Wir Jacob von gottis gnaden Erczbischoff zu Trier des heiligen Romischen Riches durch welschelande Erczkanczeler Bekennen und thun kund uffenbare In diesem brive Als vor zythen
den edelen Strengen und vesten Ernsten Grauen von Gleichen herren zu blanckenhayn houptmann des hochgebornen fursten hern Wilhelms herczogen in sachsen zc lantgrauen in doringen und marggrauen
zu missen an stat der erbschaft des herczogthumbs zu luczemburg Spolen viczthumb rittere hoffmeister Jorge von Biedemburg obermarschalke und edartus Schotten rittere Rethen herczogen Wilhelms
obegenant uff die eyne und diderich von Gymmich an stat des Eirsamen geistlichen unsers lieben andechtigen des abts von Echternach Euerhard des Edelen unsers lieben neven und getruwen Gerhards herrn
zu Rodemachern frunden von desselben unsers neven wegen Erharden von Gymmich herren zu Berpurg Johanne von Ruldingen dem Jungen hern zu ruffemburg Gobelen hern zu Eltz Wilhelme herren zu
putlingen Rutteren hulbarten von Eltz herren zu hoifelt Jorgen von Ruldingen herren zu Siebenborne und zu dagestul Johanne von Bolchen hern zu zolteren Clause herren zu hoifelt Wilhelme von putlingen
herren zu budelmingen gesworen herren zu Eltz Wilhelme von orley hern zu lyncxeren Johanne hern zu meisenburg Wilhelme von falkenstein gierthm von fisenpach ludewigen von piltz herren zu lyncxeren lude
wigen von Burscheit ludewigen von machern Johanne von Cronczemberg vridammen ruttger ritter Clausen wulbes und Johanne Cumpelmann von Remich scheffenne zu dietenhoiffen an Stat und von
wegen der Stat diedenhoiffen peter von biedburg Richtere und scheffene zu Biedburg von wegen der Stat Biedburg Clausen gyhel rittere und peteren von routhen scheffenne zu echternach von wegen der stat ech
ternach Gerharten Thielen und petern von aldenhorn von der stete wegen von bastenach Clause Symons scheffenne zu machern und clause pluwch von wegen der Stat machern und clause zendener von wegen
der stete diekirch uff die ander siete umb yrer beiderteile anligender irrungen hir willen eynen dag fur uns und unser Ete bescheiden und gesatzt hatten in unser Stat Trier der fast uff fritag vor sent
Bartholomei des heiligen apostelen tag nehst vorgangen anfieng und etliche tage darnach werete und thate uff wilhelms herczogen wilhelms obgenant Ete / burg / von sinen wegen an stat der erbschaft des herczog
thumbs von luczemburg die obgenanten platen ritterschafft und Stete des landes von luczemburg und die theile die von yren wegen uff dem genanten tage vor uns erschinen wie sie dann hiefur benant sind
under anderme vur uns und unsern Reten die uff die zyt bie uns sassen betedingt und yn zu gesprochin haint Erst an von eyner verschribunge wegen die die hochgeborne furstynne frauwe elizabet
von gottis herczogynne in baiern und zu luczemburg graffynne zu Chynn zc und Ritterschafft und stete des herczogthumbs zu luczemburg vorgiden underenander verschriben und versigelt haint gehabtt
diesalbe verschribunge auch vor uns und alle den theilen die da jegenwertig waren uffenberlich und uber lut gelesen wart an der maile von eyner vorrede und zu sagunge wegen die wilhelm von
orley hie zu lyncxeren yme drin andern von der ritterschafft burg von yren selbes und auch von anderer ritterschafft und Stete wegen des herczogthumbs zu luczemburg sulken zu andern zyten gethan hain
Grauen ernsten von glichen an stat der erbschaft des herczogthumbs von luczemburg burgt welcher zusagunge auch wilhelm von orley ytzund genant mit sampt den andern drijen uffenberlich uff
dem tage obgenant was und bekante zum dritten maile von etlicher stucke wegen die etwan der durchluchtigste furste herre wenczlae konig zu Behemen und herczog zu luczemburg zc yme sinen erben und
nachkommen sulke behalten hain In der verschribungen die er der herczogynnen Burgt uber das herczogthumbe von luczemburg zc gethan und gegeben had wand dann die burgt herczogen wilhelms
Rethe von wegen yrer herschafft und auch die obgenanten von den platen ritterschafft und steten des herczogthumbs von luczemburg vor sich und die theilen von der wegen sie uff solchem tage vor uns erschinen
als vorgerurt ist uns demutiglich und mit vlisse volkestet gebeden und angetuffen haint sie die platen ritterschafft und Stete zu underwisen mit unserme Rechtlichen spruche was yn von der obgemelten stucke
wegen von billicheit eren und rechte geburen sille zu thun yrer erbschaft und der borgenante frauwen elizabet der herczogynnen und herczogen wilhelms Rethen burgt von sinen wegen an stat yr erbherren
So hain wir uns mit unsern Edelen Reten die ytz desmals bie uns saczen hatten uber die vorgerurten stucke nusslichen besprochin und beraten und mit sampt denselben unsern Reten eyntrechtiglich zu rathen
gerurt und gesprochin wisen und sprechin an diesem brive Erst an uff die obgemelte verschribung die frauwe elizabet herczogynne zc und ritterschafft und stete des herczogthumbs von luczemburg burgt under
enander verschriben und versigelt haint gehabtt das die vorgenanten von der ritterschafft und steten die in der verschribunge genant sind und sie mit versigelt haint dieselbe verschribunge halden sullen Sont yn und
yrer iglichen des geburt und diewile sie dann noch in yrer erbschaft hulden staent So sullen sie auch vurbinden und nicht gehengen so verre an yn ist das yeder soliche verschribunge ichtes widerstanden ader
vorgenomen werde daz yren erbherren zu schaden ader zu enterscheisse treffen mochte Sont uff die zusagunge die wilhelm von orley mit andern drien von yren und der gemeynen ritterschafft und Stete wegen burgt
Grauen ernsten von glichen an stat der erbschaft von luczemburg zu gesagt haint sprechin und wisen wir fur recht das die burgt von der ritterschafft und Steten die solliche zusagunge gethan haint und von der
wegen sie gescheen ist dieselbe zusagunge wie die dann vor uns und unsern Rethen uff dem tage gelutet haid und yr beiderteile bekentlich gewest sind schuldig sind zu halden und der nach komen und gnouch
zu sullen Item uff die verschribunge die etwann konig wenczlae von behemen frauwen elizabet herczogynne Burgt gethan sal hain uff daz herczogthumb von luczemburg und Graueschafft von Chynn mit yren
zuzehorungen zc Sprechin und wisen wir zu rechten diewile beide parthein Burgt bekenent und des gestaent in yren worten und schrifften das frauwe elizabet herczogyn burgt verschribunge habe uff daz lant
von luczemburg zc von den die rechte erbherren desselben landes gewest sind das dann platen ritterschafft und stete Burgt der vorndgenanten herczogynnen nach lute und uswisunge derselben verschribunge ge
warten und gehorsam sin sullen was aber friheit Rechs ader ander stucke die erbherren die der herczogynne soliche verschribunge haint gethan yn yren erben ader nachkomen in derselben verschribunge behalten
haint an dem lande von luczemburg und sinen zugehorungen damit sullent platen ritterschafft und Stete wyder gewarten so viel sie das berurt und antrefft herczogen wilhelms Reten obegenant von sinen
wegen an stat der erbschaft des herczogthumbs von luczemburg Aller der dinge zu urkunde hain wir unser Ingesigel an diesen brieff thun druken datum datum et p(ro)nunciatum In palacio nostro Treueren(si)
feria Tercia post festum b(ea)ti Bartholomei ap(osto)li Anno d(omi)ni Millesimo Quadringentesimo Quadragesimo Tercio .

Wir Erhardt Apt zu dunczeln Sanct benedicten Ordens Bekennen uffenbar das wir den Rechten houptbrieff uff papyr geschrieben und mit eym unden an gedrucktem Ingesigel versigelt an
schrifft Sigil und allen enden lidegantz unuseret und volstendig in unser hand gehabt gesehn und lesen gehort haben der von worten zu worten Innhaltet als diese obgeschriebene abschriffte
ohn icht ungeuerlich des zu warem geczugnus habn wir unser Eptz Onsigel wissentlich brendn thun henden uff Sontag mensis Maii Anno d(omi)ni Millesimo Quadringentesimo
Quinquagesimo Quinto

Et Ego Nicolaus faber de Eltzspurg Treueren(sis) arguntin(ensis) dioc(esis) publicus sacra Imp(er)iali auct(orita)te Notarius Quia h(uius)mo(d)i p(ro)nunciac(i)oni in qua p(ro)ut et d(omi)nus d(omi)nus Jacobus Archiep(iscopu)s Treueren(sis)
aut eius sigillo hiisdem l(itte)ris inferius sigillat(us) p(er) Euerhardum milite(m) d(omi)n(u)m Euerhardum d(omi)n(u)m in Ruldingen p(ro)nunciat(us) e(st) d(omi)n(u)m Wilhelmu(m) d(omi)n(u)m Bauarie in ap(osto)lica p(ro)uisione et
vis(is) l(itte)ris h(uius)mo(d)i d(omi)ni Johannem p(ro)p(os)itu(m) eiusdem p(ro)nunciat(us) Cancellarium coram Reuerendo in (Christ)o p(at)re d(omi)no Erhardo abbate mo(naster)ii in dunczeln ord(inis) sancti Benedicti Nuenburgen(sis) dioc(esis)
originalib(us) collacionem et auscultac(i)o(n)em p(rae)sentis copie et auscultac(i)o(n)i p(ro)ut fieri Et q(uia) omnia et singula sic fieri vidi et audiui Ideo hoc p(rae)sens publicu(m) transsumptu(m) et
exemplu(m) deinde confeci subscripsi et publicaui Signo q(ue) et no(m)i(n)e meis solitis et consuetis una cu(m) appensione sigilli d(omi)ni d(omi)ni abbatis signaui Rogatus et requisitus In fidem et
testimoniu(m) o(mn)i(u)m et singulor(um) p(rae)missor(um) Acta sunt hec sub Anno d(omi)ni Mill(esim)o Quadringentesimo Quinquagesimo Quinto Indictione t(er)cia die vero vicesimaoctaua mensis Septembr(is)
p(on)tificatus s(anctissi)mi in (Christ)o p(at)ris et d(omi)ni n(ost)ri d(omi)ni Calixti d(iui)na p(ro)uidentia p(a)p(e) t(er)cii Anno p(ri)mo Inq(ue) vero Echternissensi p(ro)p(ri)is in d(omi)bus d(omi)ni Euerhardi d(omi)ni in Ruldingen p(rae)sentib(us)
discretis viris d(omi)no Henrico p(ro)p(os)ito in Echternach p(rae)sb(ite)ro Treueren(sis) dioc(esis) et d(omi)no Johanne p(ro)p(os)ito in Echternach p(rae)sb(ite)ro Treueren(sis) dioc(esis) testib(us) ad p(rae)missa vocatis et Rogatis