Wir Leopold von Gottes gnaden zu Hungarn Bohemb Dalma
tien Croatien vnd Sclauonien König Ertzherzog zu Osterreich Marggraff zu Mähren, Herzog zu Lützenburg vnd in Schlesien vnd Marggraff zue
Laußnitz Bekennen Offentlich mit diesem Brieff, vmb thun kundt Allermänniglich, daß Vns der Andächtige vnser Andächtiger vnd lieber getreuer Pater Andreas Schambogen Rector ad S: Clementem Soc: IESV in vnser
Königl: Alten Stadt Prag, demüthig zuvernehmen gegeben, wie daß nach beschehener neulichen Vnion der Ferdinandei: vnd Carolini, schen Academi alhier, zusampt andern dieser beeden in Iura: vnd Exemtionen wegen, Nach
deme sy aber wenig an, daß der Typus niemahls zue der Vniuersitet gehörig, sondern es vnd allezeit deß Collegij priuatum Peculium gewest, vnnd noch seye, vmb demüthig gebethen, Wir jhme vnd dem Collegio jhre solch
jhre nunmehr von vier vnd zwanzig Jahren in ruhigem possess gehabte nach vnd nach augmentirte Buchdruckerey, vmb dero Königl: Confirmation vnd Priuilegium hierföllen gnädigst gewehren wollen. Wann
Wir dann nach gnädigster besichtigung, daß bemelter Typus ad S: Clementem dero Collegij ad S: Clementem dero aigen sey, in solch jhre demüthigste zimbliche bitte gnädigst bewilliget. Daß haben Wir es
zue der sachen mehrern sicherheit gnädigst declariren wollen, vnd thun solches quoad ipsum Ius Imprimendi, jhme P: Rectori vnd Collegio, zu dero Königl: Priuilegium vnd freyheit vber die Buchdruckerey solches ge
stalt mitgetheilet: Daß sy solches in denen imprimendis TYPIS VNIVERSITATIS CAROLO FERDINANDEÆ IN COLLEGIO SOC: IESV AD S: CLEMENTEM, jedoch ohn
ohn präiudiz deß Collegij aigenthumbs, zu sich gebrauchen; Dann vnd nur anders, allein Böhm, Teutsch, Lateinische Scholastica vnd Domestica in truckh geben: Entlichen auch die Buchdrucker so, vnder der Stadt Buchdru
ckern Zunfft vnd Ordnung ankommen, Ein vnd ab, so denen Constitutionibus Municipalibus hierbey nichts präiudicirliches vorwenden laßen sollen. Thuen das, vnd Verleyhen jhnen hiemit in Crafft diß Brieffs, auß
Königl: macht, vnd als Regierender König in Böheimb, dergestalt, daß sie die obennante dreyerley Bücher Scholastica vnd Domestica druckhen, dieselbe auch sowohl auß: als Innländischen Buchführern vnd Buch
bindern vmb jhre, so iedermänniglich zimblichen theil feil haben, auch hin vnd wider zueverkhauffen macht vnd Recht haben mögen vnd sollen. Vnnd gebiethen darauff allen vnd jeden vnsern nachgesetzten Hoch: vnd
Niedrigern Magistratibus, Obern vnd LandtOfficirern, Inwohnern vnd vnderthanen, wes Standts, ambts oder wesens die in vnserem Erb Königreich Böheimb, Marggraffthumb Mähren vnd Herzogthumb Schlesien, vnd vmb
Jnnsonderheit allen vnd jeden Buchhändlern vnd Buchdruckern, daß sie gedachten Rectorem vnd das Collegium bey S: Clement, bey dieser vnser jhnen ertheilten gnad vnd freyheit, ruhiglich verbleiben laßen, darinne
nicht thun, noch solches iemandten andern zuthun verstatten, als lieb einem ieden sey vnsere schwere vngnad, vnd darzue einer Straff Zwanzig Marckh Lötigs Goldts zuvermeiden: zue vnerhindert, den, mit vnserem Königl:
anhangendem Insigel gefertiget. Geben auff vnserm Königlichen Schloß zue Prag den anderten Monats tag Januarij im Sechzehenhundert Acht vnd funffzigsten vnsers Reichs deß Hungarischen im drit
ten vnnd deß Böheimischen im anderten Jahre
Leopold