ICh gernandt von S(ch)walbach dechandt des Stiffts Camberg Wirtzburger bistumbs, bekenn offentlich vnd thun kundtz allermenigclich mit disem brieue, das
mir vff heint vnnd dato, die Ersten erbarn vnd weysen, burgermeister, auch Stettmeister vnd Rate der dreyer Stet, Nurenberg vff der schauben, S(ch)weinfurt, Helle vnd vnnd der selbs, meine
besunder gut freunde vnd Nachbaren, ain pergamain appen brieue, S(ch)losse vnnd Stat Rußberg beruerendt, vnder wachs mit des allerdurchleuchtigsten, großmechtigsten fursten vnd herrn,
Herrn Wenczlaus, Romischen kunigs, so vnsers allergnedigsten hern hochloblicher gedechtnus anhangendem In(n)sigel besigelt, haben furpringen vnd erczelen lassen, wie sy des selben
brieues, In(n) etlichen Iren anligenden sachen vnd hendeln, zuuoran fur notturfftig vnnd vmb das abred besorgenden brieue, von teglichem prauch vnnd vbung, nit verletzet werde, oder schaden nemen
mochte, were an mich, In bit vnnd beger, den selben pergamain brieue mit vleis zuubersehen vnd verlesen, vnnd Inen alsdann des selben brieues, ain glaublich vidimus vnd transsumpt, vnder
gemelte Stiffts Camberg In(n)sigel zugeben, sich des, Irer gelegenhait vnd notturfft nach, zugebrauchen, den hab ich also balde daruff empfangen, verlesen, vnd lauter von worten zu worten
wie hernachuolgt. Wir wenczlawe, von gottes gnaden, Romischer kunig, zu allen zeiten merer des Reichs, vnnd kunig zu Behaim, bekennen vnd thun kundt offenlichen mit disem brieffe,
allen den, die Ine sehen, oder horen lesen, wann der edel, vlrich von Hohenloch, vnser lieber getrewer vns, vnd der Cronen zu Behaim, die slos, mit namen die Ersten Lampenburg, die Ersten Hunder
ingen, vnnd die Stat Hunderi(n)gen, mit allen Iren zugehorungen, die vns fur ain frey aigen lediglichen sindt, verraumet, geoffent vnd zu Rechten manlehen empfangen hat, fur sich alle sein erben vnd Nach
komen, also, das sie vns, vnnd der Cronen zu Behaim, offen slos sein sollen, wo wir vnnd der(n) vnd darein besetz(en) mogen, allermenigclich, ach offt vnnd do not sein, vnd gut duncken wurdet,
als das Erbrecht vnd gewonhait ist, vnd das auch derselb vlrich, sein erben vnnd Nachkomen, diß selben slosse, von vns, vnsern Nachkomen kunigen, vnd der Cronen zu Behaim, ach offt sich das
zuuallen wurdet, zu Rechten lehen empfahen sollen, als er vnnd auch daruff, fur sich vnd sein erben dauon gehuldt, vnd leiblich gesworen, vnd seine warhait brieff daruber geben hat, darumb
zu widerstattung solicher lehen, so haben wir In, seinen erben vnnd Nachkomen, mit wolbedachtem mute, guttem Rate vnd Rechten wissen, das slos Rußberg, das vns vnnd der Cronen zu
Behaim lehen vnnd fur gewes(en) ist, gefreyet, geeiget, vnd solicher lehenschafft ledig gesagt, vnnd der huldung dauon ledig gelassen, also, das sie furbas mere, das selb slos Rußberg, hauß vnd
stat, von vns, vnsern erben vnnd nachkomen kunigen vnd der Cronen zu Behaim, nicht empfahen durffen, sonder fur frey aigen, haben, halten, besuczen, verkauffen, versetzen, vnnd sunst Iren fre
nu(n)tz, wanden vnnd keren mogen, als sie do nutz vnnd notturfftig duncken wirdt, von allermenigclich vngehindert, mit vrkundt diß brieffs, versigelt mit vnser kunigclichen Maiestat In(n)
sigel, Geben zu Wirtzburg, Nach Cristus gepurdt, dreyczehenhundert Iare, vnd darnach In(n) dem siben vndneunczigsten Iaren, des Sontags nach vnser frawen tag Conceptionis, vnser
Reiche des Behemischen In(n) dem funffunddreyssigsten, vnd des Romischen In(n) dem zwaiundzwainczigsten Iaren, p. d. Ioh(ann) Cant(or)iu(m) Lutzenberge, franciscus Can(cellarius) recognouit. Wann
do nun solicher vorgeschriben appen brieue, In(n) aller weis, form vnd gestalt, wie obgeschriben, vor, anuergangen, fursehen, verlesen vnd In(n)sigel, gancz, vnuerletzet, vnradirt, one allen argk
wone vnd verdachtichait, gesehen, gelesen, vnd durch mich mein gewonlich vberschrifft, mit disem meinem transsumpt, vnd vidimus brieue, gancz geleichents erfund(en), so hab Ich den ober
nemten dreyen erbarn Steten, disen transsumpt vnnd vidimus brieue, vnnder vorgenannts Stiffts Camberg In(n)sigel, das den vff, anhangt, mir vnd allen vnsern Nachkomen on schad(en),
besigelt, lassen machen vnnd geben, Montags, Nach purificationis Marie, als man zalt, Nach Cristi vnsers lieben hern gepurdt, funfftzehenhundert, drey Iare vnnd Neun Iare,