Wir Nicolaus von gotis barmherczikeit Abt des closters zu Grissaw bekennen offinlich mit desin briefe Allen
die en sehen ader horen lesen das wir gesehn haben des Allerdurchluchtigisten fursten vnd hren hrn karolus Ro
mischen keisers Grosmechtigen kuniges zu behmen vnd herzogen zur Sweidnitz vnsers Allergnedigisten hren vn
uerseerten brieff mit seiner keiserlichn maiestat anhangenden Ingesigel vorsigelt der do laut von worte zu worten
als hirnochgeschreben steht Wir karl von gotis gnoden Romischer keyser zu allen zeiten merer des Reichs vnd
kunig zu Behmen bekennen vnd thun kunt offentlich mit desin briefe Allen den die en sehen ader horen lesen wenn
die statmanne burger vnd ganze gemeinscheffte der stete vnd merkte Sweidnitz Jawer stregen Reichenbach
Nymptsch landeshute hayn czoboten hirsberg kellenberg Buntzlau Greiffenberg Schonaw vnd lehn vnser lieben
getruwen dem hochgeborn Wenczlawen kunige zu behmen vnserm Sone vnd seinen erben kunigen zu behmen vnd
ap er ane erben vorschiede do got fur sei vns als einem kunige zu behmen vnsern erben vnd nochkomen kunigen zu
behmen eyne Erbhuldigunge Eyde vnd glubde getan haben als das in andern iren briefen wol begriffen ist dorumb
So globen wir fur vns vnser Erben vnd nochkomen kunige zu behmen den burgern vnd gemeinschefften der egenan
stete vnd merkte allen gemeynlich vnd ir itzlichen sunderlich in guten truwen ane alles geferde ab es zu schulden
leibes erben vorscheiden do got fur sey das die egenten stete vnd merkte an vns vnser erben ader nochkomen kunige
zu behmen quemen als in der huldinge begriffen ist das denne noch tode der hochgeborn Agnesen Herzogynne
doselbst vnsr lieben aymmen dieselben burger vnd gemeinscheffte ire erben vnd nochkomen alle gemeynlich vnd
ir itzliche sunderlich bey allen iren Rechten freiheiten gnoden wirden vnd guten gewonheiten wie man die be
nennen mag nichts vsgenomen die sie von alden fursten her brocht haben vnd die sie mit briefen ader redlicher
kuntschafft noch der lande recht beweisen mogen sitzen vnd bleiben sullen von vns vnsern Erben vnd nochkomen
kunigen zu Behmen vnd allen vnsern Amptleuten vnd getruwen vngehindert Welcher ouch vnser Sone erben
ader nochkomen kunige zu behmen der Eltiste were der sal hre derselben lande stete vnd merkte seyn vnd sich douon
schreiben vnd nennen vnd sal ouch derselbe die lande Sweidnitz vnd Jawer von enander nymer gesundern Auch
von sunderlicher gunst thun wir en die gnode das wir en yn beyden landen zur Sweidnitz vnd zum Jawer eynen
houptman vnd ouch einen landschreiber geben vnd setzen sullen der ytzlicher von eynem der lande Sweidnitz ader
Jawer geborn sey in der lande eynem gesessen sey vnd eyn biderber man sey Also das ie nur eyn houptman vnd
eyn landschreiber in denselben beiden landen sein sullen Sunderlichen wellen wir das nure eyne munge in beiden
landen sein sulle die an dem zusatze vnd an dem Silber in den wirden vnd in der gute bestehe vnd bleibe als sie itzunt
ist vnd eyn zeichen vnd geprege habe Auch globen wir den egenten burgern vnd gemeinschefften yn dem namen
als douor das wir vnser erben vnd nochkomen kunige zu behmen sie alle ader bey teiln von der Cronen des kunig
reichs zu behmen nymer in theynen zeiten vorkouffen vorpfenden ader empfremden sullen in theynenweiz Sunder
sie do bey erblich vnd ewiglich lossen vnd behalden vnt vrkund ditz briefes vorsigelt mit vnser keiserlicher ma
iestat Ingesigle Geben zur Sweidnitz Noch Cristi geburde dreyzenhundert Iar dornoch in dem dreyvnd
sechzigsten Iare an dem freitage vor sandt Gallen tag vnser Reiche in dem vierundzwenzigsten vnd des
keiserthums in dem funffzenden Iare des zu worem bekentnisse haben wir vnser Eptey Ingesigel vff desin brieff
drucken lossen der Gegeben ist am freytage noch Inuocauit Noch Cristi geburt vnsers hren vierzenhundert Iar
dornoch Im Sebenvndsechzigisten Iaren