Wohlgeborne Edle Gestreng, gnedige bsondere lieb
herren, vnnd freunde, Dem(n) Albe(n)
seind vnser willige vnnd freundliche dienst
beuor, dieweil wir vnsere Abgesandten
E(uer) G(naden) vnnd den herren, dienst vnnd freundlichen
mitbefelhen, Daß auff der Röm(ischen) Kay(serlichen)
auch zu Hungern vnnd Böhemb König(lichen) Mai(es)t(a)t
vnsers allergnedigsten Kaysers, Königs vnnd
herren, allergnedigstes begeren, Wir gegen
deroselben vnser liebe mitabgesandten, Die
Edlen, Gestrengen, Erennuesten, Wohlgelehrten vnnd
Weisen, hanß fabian von Ponickau, vff Elster,
deß Marggraffthumbs Oberlaußitz Landt
Steüer Einnehmer, vnnd Sigismund
Kündeler, Rathsverwandten zu Zittau,
belangend die Hungarischen Auffstandts Ver
gleichung, hiermit abgefertiget,

Demnach an E(uer) G(naden) vnnd die herren, Vnser
dienst vnnd freundlich bitte, Dieselben
wollen, jhren, vnser Abgesandten, bey
vorfallender gelegenheit, auff jhr Ansuchen,
günstig recommendirt sein laßen,

[Left margin:]
Credent. Stat. Sup. Lusat.
ad D(omi)n(os) Legatos Bohem.
Littera C

[Address panel:]
Den Wohlgebornen, Gestrengen, Vnd Edlen herren, Di
rectoren der löblichen Cron Böhemb, Auff den 24. Aprilis nach Praß
durch die Stände der Marggraffthumb Oberlaußitz abge
sandten, Vnsern gnedigen bsonders lieben herren vnd freunden.

[Seal panel:]
Præsent. Viennæ. 4. Septemb(ris). 1606.