lein ein flecken mit Horn vnd heusern zusehen ob solchem Schildt stehet ein freyher offener Adelicher Turniers Helmb auff der linckhen seiten mit weiß oder silberfarben vnd gelb oder goldtfarben auff der rech
ten aber mit roth oder Rubinfarb vnd blaw oder Lasurfarb Helmhdeckhen vnd darob eina Königlichen guldenen Cron gezieret auß welcherein linckhe handt in blaw oder Lasurfarb gekleidt mit roth oder Rubinfarben gewundenen
auffschlegen vnd roth oder Rubinfarben vnd weiß oder silberfarben abfliegenden binden in der handt ein eyserne stuckhkugel haltend zusehen allermassen solches Wappen vnd Cleinodt in mitte dieses Vnsers
Kaiser: vnd Königlichen brieffs gemahlet vnd mit farben eigentlich außgestrichen ist. Verleihen vnd geben Ihme Georg Danielen Michtlky seinen Ehelichen leibs Erben vnd derselben leibs Er
ben Mann: vnd Weiblichen geschlechts das vorgemelt Wappen vnd Cleinodt nebenst Erhebung Sie in den Standt vnd Gradt des Adels vnd Lehens genossen. Bewilligen gönnen vnd lassen Ihme Georg Daniel
en Michtlky seinen Ehelichen leibs Erben vnd derselben leibs Erben Erben Mann: vnd Weiblichen geschlechts zu, das Sie obstehendes Adeliches Wappen also führen können sollen vnd mögen. Mainen setzen or
dnen vnd wollen, das nunmehr Er Georg Daniel Michtlky seine Eheliche leibs Erben vnd derselben Erbens Erben Mann: vnd Weiblichen geschlechts hinführo recht Edel geborne Rittermässige Lehens
genossen sein vnd von Männiglichen aller orthen vnd Enden daruor geehrt gehalten erkhandt vnd geschrieben werden solle darzu alle vnd Iede Adeliche Ehr Würde Vorthl Recht vnd Gerechtigkeiten haben sollen mit
Beneficien auff hoch: vnd Nidern Thumbstifftern Ämbtern vnd Lehen Geist: vnd Weltliche zuempfahen zuhalten vnd zutragen Lehen vnd alle andere Gericht zubesitzen Vrtl zusprechen vnd Recht zusprechen dehen al
les Würdig theilhafftig vnd empfanglich sein auch an allen orthen vnd Enden darzu gelassen vnd genombn werden, vnd sich des allen neben obgemelten Adelichen Wappen vnd Cleinodt, aues allen andern Gnaden
vnd freyheiten deren sich der Adel in Vnserm Erb Königreich Böheimb vnd deßen incorporirten Landen gebraucht in allen vnd ieglichen Ehrlichen Adelichen sachen vnd Geschefften es sey zu Schimpff vnd Ernst in t
Streitten Stürmen Schlachten Kämpfen Gefechten Stechen Ritterspielen feldzügen Turniern Banirn Gezelten auffschlagen Insigln Pethschafften Cleinodien Begräbnußen Gemählten vnd sonsten an allen vnd ieden orth
en vnd Enden nach Ihren Ehren Notturfften willen vnd wohlgefallen gebrauchen vnd geniesen sollen vnd mögen vor allermänniglich vngehindert. Vnd gebietten darauff allen vnd Ieden Ständen Inwohnern
vnd Vnterthanen pil erwehntes Vnsers Erb Königreichs Böheimb vnd deßen incorporirten Landen was Hohen oder Nidern Stands Ambts oder wesens die sein hiemit gnädigst vnd Vestiglich daß Sie offtgedachten Georg
Danielen Michtlky vnd deßen Eheliche leibs Erben aues derselben Erbens Erben Mann vnd Weiblichen Geschlechts nun vnd hinführo an diesen Vnseren Ionen ertheilten Kaiser: vnd Königlichen gnaden vnd
Erhebung in den Adel in keinerley weis noch weege nicht irren noch beschweren sondern Sie deßen allen gebrauchen erfreüen vnd ruhiglich darbey verbleiben lassen selbsten darwider nicht thuen noch anderen
solches zuthuen verstatten bey vermeidung Vnserer schweren Straff vnd Vngnad vnd darzu einer Nambhafften Boen Nemblich fünffzig Marckh lötiges goldes die ein Ieder so offt Er freuentlich hierwider thette halb in Vnser Kö
nigliche Cammer vnd den andern halben theil offtgemelten Georg Danielen Michtlky vnd deßen Erben vnd Nachkhommen so hierwider beleidiget würden vnnachsehlich zubezahlen sein solle. Dahmainen Wir Ernstlich zu
Vrkundt dieß brieffs besigelt mit Vnserm Kaiser: vnd Königlichen anhangenden grösseren Insigl der geben ist in Vnserer Stadt Wien den Achtzehenden Monats tag Iunij nach Christi Vnsers lieben Herren vnd Seeligmachers gna