U(r)banus ep(iscopu)s seruus seruor(um) dei Uenerabili fratri Johanni Archiep(iscop)o Pragen(si) in Pragen(si) p(ro)uincia necnon in Ratisponen(si) Bambergen(si) et Misnen(si) Ciuitatibus et
dioc(esibus) ap(osto)lice sedis legato Sal(u)t(em) et ap(osto)licam ben(edictionem). Ex debito pastoralis officij cupientes q(uo)d subditi et presertim in sortem domini euocati iuxta piam disposicionem Regis pacifici sint p(ro)uida pacifica et
modesta illis libenter statuimus atq(ue) concedimus per que prompta semper ad peccandum humana fragilitas tanto st(ud)io tuis ab illicito refrenetur et cum excesserit diligencius corrigatur quanto
pluribus et forcioribus fuerit gubernaculis coartata idq(ue) tanto libencius facere debet tantum cum ad hoc mundanor(um) Regum et Principum uota ex sincera caritate concurrunt. Nuper siquidem
Carissimus in (Christ)o filius n(oste)r Carolus Roman(orum) Imperator semper Augus(tus) tunc ac Boemie Rex Illus(tris) tunc coram nobis et fratribus n(ost)ris exposuit q(uo)d in Bambergen(si) cuius diocesis et eccl(i)a Bam
bergen(sis) Roman(e) eccl(i)e immediate subicit(ur) ac in Ratisponen(si) que de Salzeburgen(si) et in Misnen(si) dioc(esibus) que de Magd(e)burgen(si) p(ro)uincie existunt sunt plurima Castra Terre uille et loca ad
Regem Boemie qui est pro tempore in hiis titulis pertinencia que per ip(su)m pro Regno Boemie uel alios pro eo tenentur et pacifice possidentur et in quibus eciam Castris Terris uillis et
locis plurime plebanie et eccl(i)e ac multitudo Cleri consistunt q(uo)dq(ue) persone eccl(i)as(tice) ibidem ex(is)tentes sunt nimium dissolute diuinis officijs et honestis moribus non uacantes pluraq(ue)
beneficia eccl(i)as(tica) secum inuicem non compaciencia insimul dampnabiliter detinentes ex quibus indeuocio populi animar(um) pericula aliaq(ue) mala et scandala plurima subseantur ip(s)eq(ue) Imperator
ex illis que ab ip(s)is personis diocesan(is) ex superioribus minime corriguntur plurimum conturbatur. Quare dictus Imperator nobis humiliter supplicauit ut tam in Bambergen(si) Ratisponen(si) et
Misnen(si) Ciuitatibus et dioc(esibus) super premissis diligenter prouidendo quam eciam in tua Prouincia Pragen(si) que in Regno Boemie consistit ut ibidem pleniore auct(or)itate uirtutes excolan
tur et uicia extirpentur et ut eciam Pragen(sis) eccl(i)a in sua Prouincia amplius honoretur te et successores tuos Archiep(iscop)os Pragen(ses) qui erunt pro tempore ap(osto)lice sedis legatos perpetuos
ibidem constituere et creare de benignitate ap(osto)lica dignaremur. Nos itaq(ue) premissis omnibus diligenter attentis ac super hijs informacione recepta et cum dictis fratribus deliberacione preha
bita p(ro)ui(d)is Imperatoris in hac parte supplicacionibus inclinati de dictor(um) fratrum consilio predictas Ciuitatem et dioc(esim) Ratisponen(sem) ab omni iurisdic(t)ione dominio et potestate que Archiep(iscop)o Salze
burgen(si) qui est pro tempore et qui in Prouincia sua Salzeburgen(si) de qua dicta Ciuitas et dioc(esis) Ratisponen(sis) ut prefertur existunt ap(osto)lice sedis legatus fore dicitur in ip(s)is Ciuitate et dioc(esi) Ratisponen(si)
iure sui racione dicte legacionis habet seu sibi quomodocumq(ue) et qualitercumq(ue) competunt uel competere possint et ab ip(s)a legacione dimittimus ex certa sciencia et de ap(osto)lice potestatis plenitudi
ne in totum eximimus et plenarie liberamus teq(ue) et successores tuos Pragen(ses) Archiep(iscop)os qui erunt pro tempore perpetuos ap(osto)lice sedis legatos in eisdem Prouincia tua ac in Bambergen(si) Ratisponen(si)
et Misnen(si) Ciuitatibus et dioc(esibus) auct(or)itate ap(osto)lica facimus constituimus et creamus tibi et eisdem successoribus in eisdem tua Prouincia ac Ciuitatibus et dioc(esibus) ut ibidem euellatis dissipetis atq(ue)
plantetis et omnia et singula que ad huiusmodi legacionis officium de iure pertinent exercere et facere ualeatis uices n(ost)ras et legacionis officium perpetuo committentes necnon contradictores quoslibet
et rebelles auct(or)itate n(ost)ra per censuram eccl(i)as(ticam) appellacione postposita compescendi facultatem plenam et liberam concedentes. Non obstantibus quibuscumq(ue) Constitucionibus necnon pri
uilegijs ap(osto)licis gracijs et litteris eidem Salzeburgen(si) Archiep(iscop)o uel quibusuis alijs sub quacumq(ue) uerbor(um) forma concessis eciam si talia sint de quibus quor(um)q(ue) totis tenoribus ac proprijs personar(um) et
locor(um) nominibus habenda sit in n(ost)ris litteris mencio specialis Seu si aliquibus communiter uel diuisim ab eadem sede indultum existat q(uo)d interdici suspendi uel excommunicari non possint per litteras
ap(osto)licas non facientes plenam et expressam ac de uerbo ad uerbum de indulto huiusmodi mencionem. Nulli ergo omnino hominum liceat hanc paginam n(ost)re exempcionis liberacionis constitucionis
creacionis commissionis et concessionis infringere uel ei ausu temerario contraire. Siquis autem hoc attemptare presumpserit indignacionem omnipotentis dei et beator(um) Petri et Pauli Ap(osto)lor(um)
eius se nouerit incursurum. Dat(um) Auinion(e) V Kal(endas) Junij Pontificatus n(ost)ri Anno Tercio.