Wir Karell von gottes genaden Romischer keyser zu allen zeiten Merer des Reichs und kunig zu Beheim und wir Anna von derselben genaden Romische keyserinne zu allen zeiten Mererinne des Reichs und kuniginne zu
Beheim Tun kunt und bekenne offenlich mit disem brieve allen den die in sehen oder horen lesen Das wir mit wolbedachtem mute und mit rate unsers fursten und getrewe gelobt haben und geloben in guten trewen an alles
geverde allen erewirdigen Priestern und kirchhern lehenleuten Schultheissen Richtern Burgern gebawrn und der gemainde armer und reicher der lande vesten und Stete die hernachgeschriben steen Sweidnicz Sra
gon Hayn landeshute Reichenbach Nympsch Zoboten friburg frideig Jauer lewmberg Bunczlowe hirssperg Schonow lehen Rifenberg und fridberg an dem Queys gelegen und alle wichpilde derselben lande
vesten und Stete vor unns unns(er) erben und nachkumen kunige zu Beheim ob es zu solichen sachen kumpt das derselben lande vesten Stete und wichpilde herschaft an unns und in unnser gewere und gewalt gevellet
besummet oder befunden das wir und die vorgenanten unnser erben und nachkumelinge keinen lehenman Schultheissen voyet Richter Burger Gebawer oder gesessen man in denselben landen vesten Stetten und wichpilden
vergeben oder verkauffen oder auß unnser hannde bremige sullen oder wollen und sullen auch keine inngen zu vorwesen an den andern Sunder wir wollen und sullen yederman lassen und behalden in seine wirden als
wir in vinden und als er an unns kumen wirdet Und ob wir nu druber von yemande gebetten wurden oder in eines kauffes weyß an unns gesuchet wurde oder in ein meynunge unnsers zu lonen oder in welicherley
geschichte das an unns begert und gemutet wurde das wir der egenanten eine oder mere zu lehen geben und zu manschaft an yemande weysen und ob sie lewte sprachen sie weren in nicht gut genug zu genossen do wollen
und sullen wir unns nicht ankeren und sulicher rede sullen sie gegen unns nicht furtragen das wir der egen eine an den andern weisse sunder wir wollen und sullen sie gemeynlich und eine iglichen befunden bey unns in alle
iren wirden behalden unzerczukt und ungetent an fremde hande weysen Beschehe aber das das von unns erben oder nachkomelinge durch bethe gabe oder ander sachen uberredet und uberkunt wurden in keine weyß das wir
yemandy oder etlichen der vorgenant(en) von unns verkauffen vergeben oder eine an den andern weyse und brieve druber geben und das das oben begriffen ist soliche brieve sollen untuglich sein und keine krafft oder macht hab(e)n
und diese gegenwurtign brieve sullen in iren krefften bleyben und teten und vernechten alle sulche brieve die hernach in kunfftign zeiten drwider gegeben wurden und wer sulche brieve zu lichte brechte der von unns bekeret
und nicht zu hannt daro ließ als im diese gegenwurtige brieve zu wissen wurden getan den sol man haben fur eine falscher und wer dieselben brieve ansichtig wirdet der sol gewalt hab(e)n sie zu neme und zureyssen
Auch geloben wir biname das wir unnser erben und nachkume kirchlehen Closter Dorffer Monthove Mulen boiwerg welde best(e) oder gebirge der egen lande vesten und Stete und wichpilde die iczundt zu
den furstenthumme gehoren oder hernach dorzukume werden und die wir noch dorzu bremign mugen von unns(er)n unns(er)n erben und nachkomelinge hannden nicht sollen noch wollen lassen kume und sullen auch des
kein macht haben Sunder wir wollen und sullen sie in allen iren wirden bey dem furstenthumme unzerczukt lassen und behalden wer aber sache das von unns erben oder nachkomelinge benotiget wurden von rechter und
redlicher note wegen wie sich das geburte so sullen wir oder die vorgenant(en) unnser erben und nachkomelinge die Mark geldes es sey an mulen oder wiste mark oder an welchen nuczen oder an unns(er)m geschoß uff Stetten
uff dem lande in dorffen oder wie die nutze benemet sein verkauffen umb zehen mark wider zu kauffen und nicht hoher und die nutze sol man achten wievil davon kumen mag und welchs hewbt der vorgenant(en) lande
vesten Stete und wichpilde wir pflezen wollen durch solh not als davor geschriben steet die sullen wir und woll(e)n und sullen auch nicht mug(e)n hoher pflezen dan das hauß fur zwaintausent Margk wider zulosen und die
buße der vorwerg nicht hoher versetz(e)n wen fur funffhundert mark Margk wider zulosen Wir geloben auch das wir nicht sollen noch wollen die nachgeschribnen veste und welde byname die veste bey der Sweidnicz
bey Reichenbach bey landeshute bey dem Hayn bey friburg bey hirssperg bey Rifenberg zum Zoboten und die welde zum fust und die welde zum feiner die heide zum Bunczlaw und beynamt alle forste welde
und gebirge der obgenant(en) lande vesten Stete und wichpilde die iczundt sein und zukunfftign zeiten werden mugen und die wir noch zu unns bremige mugen von unns und von unns(er)m gewalde empfremden Sunder
sie lassen und behalden in allem irem wesen und wirden und wollen sie nicht lassen außroden zu dorffen zu mach(e)n Auch wollen wir das die man Ritter und knecht und Einig derselben lande Stete und wich
pilde kein eynige an urlewg rate und wissen ires Erbhern hoher machen sollen noch mugen den zu dreissig schillingen Auch sol under den herre allewege der Eldest herre sein wo ir mer were den ein und denselben
Eldesten sollen die arm steet und burger fur iren herrn halden und die andern nicht Byname geloben wir das wir nicht sollen noch wollen und auch nicht mugen sollen kein Burglehen oder ledige dorffer stift
Ampt oder landtvoytheye des obgenant(en) furstenthummes erblichen vergeben oder verleyhen durch keinerley sachen Mit urkundt ditz briefs versigelt mit unns(er)m keyserlich(e)n Ingesigel der geben ist zu Prage nach Cristus
geburde Vierzechenhundert iare dornach in dem Sechsundfunfftzigsten iare an Sand Ambrosij tag des heilign Pysshoves unns(er)s des obgenant(en) keysers Reichs in dem Zehenden und des keyserthummes in dem
Ersten iare Und unnser der egen keyserinne Reichs im Drit(e)n und des keyserthummes auch in dem Ersten iare
p(er) d(omi)n(u)m Imp(er)atorem
S(i)mul de Thremssi
Nos Iohannes de Rabenstain Sedis apostolice prothonotarius et referendarius prepositus Wyssegraden(sis) in Notum facimus tenore presenciu(m) quod p(re)scriptas l(itte)ras Serenissimi quondam p(ri)ncipis domini Karoli Romanorum
Imp(er)atoris et ac Serenissime p(ri)ncipis d(omi)ne Anne co(n)thoralis sue sigillis maiestatis videlicet domi(ni) Karoli et sigillo p(ro) se(cre)to d(omi)ne Anne sigillatas et munitas non cancellatas no(n) viciatas nec destructas sed in om(n)i parte
sanas et integras prout de verbo ad verbum integraliter supra sunt scripte conspeximus et vidimus ac desuper l(itte)ras p(re)se(n)tes vidimus wlgariter appellatas t(es)t(im)o(n)io subsc(ri)p(ti) iussim(us) tuum appensione sigilli n(ost)ri in fidem p(re)
missor(um) Datum Prage Anno d(omi)ni Millesimoquadringentesimosexagesimo tercio die lune post dominica(m) quadragesimale(m) Iudica