Wir Friderich von gots gnaden Romischer kunig zu allenczeiten Merer des Reichs kunig zu Osterreich zu Steyr zu Kernden und zu Krain Graue zu Tirol ze Behemen Und thun kunt Offenbar
mit disem brieue Allen den die In sehen oder horen lsen Als etliche stosse und misshellung uff gestanden sind czwuschen den hochgebornen phillippen hertzogen zu Burgundi(n) und Elisabeth(en) von Gorlitz hertzoginn zu
Beyern unns(er)n lieben Oheim und mumen an ainem Und dem hochgeborn(en) Wilhelmen Hertzogen zu Sachssen lantgrauen In doringen und Marggrauen zu meyssen unns(er)m lieben Swager und fursten als von sinen und der rechte
erben wegen am andern taile Als das land zu lucemburg antreffend und als der egenant unns(er) swager umb von sollicher sache wegen unns(er) und des richs lieben getruwen Capel unns(er)s Raths und Jorgen von Rebenburg stat
halter Im Gerichte In das land lucemburg gesant und mit der egenanten unns(er)r oheime von burgundi(n) und unns(er)r mumen erben sond(er) anwalden getedingt und vor dem Erwirdigen Jacoben Ertzbischoue zu Trier unns(er)m lieben Neuen und
kurfursten In bywesen unns(er)r lieben Neuen Oheim und kurfursten von Meintz Collen pfaltzgrauen und von Brandenburg valten getagt und gantz gescheen auch gesindt habin damit dieselbe sache an unns(er)n zu kymlich(er) not gestellet
worden Also das wir der egenant unns(er) Swager hertzog Wilhelm durch sin erbere botschafft zu erkennen geben wie In alle phlicht gutlich(er) weise hat geben mogen das sie zu lang sind zu schriben glich(en) und unglich(en) geteydingen
worden und sich deselbs vor unns(er)m egenanten Neuen von Trier und uff sinen luten begeben haben in massen als hernach geschriben steet dz also lautet Wir Capel unns(er)s rat und Jorg von Rebenburg statthalter ze Behem alls
wir erteilen uns von unns(er)s gnedigen h(er)rn hertzog Wilhelms wegen wie sich und unns(er)r der rechten erben unns(er)m h(er)rn dem hertzogen von Burgundi(n) und unns(er)r frawen von Beyern von unns(er)m gnedigsten h(er)rn den Romisch(en)
kunig und uff die fursten die zu dem rechte gehoren obn wen er In umb nemen wurde von and(er)n fursten zu urkunde und zu pflegen was er In umb alle spruche und vorderunge von rechts wegen pflichtig und schuldig wurde zutun
als fur das unns(er) h(er)r zu Burgundi(n) und unns(er) frauwe von Beyern unns(er)m h(er)rn hertzog Wilhelm und den rechten erben des glich(en) uff unns(er)n gnedigsten h(er)rn den Romisch(en) kunig und uff die fursten die er In umb genomet
hette widerumb luterumb zu urspruche und vorderung die sy In zu haben was sie In von rechts wegen widerumb pflichtig und schuldig wern zuthun das ein teile mit dem andern usgele und kume das lande unns(er) h(er)r und unns(er) gnediger
h(er)re sal das recht byeten und begreiffen uff das widerumb vor peene und spruche nemen von unns(er)m h(er)rn von Burgundi(n) und der frauwen von Beyern mit personen gen personen und gut gen gut Oder gebn Gasse Gelt gen Gelt
land und lute gen land und luten damit das recht genutzlich(er) usgeet und usgerichtet sey und welch(er) tail des rechten pflichtig wurde oder nicht volge was recht und redel sein und gebe der sal dem gehorsamen teil der peen und
ermessungen veruallen und behaffte sin was er ab(er) unns(er)n h(er)rn von Burgundi(n) und unns(er) frauwen von Beyern Inen bestetnusch und obn uff unns(er)n gnedigsten h(er)rn den Romisch(en) kunig und seinen fursten als obsteet
Ist das recht zu nemen und zu gebn So erbieten wir uns ab(er) In unns(er)s gnedigen h(er)rn hertzog wilhelms wegen an Stat der erben In aller forme und massen als wir uff unns(er)n gnedigsten h(er)rn den Romisch(en) kunig erbieten haben
das recht ab(er) zunemen und zuschieben uff das heilige Concilium zu Basel oder uff ewer gnade gnediger h(er)re von Trier mitsampt and(er)n uff die wir kurfursten unns(er) gnedig h(er)ren Vormerken ab(er) unns(er) h(er)r von Burgundi(n)
und die frauwe von Beyern das unns(er) h(er)r von Brandenburg In wol gesessen oder unns(er) h(er)ren von Marggraffschafft zu nahe gewandt wern So solt unns(er) h(er)re uff ewer gnade von Trier mitsampt den kurfursten tretten Collen
oder den pfaltzgrauen unns(er)n gnedigen h(er)rn und ewer aller fursten die In ungeteilich In umb nemen wurdet oder ewer kurfursten einen oder mer In solten sie wollen und sie alle die Sache oder uff baide unns(er) gnedigen h(er)rn
die hertzogen von Sophoyen den alten oder den Jungen zu einen recht sin wollen und In Sache verfugen sie ab(er) das Concilium und unns(er)n gnedigen h(er)rn die obgemelten kurfursten und fursten alle So erbieten wir uns noch In
obgemelter mass von wegen unns(er)s gnedigsten h(er)rn hertzog wilhelms und der erben als obgenant ist uff diese hiernach geschriben Statte die Stete von Collen Trier mentz und franckfurt Speier Strasburg Basel Nurenberg Regensp(ur)g
augspurg oder ulme uff der Stete furst einen welch(en) sie wollen In aller formen und massen als wir das uff unns(er)n gnedigsten h(er)rn den Romisch(en) kunig unns(er)n gnedigen h(er)ren die kurfursten und fursten geboten haben
Verfugen unns(er) h(er)r von Burgundi(n) und unns(er) frauwe von Beyern sollich Statte und uff die obn benennet und uff die wir obgemelt ist So wullen wir uber gnad gnediger h(er)re von Trier mitsampt unns(er)n gnedigen
h(er)rn den kurfursten furst die verordent In uff sinen rath vorberupunge und unns(er)n gnedigsten h(er)rn rat und vorworte unns(er) h(er)re hertzog wilhelm zu recht und die erben sollichs als obgemelt zu volnbringen
phlege mit den luten und beuelhen sal bedunckt ab(er) unns(er) voderfarn das wir mehr recht liden und redelicher gnugesache gnug gethan hetten So wullen wir uber gnaden besampt unns(er) gnedigen h(er)rn den kurfurste(n)
Recht(en) verstand erkennen lassen wie wir das vollenlich redelich(er) und gnuglich(er) bieten sullen den wullen wir gehorsam sein und nachkomen an stat unns(er)s h(er)ren und der erben deshalben auch habin die egenanten Capel
und Jorgen nach langen teydingen die sie mit den drey staten und der landschafft des lands zu lucemburg gehat habin als uns der egenant unns(er) Swager hertzog Wilhelm zu enpoten hat diese nach geschriben redet
geton gethan zu lucemburg die also lauten lieben h(er)rn und guten frunde Wir hab unns(er) gnediger h(er)re hertzog Wilhelm von Sachssen In anstat der rechten erben des lands von lucemburg heruß gesand uch
gutlich(er) fruntlich(er) und demutiglich(er) zu biten zu ersuchen und zu ermanen aller das er In das derselbin erbin euch zu biten zu ersuchen und zu ermanen mag das das ir Inen sin Inen helffen und staten wollet
das unns(er) gnediger h(er)r und die rechten erben die vorgenant h(er)tzoginn und die frauwe von Beyern auch do rechte bliben bedunck das land und alle vnderthasen und Inwoner zu merer unruge zu furen und zu geteyden
komen mugen als uch das als wirdigen edeln fromen bidern leuten Eweren knechten und guten mannen zimlich und geburlich ist Wann unns(er) gnediger h(er)re hat uns nicht beuolhen uch icht furzulegn ab(er) an uch zu
suchen das uch an uwern eren oder glimpff krenken oder beletzen muge so wolden wir es mit wissen nym(er) thun anders dann von sund(er)s eeren gemeynen nutz und frid der lande vorgenant helffen zu werbe Nu sind wir hie
hin macht dem also nach nutzlich(er) und fruchtlich(er) das unns(er) gnediger h(er)re und die rechten erben by iren gerechtikeiten und die frauwe von Beyern auch by irer gerechtikeit blibe Wuld ab(er) uch bedunken das wir von
unns(er)s gnedigen h(er)rn und der erbin wegen nicht gnuglich(er) sollenlich(er) erberlich(er) nach rechtlich(er) gebur gnug gethan noch erboten habin so gebit uns vnder wisunge und richtunge wie wir das sollenlich(er) und redelich(er) bieten
sullen daruff wullen wir euch als wir hoffin fuglich(er) und glimpfflich(er) antwurt gebn Item welch(er) die wern die ubn sollich sollenlich(er) vorderunge erbietunge darzu hulffen und rieten das der hertzog von Burgundi(n) oder die sinen
hie In das land von lucemburg zugen oder uch Stete zu iren henden Inzugreiffen runden die teten als von meynen wider iren rechten erblichen w(er)de h(er)rn land und lute sollich(er) Item wuld uch an sollich(er) sollenlich(er)
erbietunge nicht begnugen so sind wir hie von der erbin unns(er)s gnedigen h(er)ren von Sachssen wegen und erbieten uns das ir und unns(er) frauwe von Beyern einen gnuglich(er) redelich(er) beschaid nach notdurfft unns(er) h(er)rn
In stat der erbin und des landes wegen bestelle das nach abgange der frauwen von Beyern das land von lucemburg unns(er)m gnedigen h(er)rn von Sachssen In stat der rechten erbin handin gefalle und ubergebn w(er)de Inmassen ende und
gelich(er) pflicht nach Innhalt sollicher brieue unns(er) gnediger h(er)r kaiser Sigm(un)d Jrem mit uch darzu mehr begnugen so sullen unns(er) gnedigen h(er)rn von Sachssen In stat der erbin das land von lucemburg und von Chiny slosser
und summen und der frauwen von Beyern alle slosse und ampt lassen folgen sund(er)n die unns(er) gnedige h(er)r die selb(en) gehorsam und offenunge das wir die slosse besetzen steten und luten wann ir wol merckt unns(er) gnediger h(er)r
hette ein land slosser oder summen mag sund(er)n wise und beschaid der Ingesessener desselben lands dabie der famulien von Beyern ab(er) sollenlich(er) und nit beschedig dann nach Innhalt irer brieue Item wuld uch das ab(er)
nicht begnugen So sullen unns(er) gnedigen h(er)rn von Sachssen In stat der rechten erbin mit uch furkomen fur unns(er)m allergnedigsten h(er)ren dem Romisch(en) kunig ob und den als einen Romisch(en) kunig und als einen Erzh(er)r
und acompte dz volbenuarten habin uff vorgenant unns(er)s gnedigen h(er)rn furberupunge und ewer vnder antwurt mit recht erkennen lassen wie ir uch gen die rechten erbin und unns(er)n gnedigen h(er)rn vorbenant und unns(er)
frauwe von Beyern gen yclich(er)m teil halden sullent damit ir an ere eydt und phlichten on getrug clag und unbelezt blibt und dabie das das wirdige land nicht dester instanden bracht und unns(er)m gnedigen h(er)ren und den
rechten erbin nicht entwant noch uß iren handen gefalle und bracht mochte werden Item wuld uch ab(er) dieß nicht begnugen und bedunkte uch das ir von wegelogen oder unebin so vor dem obgenanten unns(er)m gne
digsten h(er)rn dem Romisch(en) kunige ir fur zu komen so erbieten wir uns von unns(er) vorgenanten gnedigen h(er)rn von Sachssen In stat der rechten erbin mit uch In glich(er) vorgenanter fugen fur zu komen vor unns(er) gnedigen lieben
h(er)ren die vier kurfursten Nemlich(er) Trier axtm(er)ke Colne und den pfaltzgrauen und vier Stete ob(er) vor der vorgenanten unns(er) gnedigen h(er)rn der kurfursten zweene und zwo Stete welch(er) ir wollet und sie in obgenanter
massen erkennen lassen Item w(er) uch dieß ab(er) nicht ebin so wullen wir in obgenanter fugen mit uch fur komen vor unns(er) gnedigen lieben h(er)rn hertzog Steffan pfaltzgrauen by Riene und hertzog In Beyern und
unns(er)n h(er)rn dem Marggrauen von Baden und zwo Stete und sie In glich(er)weiß lassen erkennen Item w(er) uch dieß ab(er) ungeligen so wullen wir als vorbenant ist mit uch fur komen vor die Stete der Stete ein welch(er) ir
wullet Nemlich(er) hiernach benant Colne Trier mentz oder frankfurt und uch irer erkentnuß uff furberupunge und antwurt als obgeschriben ist erkennen lassen und vor sollich(er) der vorbenanten unns(er)m allergnedigsten
h(er)rn dem Romisch(en) kunige ob unns(er) gnedige h(er)rn die kurfursten und fursten oder der Stete Stete einen h(er)ren h(er)ren sind Ir zu erkentnis und spruch als vor gemelkt ist komen wullet da wullen wir das recht verpenen
und schied(en) und das wider vpenen und schied(en) nemen lip gen lip gut gen gut Sloss gen Sloss und Stat gen Stete damit das recht gantz usgehat und usgeret w(er)de kein usflucht In dem recht(en) zu suchen und was
vrteil und recht darub(er) geet und gebit das das also gehalden nach gegangen und volzogen w(er)de und welch(er) teil von uns usflucht sucht und nicht entlich was vrteil und recht gegebn und geset blibe als vorbenant
ist das der den andern teil der dem recht(en) gehorsam ist der vorbenanten penen erfallen w(er)e und sich darzu subialden deß das das recht In einer redelich(er) zyt in end und spruch geneme und das kein teil von uns keinen
fremden fursten noch h(er)rn In die land von lucemburg und von Chiny nicht Inlassen noch Stete noch Sloss ub(er) gebn sullen den rechten erbin zu schaden und das nach notdurfft zu ußschriben und zu ußschied(en) des fliß ir nu
sollich(er) gnuglich(er) und erberlich(er) ratgebe und luterunge als vorbenant ist so ist uns allermenniglich wol das ir die Nenen und die unns(er) gnedige h(er)r von Sachssen und die rechten erbin und ir gerechtikeit Inne zu tun
betreyen ubn sollich(er) groß h(er)r pflicht als ir dann den rechten erbin schuldig seyt und wullen auch dasselbin unns(er) abschiedung und der rechtgebot als hieuor bestend sind unns(er)m allerheiligsten und allergnedigsten vater
dem Babste dem heiligen Concilio unns(er)m allergnedigsten h(er)rn dem Romisch(en) kunige ob unns(er)n gnedigen h(er)rn den kurfursten und and(er)n fursten h(er)rn und Steten schriben und senden handlunge und fur
nemen der sachen Inne zu w(er)den zu underrichten das unns(er)n gnedigen h(er)rn und den rechten erbin ir gerechtikeit durch uch als wir meynen verkurzt wurde Von dissen ab(er) das unns(er) vernunfft unschick(er)
und erberkeit so als gross das ir der darzu nicht lassen komet das sullen die rechten erbin mit unns(er)s gnedigen h(er)rn von Sachssen gnediglich(er) gen uch erkennen usschuldig und Inen und von eweren erbin welch(er) das
auch vollnb(r)ing gen uch Dienen Nu nach sollich(en) vorgeschriben rechtgeboten und die sachwald(er) worden sind hat uns der egenant unns(er) Swager hertzog wilhelm durch sin erber botschafft pitten lassen sollich(er)
mal phlicht obgeschriben rechtlich(er) gebot von den obgenanten partheien sind usslagen worden dem dann der egenant unns(er) Swager von sinen und der rechten erbin wegn rw es sich geburn wirt nach usgehn w(er)d das wir
dann unns(er)n willen und gunst darzu In gebn geruchen wann wir nu sollich(er) rechtgebot zimlich und gned(er) beduncken und bedacht wol zu rechtlich(er)m usztrage der sache zu komen und darumb so gefellet uns wol zu willen
und gunen auch dem genanten unns(er)m Swager hertzogen wilhelm von Sachssen und den rechten erbin In disser sache brieue und gebn im gewalt das er von sinen und der rechten erbin wegn sollich(er) rechtgeboten nachkomen denach
lute der usschribunge die er darub(er) hat durch sich oder sin anwalden volfuren und die rechten erbin darub(er) mitsampt im nach dem besten komen muge vor des notdurfft sin wirdet Zu urkund diß brieues Sigelt mit
unns(er)m kuniglichen anhangenden Insigel Gebn zu Nrem(er) nach Cristi geburt vierzehenhundert und In der und viertzigsten Jaren an montag vor sant Gallen tage unns(er)s Reichs Im vierden Jare
Amandus d(omi)n(u)s
regis m(andato) p(ro)p(r)io
Wir Erhard abt zu Burgeln Sanct Benedicten Ordens Bekennen offenlich das wir den rechten kuniglichen brieff an schrifft Sigil und allen enden hie vorn unuerseert und volstendig in unns(er) hand gehabt
gesehen gelesen und lesen gehort habin der von worten zu worten Innhaldet als diese obgeschribene abschrift uswiset zu geucknus des zu waren gezeugnuß haben wir unns(er) Egen Insigel wissentlich(er) drann
thun hencken uff Sontag vorueestla(r) Anno d(omi)ni millesimo Quadringentesimo Quinquagesimoquinto
Ego Nicolaus petri de Ebbelsure cleric(us) argentinen(sis) dioc(esis) publicus sacra Imp(er)iali Auctoritate Notarius Quia h(uiu)s originalis (Regis) Jllustrissimi p(ri)ncipis et d(omi)ni d(omi)ni Friderici Roman(orum)
regis Jnuictissimi vna cu(m) sigillo eiusdem impendenti sigillatum p(er) Reuerend(um) in ch(rist)o p(at)rem et d(omi)num Erhardu(m) Abbatem Monasterij p(ri)ncipis et d(omi)ni d(omi)ni Wilhelmi ducis Saxonie attaui p(ro)uisionis ac eiusd(em)
p(ri)ncipis Wilhelmi (Johannis) Erfordi Cancellarij exhibitu(m) coram Reuerendo p(at)re d(omi)no Erhardo abbate Monasterij in Burgeln s(an)cti B(e)n(e)dicti Nuwenburgen(sis) dioc(esis) et me notario infrasc(ri)pto
lenari auscultari ascultauimus quo sic cu(m) eod(em) originali l(itte)raru(m) auscultato et collato vid(er)i et audiri (et) p(ro)ut p(er) publicam transsu(m)ptam siue exempla(m) p(ro)ut eadem p(re)sens p(ro)cessit de p(ub)li
cari Ex(pe)d(i)t(ur) et meo meo p(ro)p(r)io s(ub)sc(ri)psi no(m)i(n)e apposui signu(m) meu(m) p(ro)ut p(re)sens (Rogatus et requisitus in fidem et testimoniu(m) o(mn)i(u)m et sing(u)lor(um) p(re)missor(um) Act(um) sunt hec in Castro dicto
Sub Anno d(omi)ni millesimoquadringentesimoquinquagesimoquinto Jndictione t(er)cia die v(er)o dominica mensis Septembris vicesimaoctaua hora vesperorum v(e)l quasi Pontificatus s(an)ctissimi in ch(rist)o p(at)ris et d(omi)ni n(ost)ri d(omi)ni Calisti
diui (Regis) vero Friderici p(ri)mi p(ri)ncipis d(omi)ni Friderici Roman(orum) Regis Jnuictissimi Anno decimoquarto P(re)sentibus ibidem p(ro)uidis viris Johanne de (Ebbelsure) et Georgio n(ost)ro E(pi)s(cop)o Johanne de Eb
belsure in decano s(an)cti et s(an)cti et d(omi)ni n(ost)ri d(omi)ni (Friderici p(ri)mi) mag(ist)ro n(ost)ro testibus ad p(re)missa vocatis p(ar)iter et (Rogatis)