ainigen Behaimischen Khünig vnnd Herren Behalten, vnnd Iner=
khennen, auch allain demselben, vnnd sonst khainem andern
holt, vnnd gehorsam seyn, Zu dem ende dann höchstermelte
Khays(erliche) May(es)t(ät) auß vollkhomener Khays(erlicher) vnnd Khünigl(icher)
macht vnnd gwallt, alle die Aydt, gelübt, vnnd verpindungen,
welche etwan Zuwider mit andern Vor disem Vorgang,
gäntzlich Cassiert vnnd aufgehebt, Alß widerruffen,
vnnd widersprechen offtgedachte Ständt, auch dieselben
alle ins gemain, vnnd ieder Insonderhait hiemit, wie
vnnd gegen wemb solche imer beschehen, gäntzlich, in best=
vnnd bestendigister formb Rechtens, als solches Imer sein
oder erdacht werden khan, oder mag, nit allain krafft
diß Aydts, Sonnder versprechen hieaüß vmb mehrer
Versicherung willen, schuldig, Vnder Irer ferttigung
vnnd hand vnderschriff ein ordenlichen gnuegsamen
reuers vmb thuen, höchstgedachter ihr F(ürstlichen) G(naden)
als Khays(erlichen) Commissario &c Herr(n) v(on) pündten Zueüber=
geben, vnnd souil in deme, als durchauß in allem
anderm, offt höchstgedachter Khays(erlicher) vnnd Khünigl(icher) May(es)t(ät)
Ferdinando dem andern, &c allen den gehorsamb
vnnd Treü beharlich Zulaisten, wie Geliabenden
gehorsamen Ständten, vnnd Vnderthonen, ihram Rechten
Khünig vnnd Herren Zue Zaig, vor Gott vnnd der
welt schuldig sein, Alles getreülich vnnd ohn
geuerde,