Vnser vnverdrossen #3w dinst zunor hochgeborne furstynne gnedige fraw Erber
weisen libn frunde Als denn nehist das abscheydn zu lobin gescheen ist das iglich teyle die
handelunge hynder sich brengn sulle Also habn wir sulche sache hynder vns an die vnsern
brocht vnd Rat dorobir gehabt vnd habn das also furgenomen vnd wol gewegen nemlich
uff die Erste antbort die wir alle eyntrechtiglichen allin teylen die vns angesprochen habn
getan habn das vns nicht fugt doruff zugen vnd auch nicht not ist wenn dorinne
vns(er) erste antbort die wir mit ewern gnad(en) gegebn habn das offinbarlich vswaiset
vnd bequemer vnd bassir ist wenn ander antbort die wir dorobir vff ein newes tun suldn
So die erste antbort das mit mer worten gancz vnd eigentlichir ausweiset vnd das
vns kein teyl zulegn mag das wir kurczunge adir schaden zukunfftig douon bekomen
mochte Als ewr gnade vnd auch wir mit vns(er)n brifn vnd sigiln das iglichem teyle
zugeschribn vnd bestetigt habn Vnd ap ichem teyle der erstn antbort nicht ynderhtig
wer so welln wir die gern voranderweitten vnd obirsende(n) vnd dobey auch an yntrag
bliben vnd hoffen zugot das vns das nymands moge vordongelimpfen wenn wir in
den sachen bym iglichem teyle erberlich tun welln wasto gotlich vnd erlich zutun ist
Ap vns das cristelich vnd rechtlich gegeen mag Gebn am dinstag noch sand Jorgen
tag Anno (et)c lix(o)

Domhe(r)r(e)n prelaten der kirchn
vnd Ratmanne der Stat zu breslow