Der durchleuchtigiste furste vnd her her Iorge von gots gnaden
kunig zu Behemen, ir sein gnad had schuffen lassen, das alle
die her(n) ritter vnd knechte, auch die stete, bereit sein sullen zu
der herfart mit wagen, puchsen, zu fusse vnd zu rosse, wann
sy sein gnad zwom andirmal besenden vnd zu wissen thun
werdet, welchen tag vnd an welch end sie zihen sullen, das
sy vnweigerlich zihen, wann deselbst auch sein gnad leib
hafftig sein wil zu beschirmen sein kunigreich zu Beheme vnd
alle die dy vnder seinen gnaden namhafftig sein, vnd das
von sulch redlich vrsache wegen, das man in dem gancz(en)
kunigreich zu Behemen vnweissenlich vnd vnchuntlich mit
zuglegtem feuer vnbekant feuer ere, wider sich in eymelich(er)
sache fur feindt gemeldet haben gedinget etlich, die sulch feuer
zulegen, die dann haben bekand, das man sie heimlich vmb
gelt gedinget, vnd sy sein gnad zugesengniss had, das dan
abgeteil, vff sy durch dieselben bekant wurdet, vnd der
kunig(liche) gnad nach den mit ganczem vleis had gestundt,
das sein gnad sich selbs vnd das land ger allermeinlich in
frid behalden wolt, vnd nu sein gnad sicht sulch verderben
vnd schadn, die seind gnaden zu smahen vnd der lande
verderben vnd schadn vndertanen zu grossen schaden kumen,
erkarmt es sein gnad vnd begert an euch allen vnd
ein iglichen in sunderheit, das ir euch mitsampt sein gnaden
ermahen vnd eurn schadn bekennen lasset vnd sulch
sulch vnbekantlich lewte, die sulch gedinge wider got
vnd ir ere tun, wollet beholffen sein, wann abgeteil sein
gnad an sulchen mit gots hilffe nicht heimlich, sunder
offenbar das rechen wirdt,