Wir hirnachgeschreben Cunradt Metzsch Ritter zcu Milan hawptman zcu Wortzperg Hans vnde Peczold Metzsch alle dry gebruder Bekennen vor vns vnser
erben vnd tun kunt mit dyssem briue gem allermeniglich Nachdem vnd als der durchluchtigiste Furste vnd herre herre Jorgen konigk zcu Behmen Marggraue
zcu Mehrein Herczog der Slesie vnde zcu luczemburg Marggraue zcu lusitz ec vnser gnedigister herre fur sich vnd siner gnaden nachkomen konige bekennet
vnd tut kunt offintlich mit semer gnaden besigiltin briue vns gegebenn Wie das offinbar sey das sich der Edel er Heinrich Burgraue von Missen vnd vo(n)
Plawen in vnbillicher weise vnd furneme kegen seme koniglichen gnaden wider seme ere glubde vnd eyde damit er semen gnaden vnde der wirdigen Crone
verpflicht gewest sey merglich vnd groblich verhandelt doruber auch das Sloss Breslis das semer gnaden vnd der Cron erbe vnd eygen etwan do von
verpfendet vnd sinen gnaden offinug doran behalden sey mutwilliglich uffgebrant dadurch er seme konigliche wirde vnd Maiestat domit gesmehet siner
gnaden Lamer vderbet vnd deshalben wol verdinet habe das hinfurder nicht mehr zcuhaben zcuhalten noch zcubesitzenn Vnde alsdann sine konig
liche gnade des gnan(ten) von Plawenn grobe verhandelung angeschn vnde mit wolbedachtem mute vnd recht wissen das gnante Sloss Bresles zcu siner
gnaden handen wider genomen vnde das furder mit dorffern forwercken gerichten renten czinsen eckern wesen welden yagten wiltpanen holczern
puschen wassern tichen vischerien eren nutzen fronen dinsten vnd gemeinlich mit allen vnd iglichen andern sinen in vnd zcugehorungen wo die gelege(n)
sint vnd wie die name haben nichts douon uszgeslossen Mir obingnanten Cunraden metzsch von meyner getruwen vnd annemen dinste weyen die
ich seme koniglichen gnaden vnde der wirdigen Cron offtmals williglich vnd vnuordrossenlich getan habe vnde hinfur tun sal vnde mag zcu
rechtem manlehn erblich gegeben vnd vlihen hat Bibe vnd verlihet mir auch vnde mynen rechten liebeslenserben das obgnan(te) Sloss Bresles
Von semer koniglichen gnaden macht vnd mildikert gnediglich das hinfur mit allen seyne zcugehorungen von seme koniglichen gnaden siner gnade
nachkomen vnd der Cron zcu Behmen zcu rechtem erblichen manlehen zcuhaben vnd zcubesitzen des zcugebruchen vnd zcugniessenn In allermasse
als der von Plawenn vnd sine vorfarn das bissher ynnegehabt gebrucht vnd gnossen haben als das alles siner koniglichen gnaden gabe vnd lehnbrieff
mir doruber gegeben eygentlich ynneheldet sulcher gnaden vnd guttete mir Cunrade Metzsch von dem gnante(n) meyne(n) gnedigisten herrn dem konige
bis hie erzeiget dancke ich semen koniglichen gnaden gar mit demutigem vndertenigem vleysse Binde vnd globe doruff das ich vnd alle myne
liebeslenserben hinfur seme koniglichen gnaden semen nachkomen konigen vnde der Cron zcu Behmen douon gehorsam vnde gewertig sin wulli(n)
als ander siner gnaden vnd der Cron lehnmanne als ich dann das sinen koniglichen gnaden mit hantgebenden truwen fur mich vnd meyne
lehnserben geredt globit vnd gesworn habe Es sal auch sulchs Sloss Bresles sinen koniglichen gnaden siner gnaden nachkomen vnde der Cron
zcu Behmen offen sin gein allermeniglich nymants uszgenome(n) ire Amptlute vnd houptlute dorin vnd doruff zculassen yn auch bystant rat
vnd hulffe zcutun doch uff semer koniglichen gnade koste vnd vngeuerlichen schaden als offinuge der lehn gewonheit ist Vnd als dann der gnan(te)
vnser gnedigister herre der konig von besundern gnaden vns Hansen vnd Peczolden metzsch mit ern Cunrade metzsch vnserm Bruder vmb vnser
aller vleissigen bete willen semptlich belehnt hat Mit sulchem vnderscheide Op er Cunradt vnser bruder obingnant mit tode abgehn vnd rechte liebes
lenserben hinder Im nicht lassen wurde das dann also das Sloss Bresles mit allen sine zcugehorungen an vns vnd an vnser rechten liebeslenserben zcu iglichem
teile kome vnd gefallen sal von allermeniglich vnhindert als das siner koniglichen gnaden lehnbrieff eygentlich inheldet Doruff geredn vnd globen wir
Jtzuntgnante hans vnd peczolt Metzsch gebruder das ir vnd vnser erben vns gein vnserm gnedigiste(n) herrn dem konige sine nachkome(n) vnd der Cron zcu Behmen
Inmassen gesampte lehngut recht vnd gewonheit ist halden vnd mit offinuge des slos vnd den lehn abe dorzu qweme gein allermeniglich gewartig seyn
vnd das alles volfure(n) vnd deme nachkome wullen was in dyssem briue von vns geschreben stet alle geuerde vnd argelist hyrinne gancz uszgeslossen Zcu warem
vrkunde habe ich gnter Cunrat Metzsch myn Ingesigel fur mich vnd meye erben des wir hans vnd Peczolt metzsch sine bruder obingnt fur vns vnd vnser erben
hirdur mitte gebruchen gebrechnhalben vnser eygen wyssentlich lassen hengen an dissen briff Der gegeben ist zcu missen am dinstage vnser liben frawentage
Annunciacionis gnant Nach Cristi vnsers liben herrn geburt virczenhundert vnd darnach Im Sechsundsechczigistem Jarenn