IN NOMINE Domini Amen. Nos Valentinus Scholasticus, Ioannes a Puchow, Prepositus Melnicensis, et Canonicus Pragensis Archiepiscopatus eiusdem Ecclesie sede uacante Administratores. Recognoscimus et notum facimus per presentes. Quod iussu et nomine Iudicij Terreni Inclyti Regni
Boemie, Magnifici et Generosi Barones et Domini, Dominus Ladislaus popel a Lobkowicz, Regie Maiestatis Curie in Regno Boemie Mareschalcus, et in Chlumecz, Dominus Ernestus a Vgezdecz et Runicz in Gilemnicz, Dominus Ludouicus Bezdruziczky a Kolowrath (et)c. Necnon Nobiles et Strenui Equites, Dominus
Wenceslaus Zichussiczky a Nestagiow in Zichussicz, Dominus Petrus Bechyne a Lazian in Piczin, Prepositus Wyssegradensis, obtulerunt nobis literas, Reuerendissimi in Christo patris, Domini Gerlaci Sancte Moguntinensis sedis Archiepiscopi sacri Imperij per Germaniam Archicancellarij, Sigillo suo Pontificali in cera
Albi et glauci coloris, ex Zona sericea lutei, et Pauonacei coloris dependente, sanias, et penitus integras, omniq(ue) suspitionis uicio carentes. Requirentes a nobis, ut eas in publicam formam redigeremus. Quarum quidem literarum tenor de uerbo ad uerbum sequitur et est talis.
Nos Gerlacus Dei gratia, Sancte Moguntin(ensis) sedis Archiepiscopus sacri Imperij per Germaniam Archicancellarius. Ad perpetuam rei memoriam, Serenissimus ac Inuictissimus Princeps, et Dominus, dominus Karolus, Diuina fauente clementia Roman(orum) Imperator semper Augustus et Boemie Rex, dominus noster gratiosus proui=
da sue circumspectionis industria diligenter aduertens, qualiter insignes, laudabilis fame titulos, moderni temporis inuehit gloriosa posteritas, si quid predecessorum Illustrium circumspecta pridem instaurauit prouisio, uigilanti cura prosequitur, ac grate sollicitudinis munit officio, ut fructuosi laboris solertia perhenni successorum comendetur memo=
rie, et ex consequentia bonis operi quasi ex relucenti speculo uetustatis, surgat de felicibus mortuis felix memoria rediuiua. Sane licet pridem recolende memorie Serenissimus Princeps, dominus Fridericus Roman(orum) Imperator semper Augustus predecessor prefati domini nostri Imperatoris, de singulari benignitatis sue munere, clare recordationis Illustri
Principi, domino Wadislao quondam Boemie Duci, qui Regnum Boemie ante coronationem suam regebat, et suis heredibus Boemie Regibus censum de Terra Polonie, quem antecessores eius Duces Boem(ie) a Polonia multis temporibus accipere consueuerunt, quemq(ue) Polonia et Slesia Duces sacro Imperio soluere tenebantur, prout in literis, domini Friderici Impe=
ratoris prefati euidenter exprimitur, liberaliter duxerit erogandum. Ipsi quoq(ue) Duces Polonie et Slesia eundem censum Illustribus progenitoribus et predecessoribus predicti domini nostri Imperatoris in Regno Boemie eiusdem Regni Boemie Regibus in signum subiectionis debite, et in recognitionem sui superioris dominij rite persoluerint, multis tempo=
ribus retroactis. Tamen ad habundantiorem cautele presidium, tractu temporis dicti Duces, suo, heredum, et successorum suorum nomine atq(ue) uice, Principatus, Terras, ac Dominia sua, a clare memorie Illustri Principe domino Ioanne, quondam Boemie Rege genitore dicti domini nostri Imperatoris dum uiueret, et demum ab eodem domino n(ost)ro Imperatore
Karolo, tanq(uam) Boemie Rege prefato ipsius genitore defuncto, et a Corona Regni Boemie in feudum cum solemnitate debita susceperunt, dictoq(ue) domino Imperatori, ac ipsius genitori dum uiueret, tanq(uam) Boemie Regibus, et Corone Regni Boemie prestiterunt solemniter obedientie, homagij, subiectionis, et fidelitatis debite corporalia iuramenta. Et licet insignis Du=
catus Wratislauien(sis) et Slesie cum omnibus suis pertinentijs, ad utile et immediatum Dominium Illustrium quondam Boemie Regum progenitorum et predecessorum antedicti domini nostri Imperatoris et Coronam Regni Boemie spectauerit ab antiquo, sicut hoc litere recolende memorie serenissimi Principis domini Rudolphi, quondam Roman(orum)
Regis predecessoris dicti domini nostri Imperatoris. In quarum prima, quandam ordinationem, inter Illustrem Principem dominum Ottakarum quondam Boemie Regem, proauum ipsius domini nostri Imperatoris ex una, et dominum Henricum Ducem Wratisl(auiensem) parte ex altera, uidelicet quod dictus Rex Ottagarus, eidem domino Henrico Wratisl(auiensi)
et Slesie Duci in castri Ducem preinon contingeret in premisso Ducatu Wratis(lauiensi) et Slesia terris, et omnibus Dominijs suis deberet succedere per se factam asserit. Et in secunda ipsarum, dicto domino Henrico Duce iam sublato de medio predictum Regem Ottagarum, heredes et successores ipsius Boem(ie) Reges, de Ducatu Wratis(lauiensi) et Sles(ie) Terris et Dominijs pre=
fatis, tanq(uam) uacuatis uacantibus, propter multa grata seruicia, que Illustres Boemie Reges sacro Roman(orum) Imperio fecerant solemniter inuestiuit lucidius attestantur. Tamen Illustris Ioannes quondam Boemie Rex genitor domini nostri Imperatoris prefatus, cum Illustri domino Henrico septimo et ultimo Wratis(lauiensi) et Slesie Duce, sororio ipsius domini nostri
Imperatoris, dum uiterq(ue) ipsorum uitam ageret in humanis, quandam ordinationem inijt et tractauit, uidelicet, quod dictus Dux Henric(us) Terram et Districtum Glacen(sem) cum Vasallagijs, feudis, Dominijs, et omnibus pertinentijs suis, de consensu genitoris dicti domini nostri Imperatoris, ad uite sue dumtaxat tempora habere deberet, ut tamen eo moriente
Ducatus sui puta Wratis(lauiensis) et Sles(ie) ad predictum Glacen(sem) Dominium, ad usum et posessionem dicti genitoris, domini nostri Imperatoris, heredum et successorum ipsius Regum Boemie, et Corona Regni eiusdem sine difficultate qualibet reuenirent, sicut hoc processu dierum, ad finem deuenit intentum, eo q(uo)d dictus Rex Ioannes prefati domini nostri Impe=
ratoris genitor dum uiueret moriente Duce prefato et Ducatum Wratis(lauiensem) et Terram Glacen(sem) prefatam tenuit et possedit. Et ipse dominus noster Imperator de presenti, uelut Boemie Rex in possessione tenens utrumq(ue) ultrobiliter dominatur. Et quamuis Marchia Budissinen(sis) et Gorlicen(sis) que cum ceteris Ciuitatibus, Oppidis et pertinentijs suis, ad Regnum et Co=
ronam Boem(ie) ab antiquo pertinuit per Illustrem dominum Ottakarum quondam Boem(ie) Regem proauum dicti domini n(ost)ri Imperatoris in personas Illustrium Principum, et dominorum quondam Brandenburgen(sium) Marchionum, ex certis et rationabilibus causis alienata fuerit aliquando. Tamen dominis Marchionibus predictis absq(ue) heredibus sexus
masculini decedentibus ab hac uita, Nobiles, Milites, Clientes, Ciues, et uniuersi Incole Marchie Budissinen(sis) et Gorlicen(sis) prefate, animaduersione debita cognoscentes, qualiter ad Regnum et Coronam Boem(ie) tanq(uam) ad immediatum et naturale Dominium dudum pertinuerant ad subiectionem et obedientiam dicti Illustris domini Ioannis quondam Boe=
mie Regis genitoris antedicti domini nostri Imperatoris tanq(uam) ad ordinarium, legitimum, et naturalem dominum suum et ad Coronam Regni Boem(ie) de cuius gremio dudum constiterant, ut prefertur deliberatione non improuida redierunt. Supradictus itaq(ue) dominus noster Imperator Karolus, exquisitam diligentiam, et sollicitudinem qua sepedicti
proauus, pater, et progenitores sui quondam Boemie Reges ad obtinendum subiectionem, Vasallagium et obedientiam Illustrium Principum dominorum Slesie et Polonie Ducum, uidelicet Lignicen(sium) Bregen(sium) Munstrbergen(sium) Olsnen(sium) Glogouien(sium) Saganen(sium) Opulien(sium) Falkenbergen(sium) Strelcen(sium) Teschnen(sium) Cossen(sium) Bitunien(sium) Stinauien(sium) et Osuicimen(sium) Principatus
Mazouie et Ducatus in Ploczk Principum et fidelium eiusdem domini nostri Imperatoris tanq(uam) Regis Boemie, ac progenitorum et predecessorum suorum Boemie Regum, Principatus seu Ducatus Wratislauien(sis) et Slesie, necnon Ciuitates, uidelicet Wratislauiam, Nouumforum, Frankensteyn, Stinauiam, Goer, Glogouiam, Namslauiam et pertinen(tias) ipsarum et etiam
Budissinen(sem) et Gorlicen(sem) Marchiam, ut prefertur, non absq(ue) magnis impensis, et infinitis laboribus, habuerunt in sue mentis acie continua meditatione reuoluens, ut uirtutis ipsorum frequentia, et sollicitudo laboris preteriti sub felici suo Regimine solidetur, sicut dudum de plenitudine Roman(orum) Regia potestatis statuendum duxerat, ita et nunc ex certa scia
statuit de sue Imperialis plenitudine potestatis, q(uod) omnes supradicte sententie, et clausule, Imperialium et Regalium literarum, quas ad probationem dictarum intentionum adduxit, semper et ubiq(ue) in iuditio et extra, et in singulis actibus publicis et priuatis quotiens tenorem presentium legi siue publicari contigerit, eiusdem efficatie, uigoris, et auctorita=
tis existant ac si in figuris proprijs originalia uiderentur, eo precipue, cum eadem originalia, per eundem dominum Imperatorem, nos, ac nonnullos sacri Romani Imperij, Dominos, Principes, Barones, et Proceres auscultata, et examinata fuerint diligenter, ac demum communicato per antedictum dominum nostrum Imperatorem super omnibus premissis
nostro et nonnullorum sacri Imperij Principum, Baronum, et Nobilium consilio spetiali, predictis omnibus de uerbo ad uerbum, prout superius exprimuntur, intellectis et in examen deliberate, et prouide discussionis adductis, ne ex interpretatione sinistra quorumlibet, predicti domini nostri Imperatoris, tanq(uam) Regis Boemie, heredum et successorum
suorum Regum Boemie et Corone Regni eiusdem iuribus, honoribus et statui ualeat inposterum derogari. Ipse dominus Imperator, auctoritate Imperiali, dictos Sles(ie) et Polon(ie) et ceteros predictos Duces ipsius tanq(uam) Regis Boemie, Principes et Vasallos cum Principatibus, feudis, et uasallagijs ipsorum presertim cum a Corona Regni prefati inmediate depende=
ant, dictum quoq(ue) Ducatum Wratis(lauiensem) cum Ciuitate Wratisl(auiensi) Nouoforen(si) Frankensteynen(si) Stinauien(si) Goren(si) Glogouien(si) et ceteris Oppidis ibidem, necnon Marchiam Budissinen(sem) et Gorlicen(sem) cum Vasallis, Vasallagijs, feudis, feodatarijs, utilitatibus, fructibus obuentionibus, iurisdictionibus Iudicijs honoribus, iuribus consuetudinibus, et omnibus, dictorum,
Ducatus et Marchie pertinen(tijs) uelut utile et immediatum Dominium suum et Regni Boem(ie) prefati, eidem Regno, et eius felici Corone in perpetuum nostro et aliorum Dominorum Principum Electorum accedente consensu adiunxit, incorporauit, inuiscerauit, ascripsit, appropriauit et indiuissibiliter, ac inseparabiliter coniunxit. Spetialiter etiam,
et ex nomine predictus dominus noster Imperator interpretatus est, diffiniuit, pronunciauit, protestatus est et dixit, ac de certa sua scientia declarauit, q(uod) prefati Duces Sles(ie) et Polon(ie) heredes et successores ipsorum in perpetuum, quotiens Ducatus eosdem, aut alterum ex eis uacare contigerit, ipsos, uel ipsum a prefato domino nostro Imperatore, tanq(uam) a
Rege Boemie, ac heredibus et successoribus suis Boem(ie) dumtaxat Regibus, et a Corona Regni Boem(ie) prefati absq(ue) renitentia seu difficultate in feudum teneantur suscipere, dictoq(ue) domino Imperatori, tanq(uam) Regi Boem(ie) heredibus et successoribus suis Boem(ie) Regibus, et Corone Regni eiusdem homagium, obedientie fidelitatis et subiectionis debite teneant(ur)
et debeant prestare et facere corporalia iuramenta. Suppleuit etiam predictus dominus noster Imperator, omnem defectum si quis in literis et Priuilegijs dictorum dominorum Diuorum Imperatorum, et Regum Romani memorie recolende, aut etiam in ordinatione seu tractatu dicti sui genitoris, quem cum prefato domino Henrico septimo et ultimo Wrat(islauiensi)
et Slesie Duce habuisse dinoscitur, seu in reditu Nobilium, Militum, Clientum, Ciuium, Incolarum Budissinen(sium) et Gorlicen(sium) Marchie, qui ad coronam Regni Boemie, ut premittitur ex causis legitimis redierunt, uel in consimilis tenoris suis literis, uerborum defectu, interpretatione dubia, sententiarum obscuritate uel alia quauis occasione copertus fuerit
de certa sua scientia, ac de predicte Imperialis plenitudine potestatis. Non obstantibus legibus, consuetudinibus, usibus, obseruantijs, iuribus municipalibus, uel comunibus statutis, seu dictis, publicis uel priuatis, factis et editis in contrarium quibuscunq(ue) quas et que, quantum ad hec, ac si nominatim, et de uerbo ad uerbum suis literis inscripta et
inserta consisterent, etiam si de hijs iure uel consuetudine deberet fieri mentio spetialis. Reuocauit, cassauit, irritauit, annullauit, et de dicte Imperatorie potestatis plenitudine, decreuit firmitatis fore nullius, penitus uel momenti. Inhibuit etiam prefatus dominus noster Imperator Karolus, quod nulli hominum liceat sui Imperialis indulti, sup(er) premiss(is)
edit(am) pagmam infringere, seu ei quouis ausu temerario contraire. Et uoluit auctoritate sua, contra facientes quoslibet penam Mille Marcarum auri puri auri incurrere, et earum medietatem fisco Roman(orum) Imperij, residuam uero Regnum Boemie successorum suorum Cameris irremissibiliter applicari, sicut in literis originalibus dicti domini nostri Im=
peratoris quas sub Bulla Aurea Typario Imperialis sue Maiestatis impressa desuper erogasse dinoscitur, plenius et distinctius est expressum. Nos igitur qui supra Gerlacus dicte sedis Moguntinen(sis) Archiepiscopus, ex eisdem rationabilibus et euidentibus causis, quibus antedictus serenissimus Princeps dominus noster Imperator Karolus, circum=
specta sua prudentia motus fore dinoscitur, et ex omnibus predictis tanq(uam) ex motiuis legitimis sacri Romani Imperij inagricium statum, et augmentum prospicientibus, propensius animati. Supradictis adiunctioni, incorporationi, inuiscerationi, ascriptioni, appropriationi, coniunctioni, interpretationi, pronunciationi, diffinitioni, protestationi, decla=
rationi, decreto defectuum suppletionem, reuocationi, cassationi, irritationi, annullationi, penarum adiectioni, et omnibus alijs que expressantur aut sunt expressata superius. uelut Archiepiscopus Moguntin(ensis) sacri Imperij per Germaniam Archicancellarius et Princeps Elector animo deliberato et sano precedente consilio, nostrum beneuolum consensum et assensum
presentibus adhibemus, ac supradicta omnia et singula et eorum quodlibet, in omnibus suis tenoribus, sententijs, punctis et clausulis de uerbo ad uerbum, prout supra uidentur esse expressa, ex officij nostri debito, laudamus, approbamus, et de certa nostra scientia confirmamus, plenissime perpetuis temporibus ualitura. Presentium sub nostro sigillo
testimonio literarum. Datum Nuremberg. Anno Domini. Millesimo Trecentesimo, Quinquagesimo quinto in die Beata Lucia Virginis. Nos igitur prememoratorum dominorum petitioni, nomine Iudicij Terreni Regni Boemie, ut iuste annuentes prefatas literas in autenticum, et transumptum, ac exemplar, quod proprie
Vidimus appellatur, transcribi commisimus, et eas uidimus, legimus, et contrectauimus, atq(ue) in omnibus, punctis, clausulis, articulis, sententijs, integras puras, et absq(ue) omni suspicione inuenimus. Illudq(ue) exemplar, transumpti, a nobis diligenter est reuisum, et cum originalibus collationatum, cum quibus omnino concordat.
Propterea nos prescripti Administratores, authoritatem nostram ordinariam huic Vidimus literarum prefatarum interponimus, et idipsum ad omnium noticiam uolumus peruenire, ita ut presenti transumpto in omnibus locis, Iudicijs, uel extra Iudicia plena et indubitata fides adhibeatur, tanq(uam) ipsis originalibus l(ite)ris.
In quorum fidem et testimonium sepe nominatu(m) Vidimus Sigillo officij nostri impresso curauimus communiri. In presentia Venerabilium patrum, domini Venceslai Decani, ceterorumq(ue) Capitularium eiusdem Ecclesie Pragen(sis). Actum et Datum in Capitulo n(ost)ro in Arce Pragensi: Die decimanona Mensis Marcij. Anno Domini
Millesimo, Quingentesimo Quadragesimo Sexto.