welchen der maist(er) abermals ainen theil zubezallen haben werden, nemblichen sovil sy Canzlar auf über diß dem maist(er) mit recht zuthun verwannt sein, unnd der aine sey streitige
welche den Privilegien unnd alten gewonhaiten nit zuwider, derenthalb wie auch des gelts aine Gwiß baldt künftig zu der Schlesischen Camer erlegt werden, Unnd ob man wol verseh(en)
gehabt bey unndern abgsandten, dz sy hierhalben, dz sy wegen der Schulde die abzalung des Jungen herrn Gotsche(n) oder gar etwas einmischung der könig(lichen) darauß fliessenden Summa thun solten
aber sich weigern wolten, So haben sy sich doch dester gehorsamer gegen der maist(er) entschuldiget, unnd man fehlet dahin verblieben, dz der maist(er) zuege des herrn Gotsche(n) oder einmischung andern
anforderungen halber, Sy allain contentiren unnd abfertigen, auch die landtschafft gegen Inen unnd meniglichen vertretten unnd ohnschaden halten, Daß der maist(er) die Taxa wegen des lehens, so von
absterben herrn Adam Gotsche(n) erfolgt zu angezogener Continuation vorbehalten, unnd wie auch von den Stenden darüber die notturfft under der In(n) sigl gefertiget werden solle, Zu urkhundt
unnd diser abhandlung der abrede zue gleicher Inhalts außgericht unnd under obgedachter herrn Hofemaisters unnd des von Wernsdorff unnd Endling In(n) siglen underschrieben, auch verfertigt
unnd ieden tail aine zugestelt worden, Geschehen unnd geben zu Prag den ein unnd zwainzigisten februarij, Anno im Sechzehenhundert unnd andern, Unnd dieweil unnsere jetzo seit
wegen die notturfft erfordert, dz Inen den Stenden zu erhaltung ainer bestendigen wirklicheit Inserirte vergleichung unnd gehalttene abrede bestettigt unnd von unns als königen zu Behaimb
Confirmirt werde, So erkennen, Confirmiren unnd bestettigen wir dieselbe auch hiemit auß Behaimischer küniglicher macht als herzog unnd herr, unnd thun das wissentlich unnd
zue ewigen zeiten in krafft diß brieffs, Mainen, setzen unnd wöllen, dz dieselb alles unnd Iedes, wie sy von wort zu wort in diser unnsern küniglichen Confirmation einverleibt unnd diser unnsern da=
rauff erfolgten Confirmation Inserirt, stet, vest unnd unverbruchlich gehalten werden solle, Unnd gebietten darauff allen unnd ieden unnsern underthanen, wes hohen oder
nidern wirden, Standts, Ambts oder wesens die sein, sonderlich aber unnsern herzogen unnd fürstenthumben haubtleutten, ambtleuten, unnd Inen unnd denen, dz sy obberür=
te unnd auß unnsern gnedigisten befelch eingenomene unnd auch von unns in besten mass unnd form approbirte unnd hiemit bestettigte vergleichung, vertrag unnd handlung, dar=
wider nichts praiudicirliche fürnemen, noch dz andern zuthun gestatten, unnd Inen solches In kainerley weise noch wege, wie dz immer erdacht werden kan, bey vermeidung unnserer schweren
unablesslichen straff unnd ungnade, dz mainen wir ernstlich, Iedoch unnsern, Ieremien unnd Ernnestin(en) tail unschadlich, Zu urkhundt besigelt mit unnserm kayser: unnd küniglichen anhangenden
Innsigl, Geben auff unnserm küniglichen Schloß Prag den vierzehenden tag des Monats Martij, Nach Christi unnsers herrn unnd Seligmachers geburt im Sechzehenhundert
unnd andern, Unnsers kayser: des Römischen im Siben unnd zwainzigisten, des hungerischen im dreissigisten, unnd des Behaimischen auch im Siben unnd zwainzigisten Iar
Rudolff