Wir der Richter der Rât und die pürg(er) gemainlich ze chlagenfurt chiesen und bekennen und tůn chunt offenlichen mit disem brief daz die durchleuchtigen fürsten und hochgeborn(en) unse(re) genedige(n) her(re)n her(r) kaiser Römischer kayser ze allen zeiten merer des Reichs künig wenczla(w)
ze Beheim sein sun und her(r) Johans marggraf ze merh(e)n des vorgenant(en) kaysers brůd(er) an ainem tail herczog Růdolf herczog Albrecht und herczog Leupolt gebrüder herczogen ze Osterreich ze Steyr und ze kernd(e)n mit sampt der hochgeborn(en) fraw(e)n margreten ir swester weilent
marggrafinne ze Brandenburg herczoginne ze payern und gräfinne ze tyrol an dem and(er)n tail alle ire land fürstentům und herschefte die si nů habent oder hernach gewinnent baiderthalb(e)n einand(er) gemächt geseczt geordent und geschafft habent In sölher geschefft als das
wol beweisent ir offen versigelten briefe die si einand(er) sein einand(er) darübe(r) geben habent die von worte ze worte lautent als hernach geschriben stet Wir kârl von gotes gnaden Römischer kayser ze allen zeiten merer des Reichs künig wenczla(w) auch von gotes gnaden künig ze Beheim
und wir Johans ze denselben gnaden des ietzgenant(en) unsers lieben her(re)n und vat(er)s kaiser kârls sun und wir Johans von denselben gotes gnaden marggraf ze merh(e)n desselben unsers lieben her(re)n und brůd(er)s an ainem tail und wir Růdolf albrecht und Leupolt prüd(er) von gotes gnaden herczogen ze
Osterreich ze Steyr und ze kernd(e)n herren ze krain auf der windisch(e)n march und ze portenaw gräfen ze habspurg ze tyrol ze pfirt und ze kyburg marggrafen ze pürgow und lantgrafen in elsäz und wir margret von Osterreich d(er) ietzgenant(en) herczogen swester weilent
marggrafinne ze Brandenburg herczoginne ze payern und gräfinne ze tyrol an dem and(er)n tail chiesen und bekennen und tůn chunt von baiden tailn offenlich mit disem brief allen den die in sehent lesent oder hörent lesen wie wir hernach ewiglich für uns unser erben nach ordnung und ge
schefft des allmechtigen gotes wir baidenthalben durch einand(er) von der vater und der můter wegen des geslechtes siplich ze einand(er) geporent In sölher mâze sweder tail under uns gar abgieng und erstürb an chint leibserben daz dasselb tail dem and(er)n tail seine land fürstentům und
herschefte die er also hinder im lieze pillich und von rehte erben sol für alle ander leute das wir und wir in dem namen als ob wir auf paiden tailn nach unser vorbetrahtung mit vestem wizzen rât und willen und gemůt alle unser fürsten landher(re)n ritter und chnechten pürg(er)
und lantsäzzen in allen unser(n) landen und steten die notdürftig darzu wârn mit aller ordenung beschaidenhait und chraft swarten worten und gelübden die nach gaistlichen und weltlichen rehten und gewonhaiten und nach sölher lands fürstentům und herscheften pring(e)n
einand(er) getân haben reht und redlich sölh gemainsamige ordenung und gäbe als hienach beschaiden ist das ist ze merken ob daz geschech daz wir kârl künig wenczla(w) der vorgenant(en) kayser kârls sun künig wenczla(w) von Beheim und marggraf Johans von merh(e)n und alle unser(e)
erben chint süne und töcht(er) die wir nů haben oder hernach gewinn(e)n abgiengen und stürben ân chint leibserben und auch dieselben unser chint leibserben gewünnen die auch stürb(e)n ân leibserben sůnen und unser(e) land also reht(er) leibserben die von uns unser(n) chinden und chindes
chinden chomen mohten erblös würden daz danne allaiw unser(e) erblichen fürstentům lande und herschefte vesten und stete leut und güter die wir nů haben oder hernach gewünnen erbn und gevallen sülln mit vollem und ganczem rehte auf die vorgenant(e)n herczogen von
Osterreich die egnant(e)n margreten ir swester und auf ir aller leibserben süne und töcht(er) die in got noch geben mag und auf ir aller chind und chindes chinde nach den rehten stämmen ewiglich die von inen baiden chomen mügen ân all geverd und ob gleicher weis sprächen wir sun und
und swester die vorgenant(en) herczogen von Osterreich und wir die egnant(e)n margret ir swester obdaz geschehe daz got durch sein genâd wend daz wir und der durchleuchtig fürst her(r) künig wenczla(w) ze Beheim uns(er) lieber brůd(er) und die hochgeborn(e) fraw(e) küniginn(e) elisabeth
sein gemahel und die hochgeborn(e) elisabeth weilent herczog stephans von payern sůns brůd(er) tocht(er) unser liebe swester abgiengen und stürben ân chint leibserben und auch ob wir all(e) den selben unser(n) chind(e)n leibserben gewünnen die stürb(e)n ân leibserben sůnen und unser(e) land also reht(er)
leibserben die von uns unser(n) chinden und chindes chinden chomen mohten erblös würden daz danne alle unser(e) erblichen fürstentům lande und herschefte vesten und stete leut und güter die wir die vorgenant(e)n herczogen von Osterreich und margret(e) ir swester nů haben
oder hernach gewünnen erben und gevallen sülln mit ganczem und vollem rehte auf die vorgenant(e)n kayser kârls sun künig wenczla(w) von Beheim und marggraf Johans von merh(e)n und auf alle ir leibserben süne und töcht(er) und auf derselben chinde und chindes chinde
nach dem rehten stämmen ewiglich die von inen baiden chomen mügen ân alle geverd doch mit sölher underschaid daz auf baiden tailn unser(e) töcht(er) und leute sunderlich von stât die gevallen süllen sein ewiglich bey all(e)n den rehten freyhaiten genâden mit gute(n)
gewonhaiten die si von alt(e)r gehabt und herbraht habent ân alle geverd und auf baiden tailn unser(e) töcht(er) die dar auf baiden tailn leibgeding(e) für ir leib und für alle unser(e) erben und chint obdaz all(e)s volchomenlich ist ewiglich gestân süll(e)n bis ze den heiligen mit
ân geverden ganden auf daz hailig ewangelio und auch gelobt mit unser(n) aiden und in dem namen als ob wir unser(e) fürstentům wir baid(e) tail als ob wir auf baid(e) tailn unser(e) vorgenant(e)n unser(e) gemainsamig(e) ordenung(e) und gäb(e) mit einand(er) vest(e) mit unser(n) leuten
weder mit gerihte noch ân gerihte noch mit chainer lay und sach(e) als rehten ob der gewalt haimlich(e) noch offenlich(e)n nimm(er) tůn süll(e)n noch wellen und auch niemant gestatten der daz and(er) tůn wolt(e) ân alle geverd und verzeihen uns auch darumb
baidenthalben in dem namen als ob wir sölher anspruche und funde damit wir in dem namen als ob wir auf baiderm tail hernach chomen und sprächen mohten daz wir diser gemainsamig(e) und gäb(e) betwungen wern oder daz sweder tail den and(er)n vmb sölh(e)
und anspruche daz hinder brächt hiet oder daz si nicht vest und redlich geschehen wer und ander sachen auch darumb selb und für alle gaistlich(e) und weltlich(e) rehte statuten und gewonhaiten d(er) wir uns sam(p)t d(er) statuten damit behelfen und entweren
leute ze helfe chünt und wider in ir gewalt seczen und den rehten ez sey funden vmb den vmb der verzeihung verricht(e)n möht(e) es ge denn ân geverden vor und allen and(er)n gaistlich(e)n und weltlich(e)n geschrift(e)n und ungeschriben geseczt(e)n und ungeseczt(e)n
funden und unfunden rehten freyhaiten lantsrehten und gewonhaiten und allen hantvesten und briefen die wir nů haben oder hernach gewinn(e)n mohten daz wir auf paiden tailn oder iemant von unser(n) wegen wid(er) dise vorgeschrib(e)n
ordenung gemainsamig(e) und gäb(e) allgeleich oder bei tailn iemm(er) getůn mohten in chainen wegen ân alle geverd und swer daz von got sey daz wir auf baid(e) tail unser(e)s vergäzzen und iemant daz wid(er) reht getet(e)n oder daz wir nicht getân
ob unser sweder tail vor mâls chainen briefe gegeben hiet der hernach chaine and(er) briefe gäbe die wider dise vorgeschriben unser(e) ordenung gemainsamig(e) und gäb(e) in chain(e)r laye wär(e) die sülln irrig nichtig tôd und ab sein und chain chraft
haben noch gewünnen wän wir in sölher geschefft mit disen brief(e)n wizzenlich abnemen vernihten wern und wider rüefen gänczlich und ab all(e)n diser brief(e) und des gleichen vor und nach all(e)n and(er)n briefen die dise gemainsamig(e) in iemer
chraft gänczlich und ewiglich beleiben ân alle geverde und arglist wir die vorgenant(e)n kayser kârl von Röm(e) haben auch als ein Römischer kayser wizzenlich mit kayserleich(e)r gewalt(e) volkomenhait dise vorgeschrib(e)n ordenung gäb(e) und
gemainsamig(e) durch frides und gemains gůts willen nach rât der fürsten des heiligen reichs gaistlich(e)r und weltlich(e)r die ze mâl bey uns wâren baidentailen verheißen gegünnen bewart gevestent und bestet(e)t reht und redlich verhengen
günnen bewarn vesten(e)n und besteten si auch für uns und unser(e) nâchchomen in dem hailigen reich ewiglich mit disem briefe in alle der mâze als vorgeschriben ist ân all geverd und ob daz wer daz chain kayserlich(e)r reht oder gesäczte die nů
funden und geschriben sind oder hernach funden und geschriben werdent und dise vorgeschrib(e)n und gemainsamig(e) ordenung und gäb(e) in chainem wege abgeleich oder bei tailn irrt(e) die nemen wir ab wän wir obdaz all(e)s volchomenlich
in disen sachen mit unser(n) kayserlich(e)n gewalt gänczlich und ewiglich wend(e)n wellen und nâmen in dem namen als ob wir daz dise gemainsamig(e) ordenung und gäb(e) auf paiden tailen ewiglich in gäncz(e)r und vester stetichait unz(er)broch(e)n bleibe
und behalten werde in alle der mâze als vorgeschriben ist ân alle geverde darumb wir baiden den vorgenant(e)n tailen gebieten wir vestichlich bei unser(n) hulden allen unser(n) landfürsten und weltlich(e)n fürsten prelaten gräfen freyen dienstman
lantherren ritter und chnechten pürg(er) und lantsäzzen auf dem land und in den steten und allen and(er)n unser(n) undertanen gemainlich(e)n in welh(e)m wesen und wie si genant sind daz si die vorgenant(e)n unser(e) ordenung gemainsamig(e) und
gäb(e) auf sölh geschefft als vorgeschriben stet loben und swer(e)n ze den heiligen stet(e) ze halten und ze volfüren gänczlich wem daz ze schulden chümt ân alle widerrede und gevärt und auch darunder gebent ir all(e)s gesigel(e) briefe und darüb(er)
ze einem steten vesten offen und ewigen urchunt all der vorgeschrib(e)n ordenung und gäb(e)n haben wir die vorgenant(e)n kayser kârl von Röm(e) künig wenczla(w) von Beheim und marggraf Johans von merh(e)n für uns und für alle unser(e) erben
und erbs erben ewiglich als vor beschaiden ist an dem and(er)n tail unser(n) insigil gehang(e)n an disen brief daz ist geschehen und ist diser brief geben ze prünn nach christi gebürt dreuczehen hundert Jâr dârnâch in dem vier und sechczigistem Jâr an der
ersten mittich(e)n als vor beschaiden ist an dem and(er)n tail unser(n) insigil gehang(e)n an disen brief daz ist geschehen und ist diser brief geben ze prünn nach christi gebürt dreuczehen hundert Jâr dârnâch in dem vier und sechczigistem Jâr an der
heiligen chreüczwoch(e)n sand scolastic(e) tag unser(e)s kayser kârls reichs in dem ahczehend(e)n und des kaysertumbs in dem eilft(e)n Jâr und nâch diselb(e)n ordenung gäb(e) und gemainsamig(e) mit unser der vorgen(ant) pürg(er) ze chlagenfurt rât willen und
gunst geschehen sey darumb haben wir dieselben pürg(er) unser(e)s egelich(e)n besunder und wir alle gemainlich für uns und für alle unser(e) nâchchomen und erben ewiglich mit vest(e)m gemůt gelobt und versprochen geloben und versprechen mit unser(n) aiden
und mit unser(n) gesworn leiblich(e)n aiden die wir daruber getân haben ze den heiligen daz wir die vorgenant(e)n gemainsamig(e) gäb(e) und ordenung swenne die gevallet und ze schulden choment als vorbeschaiden ist auf nemen halten stet haben und
volfüren süllen und wellen ewiglich und gänczlich ân alle widerrede und geverde ze urchund ditz briefs besigelt mit unser(n) anhangenden insigel daz ist geschehen und ditz brief geben ze chlagenfurt an mentag nach dem suntag als man singet domine
ne in ira nach christi gebürt dreuczehen hundert Jâr dârnâch in dem vier und sechczigistem Jâr