Wir burgermeister Rathsleute vnd die gancz gemeinlich der stat czu Eger thun bekant vnd thun kunt offinlich mit disem briue allen den die in sehen adir horen lesen. Wann der hochgeborne furste vnd herre her Bolke herczog von Slesien
vnd herre czu furstinberk vnser gnediger herre czu dem Jauwir vns lieber genediger herre mit wolbedachtem mute mit guten willen vnd mit rat seiner getruen manne an gesehen hat die besundern fruntschaft vnd liebe vnd ouch di sunderliche minne di wir an
die allindurchluchtigiste furstinne vnd frowe frowen Anna Romische kuniginne vn(d) allin ezeit mererinne des Riches vnd kuniginne czu Beheim eynem selig(en) gedechtnisse herczog heinrichs vnsers herren bruder tocht(er) vnser genedigen frowen beweisen hat vnd
von angebortin truwe steteclichin meinet vnd hat ir der obg(enant) vnser frowen vnd ires leibes erbin ledig gelassen die sle mit dem allindurchluchtigisten fursten vnd herren herren Karln Romischen kunige czu allin czeitin merer des Riches vnd kunige czu Beheim ge
winnet alle sine furstenthu(m) herczogtum vnd herschefte czu der Swydnicz vnd czu dem Jauwir mit allin and(er)n sleten vesten vnd czugehorungin so wie di genant sin all in der maze als in sinen furstlichin briuen do uon begriffen ist in semlichen
hut wir Bolke von gotis gnadin herczog czu slesien herre von furstinberk czu der Swydnicz vnd czu dem Jauwir bekenn(en) vnd thun kunt offinlich in disem briue allin den die in sehen odir horen lesen daz wir habin an gesehin die sunderliche gnade vnd fruntliche gunst
des allindurchluchtigisten fursten vnd herren herren Karln Romischen kuniges czu allin czeitin merer des Riches vnd kuniges Beheim vnsers liebin genedigin herren die er vns vnd vnserm geslechte bewiset hat mit der hantfest di geschehin ist czwisschin im an eime teil vnd der
durchluchtigisten furstinne frowe Anna der Romischin kuniginne vnd kuniginne czu Beheim vns(er) liebin frowe vnd nymmen etwan herczog heinrichs seligin vnsers bruder tocht(er) an dem andern vnd der vmb gebin mach(en) vnd seczin wir der obg(enant) vnser liebin frowen
vnd nymmen als einer kuniginne czu Beheim vnd ires leibes erbin die sie mit dem obg(enant) vnserm herren dem kunige habin wirdet vnser herczogtum furstentu(m) vnd herschefte czu der Swydnicz vnd czu dem Jauwir mit stetin burgen sloszin hayn landishut fryst
bach kymicz Jauwir lawinberk hirczberk wacelaw vnd gobotin mit den vesten ins apaticz trefinburk grymburk len bohenow kynastisberk hornisperk vnd brunsperk mit allin marktin marktflekin lehen lehenscheftin furlehenen guten rentin czollin anseczin
czinsin gultin teychin teychmulin kirchenlehen pfruntin vnd gotishusin weldin puschin wagin wisserin wassirn wassirlouftin czoln wiesin weidin weide vogtiweide rechtin nuczin gewonheitin vnd allin czugehorungin wi man di genenne(n) mag mit sunderlichin
wortin nichtis nicht vszgenom(m)en in all der maze als wirs yczunt habin odir her noch mit rechte czu vns brengin mochtin in sulchir bescheidenheit daz da sachin daz wir von gotis vorhengnisse also vorschidin daz wir elichs leibes erbin manes geslechtes
hindir vns nicht lizen daz denn die obg(enant) vnser genedige frowe vnd liebe nymme vnd ires leibes erbin die sie mit vnserm herren dem kunige habin wirdet als do vor geschrebin stet die selbin vnser herczogtum furstentu(m) herschefte landi lute vnd all and(er)
czugehorunge als do vor begriffen ist erbin vnd besiczin sol geczlichin vngehindirt vnd do mite wir vnd vnser lizen noch vnser todekun als mit irem rechtin erbe vnschedelich doch der hochgeborne furstinne frowen Agnesen vnser elichin wirtinne in irem
lybegedinge wann sie all die vorg(enant) furstentu(m) land vnd herschefte mit allin den nuczin habin vnd besiczin sol vncz an iren lebentigin tot abir swa wir mit gnadin gotis elichs leibes erbin manes geslechte gewunnen so sullin di selbin vnser erben
der obg(enant) vnser frowe vnd nymmen odir ires leibes erbin ab sie meht wer zehenthusent schok grossir pfenninge pragerschir muncze mit bereitem gelde betczalin vnd beczalin an desin statin lumburk vnd wacelaw mit vorschribin vestin rechtin nuczin
vnd czugehorunge czu rechtem pfande seczin als lange vncz daz sie die obg(enant) zehenthusent schok ganczlichin betczalin vnd beczalin vnd do mite sullin denn dieselbin vnser erbin die den obg(enant) vnsern furstentu(m)e herschefte vnd landin
vngehindirt blibin wer ouch daz wir elichs leibes erbin manes geslechte nicht hettin vnd doch tocht(er) lizen so sullin die obg(enant) vnser liebe genedige frowe odir ires leibes erbin die sie mit vnserm herren dem kunige gewinnet ygelichin vnsir
tocht(er) czenhenthusent schok grossir pfenninge gebin vnd sie bestatin noch ratis geligenheit als gebornin furstin bindet ouch habin wir globt vnd geredit in gut daz sachin daz die obg(enant) vnser eliche wirtinne vnsin tod gelebte daz sie denn noch
der czeit vnsirs todis keines burggrauen pfleger odir houptman vf vesten husern in stetin odir landin seczin endern odir beczisseln sol es sie denn daz sie einen widerman der do glich gut vnd gewiss in dem obg(enant) an seine stat
secze an dem der obg(enant) vnser erbin moge billichin gnugin vnd daz der selbe eyn borclich allir glubde eide vnd truwe vobundin habe der obg(enant) vnser frowe der kuniginne odir iren erbin als is seine borstany an des stat er geseczet wirdet
wer ouch daz die obg(enant) vnser genedige frowe vnd liebe nymme wurmde des obg(enant) anenalles ee wann sie in gewer keme also sturbe an ir leibes erbin mit obg(enant) vnserm herren nicht gewunne so sullin alle man stete knechte vnt(er)tanen eynin vnd
alle lantschaft allir der obg(enant) eide glubde ledig sin doch in sulchin vnderscheit daz dem obg(enant) vnserm herren dem kunige vnd sinen erbin das obg(enant) gelt vnd heymstur der obg(enant) zehenthusent schok geczalin sol odir mit pfandin bestetit werdin
in all der maze als do vor begriffen ist daz sie do mite tun vnd lazin noch irem willekur vnd daz gebin wem sie wellin wer ouch daz die obg(enant) vnser frowe vnd nymme den obg(enant) vnserm herren den kunig vbirlebte vnd einen and(er)n man neme
an vnsirn dank vnd willin so sullin beide sie der man vnd all kint die sie mit im gewinnet in den obg(enant) vnsern furstentu(m)en vnd herscheftin nichtis habin ouch ist geredit vnd getedinget daz die obg(enant) vnser frowe die kuniginne vnd
vnser liebe nymme noch ymand von iren wegin vns vnd vnser erbin manes geslechte vmb keintley anefell adir vmb kein andir sache anvechtin odir ansprechin sullin andirs wem do vor geschrebin ist ouch meinin vnd wellin wir eyn
daz sachin daz vns erste tod an tretin wirdet vmb getruwknisse krieg odir andir gescheffte vns odir vnser manne eit vnd leyb czu lozin daz wir denn der selbin vnser furstentu(m) land vnd lute gewaldig sin czu tun vnd czu lozin doch
in gutin truwen ane all geuerde des noch stit dem male daz vns der obg(enant) vnser herre mit sulchin sinen gnadin fruntlich vnd stetlich begriffen hat so globin vnd wellin wir in mit gutin truwen ane geuerde bestendig vnd gehulsin sein
wedir allirmengclichin nymand vszgenomen vnd in nymm(er) endtwergin czu lozin mit leibe noch mit gute vnd all seine vynde sullin vnser vynde sin vnd meinin vnd wellin ouch keine form vnt(er)scheide vynde enstendnissin odir krieg
in vnserm lande husin hovin haldin odir vnt(er)tretin die wedir daz recht sint vnd nicht recht tun wellin die gune wir in vnd sinen amptlute(n) daz sie die selbin an grifen vnd vbirwengin sullin vnd mogin wo sie der bekomen in
in allin vnsern herscheftin vnd landin an geuerde des briues besigelt mit vnserm grosin ingesigil der gegebin ist czu der Swydnicz noch cristes geburt dreiczehenhundirt in dem dry vnd funfczigisten jar an der nesten ezeitwoch(en)
noch sente petris vnd pawels tage der heiligin czwelfbotin so von vnsir sundirlich gebot des obg(enant) furstin vnd herren herczog bolkin vnsers liebin genedigin herren der vns daz gebotin vnd geheisin hat mit lebindir stymme vnd in
offinbarer geginwertikeit seiner edelin getruwer manne do habe wir mit wolbedachtem mute mit worte gunst vnd willin der ganczin gemeincheit allir vnser rathisburg(er) der obg(enant) allindurchluchtigisten furstinne der Romischin kuni=
ginne vnd kuniginne czu Beheim frowen Anna vnser genedigin frowen vnd iren leibes erbin die sie mit dem obg(enant) furstin vnd herren kunig karl irem elichin wirte gewinnet gehuldet globt vnd gesworn hulde globin vnd swern daz wir
wem is czu sulchin schuldin kumet als do vor geschrebin stet in vnsir herre herczog bolken briuen ir vnd den selbin iren leibes erbin wem sie die mit hilfe gotis gewinnet getruwe gehorsam barmide vnd vnderdenig sein wellin
als vnser natumlichin vnd angebortin herschefte in all den puncten meynunge vnd artickeln vnd in all der maze als die obg(enant) vnsir herren herczog bolken briue innesin vszgenomen doch den artickel der in den lecztin in den selbin briue
stet vmb die hulfe die beide der obg(enant) vnser kunig karl vnd vnser herre herczog bolke einandir tun vnd leisten sullin wann vns die selbin glubde nicht angehin vnd czu den andirn vnsirn sachin den wir vor gesworn vnd gehuldt haben
nicht gehorin an vrkund dis briues vorsegilt mit vnserm stat ingesigil der gegebin ist czu der Swydnicz noch cristes geburt dreiczehenhundirt vnd dri noch in dem dry vnd funfczigisten jar des nesten dornistages noch
sente petris vnd pawels tage der heiligin czwelfbotin