan dorffer vnd geseße vnd sust alle ande
ere guter dy sy yeczund Innehaben vnd besiczen ader hernoch gewynnen von den sy lehen tzu recht geteilt ader vnge
teilt von vns vnd der Crone tzu Behem in gesampte lehen Innehaben halden besiczen vnd der genissen sullen vnd
mogen also gesamptes lehen recht ist vnd gewonheit von allermenniclichn vngehindert Vnd thun en ouch diß be=
sunde gnade Were is sache das eyner ader mer vnder en von gotes vorhengnisse Begen abe ginge vnd storbe das
denne alle egenan guter worane dy seen mit allen vnd iglichen eren tzugehorungen gnaden vnd rechten nichtes vß
genomen an dy andern dy denne lebendig bleyben vnd ire lehenserben sterben vnd gefallen sullen von allermenniclichn
vngehindert Vnschedelichn doch vns vnd der Crone tzu Behem an vnserm dinsten vnd sust ydermane an synen
rechten tzu vrkunde diß briues vorsigelt mit vnser koniglichn maiestad Ingesigel Geben tzu betlem noch Cristi ge=
bort dreyzehnhundert Jar vnd dornoch In dem Nwnvndnewnczigesten Jare an sand mertins tage vnser Reiche
des Behemischen in dem Sibenvndedreissigesten vnd des Romischen In dem vierundczwenczigesten Jaren
Des tzu merer sicherheit vnd Goczem bekentnisse habn wir obgenan hern des Capitels mit gutem willen vnde
wissen vnsers Capitels Ingesigel an deßen offen briff lossen hengen Geben tzu Budissin noch Cristi geborte
vierzehen hundert Jar dornoch In dem Sibenvndevirczigesten Jare am nesten dinstage noch sand lampti tage