Wir katherin von gotis gnaden herczoginne von Slie und frawe czu dem Brecze bekennen und tun kunt offenlich mit disem brive allen den die in sehen oder horen lesen Wanne wir mit wolbedachtem mute mit Rate uns(er) getruen und mit rechte wissen
aller czweingun kriege und ufluffe welchirleye di sint die sich czwischen dem hochgeborn fursten h(er)n Wenczlaw h(er)czogen von Slie und h(er)rn czu Lignicz uns(er)m liben Oem an eynem teil und uns an dem and(er)n uncz uff disen hutigen tag uflauffen haben
auf den Allirdurchluchtigsten fursten und h(er)rn h(er)n karl Romisschen keys(er) zu allen zeiten merer des Reichs und kunig zu Behem uns(er)n liben gnedigen h(er)rn genzlich gegangen sin und alle diselben uns(er) sachen beidenteiln zu sin(er) entscheydunge
gesaczt haben Und wann auch der egenante uns(er) h(er)re mit Rate sin(er) fursten geistlich und werltlich(er) sin(er) h(er)rn und sin(er) getruen biderleut(e) uns entscheyden hat und alle uns(er) sache mit uns(er) beid(er) gutem willn in sulche ordenunge gesaczt hat
als hernach geschriben stet Czu dem ersten das wir umb alle schult die wir vormals fur uns(er)n liben wirt und h(er)rn h(er)czogen Bunczlaben seligen igolden haben od(er) noch gelden sulln choime sulln fur den Erwirdigen vat(er) in got h(er)n preczlaw Byschoff
den hawptman und di Rat leute zu Brczla und wes di selbn nach uns(er) furlegunge und noch der gewissen bekenne und entscheyden daz wir fur den vorgen(anten) uns(er)n h(er)rn h(er)czogen Bunczlaben beczalt habn und d(er)gelden das sol uns d(er)egen(ante) h(er)czog Wenczlaw
wid(er)geben und wo wir noch fur denselbn uns(er)n wirt gelden sulln nach sulch(er) chuntschafft und gewissen als d(er)vor geschribn stet daz sol er fur uns gelden und uns des ledig machen furbas umb die dreihundert mark e(r)ffen czw lamf(er)s czal jerliger
gulde di wir an Nyclaspurg habn sulln czu uns(er)m leibe ist es also von dem vorgen(anten) uns(er)m h(er)rn dem keys(er) mit uns(er) beid(er) gutem willn entscheydn sintdemal daz wir haben zu dem Brecze Nunczig mark ierigs gulde di solln czal die uns nu beweist
sint So sulln wir noch aldo selbist zu dem Brecze aufhebn zehen und hundert mark di wir genant habn alle iar czu uns(er)m leibe und darczu wil der vorgen(ante) uns(er) h(er)re der keys(er) uns geholfen sin daz uns die gevalln und sol auch uns h(er)r gelobt
d(er)egen(ante) uns(er) Oem h(er)czog Wenczlaw uns d(er)czu helfen in guten trewn an geverde Und wer daz sache daz die selbn cweihundert mark geldes von yemant angesprochen wurden in welch(er) weise daz wer daz sol d(er)selbe uns(er) Oem h(er)czog Wenczlaw entriden
und sol uns auch hundert mark ieriges geldes czuhant beweisen czu Nyclaspurg czu uns(er)m leibe Auch ist czwischen uns entscheyden mit uns(er) beider willn als d(er)vor begriffen ist sintdemal daz wir bekant haben und bekennen das wir von der
Sumen Tausent mark die in keys(er)lich(er) uns(er)s egenant(en) h(er)rn brive vormals czwischen uns begriffen ist funfhundert mark von dem egen(anten) uns(er)m Oem enpfangen habn so sulln wir und auch er umb die leczte funfhundert mark choime fur
die obgen(anten) den Byschoff den hawptman und den Rat czu Brczlaw Und was der selbe h(er)czog Wenczlaw aldo beweist daz er d(er)egen(anten) sumen funfhundert mark d(er)leczten uns hat beczalt das sol er ledig sin was aber e(r) nach sulch(er) beweisunge der
selbn sumen uns noch schuldig belibt daz sol er uns czuhant noch d(er) beweisunge gelden und beczalen Auch hat d(er)obgen(ante) uns(er) h(er)re d(er)keys(er) mit uns(er) willechur beidenteiln gesprochen und entscheyden das d(er)obgen(ante) h(er)czog Wenczlaw uns(er) sin
vor den selbn dem Byschoff dem hawptman und den Rat czu Brczlaw uns czu den ersten antwurten und geredt w(er)den sol wes wir in and(er)s mer zubeschuldig(e)n habn dornach sulln wir in auch gerecht w(er)den fur in selbn wes er uns
auch hat czu beschuldigen und sol alle dise entscheydunge geschehen und getan w(er)den von dem nachsten Sontag d(er) schirst chumpt yndwendig sechs wochen noch einand(er) an anstoz czu teiln Und ab d(er)egen(ante) Byschoff von Brczlaw czu sulch(er)
entscheydunge sawmt od(er) gar nicht wellt so sulln alle dise geginw(er)tige sache dannoch die obgen(anten) d(er) hawptma(n) und der Rat czu Brczlaw entscheyden und entrichten Es hat auch d(er)egen(ante) uns(er) h(er)re d(er)keys(er) mit uns(er) beid(er) gutem willn d(er)uf
ein sulche pen gesaczt wer uns uns nicht gehorsam wer sulch(er) entscheydunge d(er)sol an uns an disen sachen und eynungun sein recht vorlorn haben und vervalln in pen drey Tausent mark g(u)t(er) pfennige polamisch(er) czal d(er)halbe teyl gevalln sol
uns(er)s h(er)rn des keys(er)s kuniglich(er) cam(er) und d(er)and(er) dem teyl d(er)sulch(er) entscheydunge gehorsam wirdet d(er)auch alle sine recht domit behalden sol und ist beynamen entscheyden ob wir des ungehorsam weren das czwischen uns entscheyden wirdet von
dem Byschoff dem hawptma(n) und dem Rat czu Brczlaw so sol die pen drey Tausent mark gevallen von uns(er)m leibgedinge wer aber d(er)egen(ante) uns(er) Oem h(er)czog Wenczlaw des ungehorsam so sol man die selben penen nemen uf seinem B(er)kwerk zu Nyclasp(urg)
d(er)uf und uf and(er)albe sin habe wo die sin welch teyl aber an disen sachen gehorsam od(er) ungehorsam genant w(er)den sulle das sol beweiset w(er)den mit briven d(er)obgen(anten) des Byschoffs des hawptmans und des Rates czu Brczlaw od(er)mit des selbn hawpt
manes und Rates briven ob d(er)Byschoff nicht were als vor geschribn stet Dorumb so haben wir gelobt dem egen(anten) uns(er)m h(er)rn dem keys(er) und geloben auch an disem brive in guten trewn an geverde das wir stete und gancz halden welln und volle
komelich volfuren alles das d(er)vor geschriben ist als d(er)r uns das anwirt und auch alles das der Byschoff d(er)hawptma(n) und der Rat czu Brczlaw in den obgeschribn sachen und artikln noch gewissen und noch d(er) kuntschafft cziwischen uns spre
chen machen und vinden Und wer daz sache das wir d(er)wid(er) quemen od(er) bruchig d(er)an wirden in deheinerwis so welln wir und sulln in deobgen(anten) penen v(er)valln sin in all(er) d(er)maze als sie d(er)vor begriffen sint Czu urkund dis brives v(er)sigelt
mit uns(er)m angehangende(m) Insigel Der gebn ist zu prage Do man czalt von cristi geburt Dreuczenhundert und dornach in dem Sechsten und funfczigsten Jare den Erichtag noch sand Jacobs tage des heiligen czwelfbotin