F R I D E R I C U S
Fridericus diuina fauente clementia Romanorum Imperator semper Augustus Hungarie Dalmacie Croatie (et)c(etera) Rex ac Austrie Stirie Karinthie et Carniole Dux Dominus Marchie
Sclauonice ac Portusnaonis Comes in Hapsburg Tirolis Pherretis et in Kyburg Marchio Burgonie et lantgrauius Alsatie Ad perpetuam rei memoriam Insignis Bohemie Corona Cesaree celsitudinis
honori faustisq(ue) statui totis viribus inuigilando adeo fidelis et obsequens semper extiterit ut non in merito plurimis priuilegijs libertatibus et gratijs velut alios Illustres Sacro Imperio subditos a sum(m)is
nostris principibus meruit honorari Sed et hactenus Inclitam sedem Imperialem venerari ut debet et tueri haut destitit hac itaq(ue) tempestate postq(uam) Ciues Wiennenses et nonnullos nobiles ducatus nostri
Austrie subditos nostros debite subiectionis in(m)emores et prestite fidelitatis sacramenta violantes non sine maxima iniuria nobis rebellare et se insolenter opponere ac crimen lese maiestatis incurrere non
puduit extunc Serenissimus Georgius Bohemie Rex (et)c(etera) affinis noster carissimus cum Regni sui Baronibus proceribus Nobilibus et aliis Regnicolis quantocius arma coadunare potuit nobis ad ferendum
auxilium presidiumq(ue) Austriam potenter grate et oportune aduenit Vbi de manibus infidelium nostrorum subditorum hostium inmanium felicibus auspicijs saluti et liberationi nost(r)e prono animo subuenit
quod profecto erga nos et Imperium sacrum amoris et beniuolentie non mediocre prestitit argumentum proquo quidem tanto beneficio nostre Cesaree sublimitati impenso non indignum censuimus nominatum
Bohemie Regem Regnum et Regnicolas digna remuneratione et consolari et honorare ut munificentie nostre singulari gratia preuenti ad parendum nobis et Imperio sacro magis beniuoli reddantur. Ideo non
pererrorem aut improuide sed animo deliberato sanoq(ue) principum Comitum Baronum nobilium et aliorum fidelium nostrorum accedente consilio certa scientia nostra autoritate Imperiali de plenitudine
nostre Cesaree potestatis ip(s)i Regno Bohemie et Regi eiusdem infrascriptas gr(ati)as perpetuis duraturas temporibus damus donamus conferimus et gratiosius elargimur primo ut dum Rex Romanorum
aut Imperator futurus protempore existens prosuscipiendis Imperialibus infulis in Vrbem Romanam proficisceretur Rex Bohemie non teneatur in antea eidem dare et mittere nisi Centum
quinquaginta armatos aut marcas argenti totidem quamuis superiori tempore trecentos armatos dare aut tot argenti marcas deponere fuerit astrictus. Item Q(uo)d Rex Bohemie ad
Curiam Imperialem vocatus aut requisitus saluoq(ue) conductu prout moris est prouisus venire alias non debeat nisi Romanorum Regem aut Imperatorem apud Nurenbergam aut Bam=
bergam curiam Imperialem haberi contigerit et celebrari. Item dum Rex Bohemie a Rege Romanorum seu Imperatore Regalia seu inuestituram cum solennitate et banderiis sibi conferri peti=
erit ut solempnitatibus expletis banderia ip(s)i Regi minime lesa facta aut lacerata restituantur cum quibus hospicium suum a solio Cesaree maiestatis reuertatur. Item Regi Bohemie ad suscipienda
Regalia sua proficiscenti per Regem Romanorum aut Imperatorem eundi ac ad Regnum terras et dominia sua redeunti de saluo conductu prouideatur. Item Q(uo)d Rex Bohemie in festiuitati(bus) et Regalia sua
suscipere non teneatur nisi in metis uel finibus Regni sui aut finitimis locis decem vel quindecim miliaribus almanica Regno suo et dominijs suis distantibus. Item dum per Romanorum Regem aut
Cesarem Capitaneus vel Capitanei per sacrum Imperium constituentur extunc idem Capitaneus siue Capitanei de subditis Regis Bohemie ip(s)is precipiendo aut mandando contra libertates Regni Bohemie
se nullatenus intromittere debebit vel debebunt quinymmo potius prefato Bohemie Regi apud suos subditos precipiendi autoritas salua permanebit prout hactenus fieri consuetum est et obseruari. Nulli
ergo o(mn)ino hominum liceat hanc paginam donationis et concessionis nostrarum gratiarum quouis modo infringere aut ei ausu temerario quolibet contraire. Siquis autem hoc attentare presump=
serit indignationem nostram Imperialem grauissimam et penam mille marcharum Auri puri et optimi tociens quociens contrarium fecerit se nouerit irremissibiliter incursurum quarum medietas
fisco nostro Imperiali reliqua vero Regis Bohemie camere erit applicanda. Inquorum fidem has nostras l(itte)ras fieri et consiti sigillo quoq(ue) maiestatis nostre iussimus conmuniri. Datum in Newn=
burgk forensi Vndecima die Mensis decembris. Anno domini Milesimo Quadringentesimo Sexagesimosecundo Regnorum nostrorum Romani vigesimotertio Imperij vndecimo Hungarie (et)c(etera)
Vero Quarto
Ad mandatum domi
ni Imperatoris p(ro)priu(m)