Jorg von gots gnaden kunig Zw
Behemen vnd Marggraff zu Merhern ec(etera)

~H~ochgebornne fursten Wann wir durch kuniglich wird(e) Vnser kunigreich
allen vnser furstenthumben landen vnd vnderthanen gedeyen vnd lawt
den gemeynen nucz auffs hochste Zufurdern vnd Zubestellen schuldig vnd
pflichtig Vnd do wir nu von vnser lieben Getrewen den lantschafften
vnd Steten Vnser furstenthumb Slesyen vnd lawt Vnderricht Wie etlich
gebrechen der mwnczhalben In denselben vnser furstenthumben seind dauon
wir etlich vnser Rethe trefflich geordent haben Auff Sant Walpurgen
tag schirst in vnser Stat Slesyen Zuschigken Begern wir an ewch
mit ernsten vleiss das ir auff den gemelten Sant walpurgen tag auch
ein trefflichen Rathe mit gancz macht dohin gen der Slesyen schigket
do wir ewch vnd ander die wir auch daselbsthin Zukomen gefodert
haben durch die guten vnser Rethe Vnser meynung der mwncz vnd
anderhalben Zuerkennen geben lassen wollen vnd des nicht vnhaldet
daran thut ir vns besunder gutgeuallen Geben Zu Prage Am Sontag
palmaru(m) vnsers Reichs im and(er)n Iar

~p(er) d(omi)n(u)m Regem~