Ich Hendrich Herr von vnd vff Schwanbergkh (et)c(etera)
Wir thuen khundt vnd bekhennen gegen Jedermenigklich thuen khundt demnach Thomas Hanckho mein
Diener vnd Ambtschreiber vff Frawenbergkh des Tausendten funffhundertt vnd Sechzigsten Jars Im Monat Februario von
Bantze Schmidt den halben theill warhafftig an der Mülle vnder(m) Schloß Frawenbergkh Zur müll genant der Ermelten Bantze
Schmidt Lauth des gethanen vertrags von der deß Edlen vnd Ernuesten Johan Khellers von der Jagen güeter vff Altan Erb
lich damb deß Edlen vnd vesten Johan Rüdolphs von Harthausen Röm(ischer) Kay(serlicher) Ma(ies)t(a)t Hauptman vff Frawenbergkh In sigeln be
ferttigten khauffbrieffs In seinen henden hatt vmb Ein hundert vier vnd Viertzigk Schockh angenom(m)en vnd Erkhaufft dieweil
illn aber gedachter vnd gemelter Bantze Schmidt vmb sein bestim(m)te Sum(m)en mit in einen sonder(n) Vertrag das alß von Hansen
Sipey von Barbara Kuntzin durch Rechtliche Erkhantnuß vberwunden vnd schuldig sein befunden das von solcher khauff
sum(m)en vnd leister Lauth einer Quittung vnd verzaichnuß denen gemelten Leutten alß Hansen Sipey Vierundtzwantzigk Scho
ckh Barbara Kuntzin funffundtsechzigk Schockh In Sum(m)a Neun vnd Achtzigk Schockh entricht vnd bezallt werden
müssen dieweil aber erst benantter demnach Bantzel Schmidt sein eheliche weib Balzar genant ettlich Jare
boßlich verlassen von Ir vnd denselben geliebt Ohne schuld abgetretten ein ander weib genomen Ist Ir von Recht wegen
billig zu gelassen nicht allein dise schulden sondern ein Mehrers Ir zuthun anzenemen dieweil wegen Ir Balbar Schmi
din die vbrigen Sum(m)a an solcher Mülle biß vff die Letzten Heller an sich eingenom(m)en vnd volgendts bey Iren absterben der
Erbenschafft Ir der Apolonia Schustterin vff München hoff wie mir bewußt ver testirt deß Ir Apolonia zu theill khom(m)en
vnd Letzten bezallung vmb Ist die Völlige khauff Sum(m)a den Ermelten Thoman Hanckho zue gnung entricht
vnd bezallt Welchs halben nit allein Irrentwegen fur solche Eingenom(m)ene Letzten Heller sondern andern Ein Jede Bantze
Schmidt bezallte schulden die Quittung vnd bekhandtnuß zu geben gebetten Welches die Weill mir wolbewußt Ime nit waigern
wöllen Sage derowegen Ime Vndt seine Erben allerdnig solcher bezallung Quitt Ledig vnd Loß Diese müll fur sein aigen
Erbgutt zue gebrauchen Nach seinen besten Nutz Inzuhaben vnd behalten Ohne mein vnd Menigliches hinderungkh zue
Mehrer glauben vnd bekrefftigung dessen hab ich zue Endt diß brieffs Mein angeboren Insigl hiemit wissentlich vff
gedruckht vnd mit aigner handt vndershriben vnd zue mehrer gezeugkhnuß dessen hab Ich auch Erbetten Burgermeister vnd
Ratt deß Marckhts Frawenbergkh das sie Ir Insigl Neben deß Meinen vfftruckhen gethan Ist geben vnd geschehen den andern
Tag Augusti Im Tausendten funffhundert vnd Im Jahr vnnd Siebentzigsten Jare
Hendrich von vnd Auff Schwan
bergkh aigen(er) h(and)