Wir Ludwig genant der Romer von gots genaden Marggraue zu Brandenburg vnd zu Lusig des heiligen Reichs obrist(er) Camer(er) pfallengraue bei Rein vnd
herzog in Beyrn Veriehen vnd tun kunt offenlich mit disem briue allen den die in sehen oder horen lesen Als(o)m die briue des allerdurchluchtigsten fursten vnd
herren hern karts Romisch(e)n keisers ze allen ziten mer(er) des Reichs vnd kungs ze Beheim vnsers lieben gnedigen herren die er vber seine pfantschaft der stat vnd
des landes ze Eger vnd der vesten floz vnd parkstein vnd waz dorzu gehoret gehabt hat vnd die ouch selig(er) gedechtnisse die hochgeborne fursten ettwenne
kunge ze Beheim sein eldern durch merkliche(r) sachen willen von dem heilige(n) Reich behalden vnd erworben haben von widergem vngeschicht beide vbrenet vnd
verlorn sein daz er domit sein recht nicht beweisen mag als billich were doch sintdemal daz vns dieselbe pfantschaft wol kundig ist vnd wir sulcher gelegenheit
wol vnd genzlich vnderweiset sein daz die obgen(ante) stat ze Eger mit dem lande vnd die vesten floz vnd parkstein mit allen zugehorunge dem kungrich vnd
der Cronen ze Beheim vmb vierzig tusent mark lotiges silbers sechstehalben guldein florens gewicht fur yetliche mark zereiten zerechte pfande recht vnd red
lich von wegen des heilige(n) Reiches v(er)sezet sein vnd seine eldern vnd voruarn kunge ze Beheim in gewer vnd in recht(er) besitzung derselbn pfantschafft gewesen sein
vnd er noch ist vf disen hutigen tag des haben wir angesehen die besunder genad vnd den nuczen fleizz vnd ouch die steticliche arbeit domit d(er) obgen(ante) vns(er) h(er)r
dez heilige(n) Reiches nucz vnd ere getrewlich vnderstanden hat vnd haben ouch gebrumet die merklichen getrewen dinste die sein eldn ettwenne hochgeborn(e) kunge
ze Beheim dem obgen(anten) Riche erlich vnd nuczlich offte getan haben Wann ouch daz kungrich ze Beheim ein edles wirdiges geliet ist der Romischen Crone so mey
nen vnd wollen wir sulchen schaden des obgen(anten) kungriches ze Beheim vinstatlich widersteen durch die besund(er)n trewe domit wir als ein kurfurste dem heiligen
Reich gebunden sein vff die rede daz der obgen(ante) vnser herre dasselbe sein kungreich ze Beheim durch sulchen zweinel icht beschedigt oder gehindert werde So bekenen
wir mit wolbedachte(m) mute vnd mit rechter wizzen glich and(er)n kurfursten vnd als si ewe briue doruber geben haben daz die obgen(ante) stat ze Eger mit dem lande
vnd die vesten floz vnd parkstein mit merkten dorff(er)n mit edlen vnd vnedlen armen vnd reichen freygen vnd allen zugehorungen die in den gemerken d(er)
selbn lande vnd vesten gelegen sein vnd gesezzen dez egn(anten) vnsers herren als eins kungs ze Beheim sein(er) erben vnd nachkomen kunge ze Beheim vnd der
Cronen desselben kungrichs rechte pfantschaft lange gewesen sein vnd noch sein fur vierzig tusent mark lotigs silb(er)s sulches gewichtes als dauor be
griffen ist vnd geben dorzu vnsir gunst willen vnd wort als ein Marggraue ze Brandenburg vnd ze Lusig obrist(er) Camer(er) vnd ein kurfurste des hei
ligen Reichs Mit vrkund ditz briues versigilt mit vns(er)m Insigel Der geben ist zu Nurenberg nach Cristus geburtte dreuzenhund(er)t Iar dornoch
in dem funf vnd funfzigsten Iare des nechsten donerstags nach sant(e) Andreas tag des heiligen Czwelfboten