Urbanus ep(iscopu)s seruus seruor(um) dei Carissimo in (Christ)o filio Carolo Roman(orum) Imperatori semper Augusto ac Boemie Regi Illustri Salt(em) et
ap(osto)licam ben(edictionem). Eximie deuocionis affectus quem ad nos et Roman(am) geris eccl(esi)am digne meretur ut peticionibus tuis quantum cum deo possumus
fauorabiliter annuamus. Exhibita siquidem nobis pro parte tua peticio continebat q(uo)d inter te et dilectum filium Nobilem virum
Ottonem Marchionem Brandeburgen(sem) natum quondam ludouici de Bauaria habitus est tractatus q(uo)d ip(s)e Otto et dilecta in (Christ)o
filia Nobilis mulier Elizabet filia tua in infancia constituta postquam ad etatem peruenerit ad hoc aptam matrimonialiter
copulentur et q(uo)d exinde tu et Otto predictus certas super hoc promissiones et obligaciones inuicem faciatis. sed quia Otto
Tercio et Elizabet predicti Quarto consanguinitatis gradibus ab eodem stipite distantes sibi inuicem attinent tuq(ue) eciam dudum
de sponsalibus uel matrimonio pro te uel tuis cum descendentibus ex ludouico predicto minime contrahendis eccl(esi)e Roman(e) prestit
teris iuramentu(m) tractatus predictus adimpleri non potest dispensacione super hoc ap(osto)lica non obtenta. pro parte tua
fuit nobis humiliter supplicatum ut prouidere super hijs de benignitate ap(osto)lica dignaremur. Nos itaq(ue) huiusmodi tuis supplicacionibus inclinati
tecum ut impedimento q(uo)d ex dicta consanguinitate prouenit ac iuramento predicto sub quacu(m)q(ue) uerbor(um) forma uel expressione conceptu(m)
extiterit nequaquam obstantibus promittere q(uo)d dicta Elizabet cum ad etatem ad hoc aptam peruenerit cum dicto ottone sponsalia
de futuro primo et deinde matrimoniu(m) per uerba de presenti contrahet et ad id te solempniter obligare ualeas auctoritate ap(osto)lica tenore
presencium dispensamus iuramento predicto alias in suo robore permansuro. Nulli ergo omnino hominum liceat hanc paginam n(ost)re
dispensacionis infringere uel ei ausu temerario contraire. Siquis autem hoc attemptare presumpserit indignacionem omnipotentis dei et
beator(um) petri et pauli ap(osto)lor(um) eius se nouerit incursurum. Dat(um) Auinion(e) v Id(us) Maij Pontificatus n(ost)ri Anno Primo: