Den allerdurchluchtigsten fursten hern Karl Romuschen keyser czu allen czeiten merer des Riches
und konyge czu Bemen und hern Wenczlawen konyge czu Bemen marggrauen czu brandinburg
und czu luczic zyme zone und eren erbelingen unsern genadigen heren Gelobe wir Wladisla(us)
und Bolke von gotes genaden herczogen czu opol mit craft des briues mynen willen an ar
gelist wen ze uns adir unsen erben dy burg Strelecz genant mit allen eren czu gehor
ungen geledigen und inczigehen also das wir ze in gewalt und gewer haben noch unser
briue lut dy wir dr ober haben dy burg potensteyn und dy stat koselicz mit allen e
ren czu gehorungen en widir of geben und antwurten an ofczug und an alle widirrede
Mit orkunde des briues do wir unser ingezegil haben an gehangen Gegeben czu opol noch
gotes geburt driczen hundirt iar und in dem zechs und zechczigisten iare an dem vrytag in den
osterheylegen tagen