W^3w^ir
Von gotes gnaden Wir Jörg künig zu Behem Marggraue ze Merhern herczog in der Slesy vnd zu luczelburg ec(etera) Vnd wir Albrecht Erczherczog ze Osterreich ze Steyr ze Kerenden
vnd ze Krain Graue ze Tirol ec(etera) Bekennen vnd tun kund offenlich mit dem brief Nach dem vnd wir vns vormaln miteinande(r) freuntlich vnd gütlich nach Innhalt etlicher brieue daruber auß
gegangen veraint verbunden vnd verscriben vnd vns nu seid derselben verainung also freuntlich vnd aufrichtlich daran vnser yeder von dem andern ain gut benugen hat gehalten haben das
durch wir zu ganczem vnzweuelichem vertrawen geneinander komen sein So hat vns wolgeuallen vns weyter miteinander zuuersteen vnd in hoher ainigkait zugeben das wir auch also
getan haben verainen vnd verbinden vns auch wissentlich mit dem brief in mass vnd forme als hernach geschriben steet Mit dem ersten so sullen die vorberurten vnser aynung vnd ver
stentnuss in allen Iren puncten vnd Artikeln wie die brief daruber lautend gancz vnd gar bey Iren krefften beleiben vnd sein ainander dieselb verainung schuldig zuuolstrecken vnd sol
mit diser vnser newen verstentnuss die nicht abgenomen noch bekrenket sein in dhain wegen Dann allain der aufnemung halben haben wir vns anders vertragen Als in dem letsten Artikel
diss briefs auch begriffen ist Vnd ob vnser ainer oder sein lannt lewt vndertan oder die so in seinem Schirm oder schucz weren Nemlich Wir der künig in dem künigreich zu behem vnd Marg
graftumb zu Merhern Vnd wir Erczherczog Albrecht im lanndt zu Osterreich vberzogen wurden von wem das were so sol der ander vnder vns wann er darumb schrifftlich ermant vnd des
ersinnet wirt dem andern mit macht auf denselbs cost vnd schaden züziehen vnd allang der vberzogen sein begert bey Im beleiben vnd dem vberzogen in aller mass beystentig sein Als ob
die sach gancz sein aigen were vnd In berürte Alle aufzug widerrede geuerd vnd list wie die erdacht mochten werden hindan geseczt Vnd so wir baid also mit yemand in vehde kamen So
sol sich vnser kainer an den andern richten aussönen oder friden auffnemen Sunder alle geuerde vnd sol dise vnser aynung weren vnd besteen vnser baider lebtag gancz aus Dise vnser
verainung getrewlichen zuuolstrecken vnd zuuolfüren in allen Iren puncten vnd artikeln haben wir ainander gelert ayd zu got vnd den hailigen in aller mass als künig vnd fürsten
das am formlichisten ymmer tün sullen oder mugen gesworen Vnd in der vnser verainung nemen wir zubaiderseit sunderlich vnd one furwort vnd geding auss den hochgebornen fürstn
vnsers lieben bruder vnd Swager herczog ludwigs von bayren personen vnd die ainigkait so wir mit Im haben So nemen wir der künig auch in sonderhait auss die erbaynung
die wir mit den bischouen zu Maintz vnd wirtzpurg Auch die aynung die wir mit dem pfallzgrauen vnd die erbaynung die wir mit dem Marggrauen zu Brandemburg vnd
die aynung die wir mit herczog Wilhelmen zu Sachsen haben doch also Ob der genanten fürsten ainer oder mer die wir dann in sonderheit ausgenomen haben vnsern bru
der vnd Swager vergeweltigen oder vberziehen wolten so wir dann vnsers bruder vnd Swagers zu recht mechtig weren vnd der vnd die die solh vergeweltigung oder vberzug
fürnemen solh recht nit aufnemen solten von dem vnd denselben wider den genanten vnsern bruder vnd Swager nit helfen Mit vrkunt des briefs der zwen gelaich lauttend
gemacht sind der vnser yeder ainen genomen hat Vnder vnser baider anhangunden Inssigeln Geben ze Eger an Mitichen vor dem Suntag Inuocauit in der vasten
Nach cristi geburd Virczehenhundert vnd in dem Ainvndsechczigsten Jarem