Urbanus ep(iscopu)s seruus seruor(um) dei Dilectis filijs Magistris Ciuium Consulibus et Communitati Ciuitatis Ratisponen(sis) sal(utem) et ap(osto)licam ben(edictionem) Ex debito pastoralis officij
cupientes q(uo)d subditi et presertim in sortem domini uocati iuxta piam dispositionem Regis pacifici sine inuidia pacifica et modesta illa libenter statuimus atq(ue) concedimus per que
prompta semper ad peccandum humana fragilitas tanto strictius ab illicitis refrenetur et cum excesserit diligentius corrigatur quanto pluribus et fortioribus fuerit gubernaculis
coarctata idq(ue) tunc libentius facere delectamur cum ad hoc mundanor(um) Regum et principum uota ex sincera caritate concurrunt Nuper siquidem Carissimus in (Christ)o filius n(oste)r
Carolus Roman(orum) Imperator semper Augustus ac Boemie Rex Illustris coram nobis et fratribus n(ost)ris exposuit q(uo)d in Bambergen(si) cuius diocesis et eccl(es)ia Bambergen(sis) Roman(e) eccl(es)ie imme
diate subiecta ac in Ratisponen(si) que de Salzburgen(si) et in Misnen(si) dioc(esibus) que de Magdeburgen(si) prouincijs existunt sunt plurima castra terre uille et loca ad Regem Boemie qui est
pro tempore iustis titulis pertinentia que per ip(su)m pro Regno Boemie uel alios pro eo tenentur et pacifice possidentur et in quibus etiam Castris terris uillis et locis plurime
plebanie et eccl(es)ie ac multitudo cleri consistunt ip(s)iq(ue) persone ecclesiastice ibidem existentes sunt nimium dissolute diuinis officijs et honestis moribus non uacantes pluraq(ue) beneficia
ecclesiastica se inuicem non compatientia insimul dampnabiliter detinentes ex quibus indeuotio populi animar(um) pericula aliaq(ue) mala et scandala plurima subsecuntur ip(s)eq(ue) Imperator ex illis
que ab ip(s)ar(um) personar(um) diocesan(is) et superioribus minime corriguntur plurimum conturbatur Quare dictus Imperator nobis humiliter supplicauit ut tam in dictis Bambergen(si) Ratisponen(si)
et Misnen(si) Ciuitatibus et dioc(esibus) super premissis salubriter prouidendo quam etiam in prouincia Pragen(si) que in Regno Boemie consistit ut ibidem pleniori auctoritate uirtutes
extollantur et uicia extirpentur et ut etiam Pragen(sis) eccl(es)ia in sua prouincia amplius honoretur Venerabilem fratrem n(ost)r(u)m Johannem Archiep(iscopu)m Pragen(sem) et successores suos
Archiep(iscop)os Pragen(ses) qui erunt pro tempore ap(osto)lice sedis legatos perpetuos constituere et creare de benignitate ap(osto)lica dignaremur Nos itaq(ue) premissis omnibus diligenter attentis
ac super hijs informatione recepta et cum dictis fratribus deliberatione prehabita ip(s)ius Imperatoris in hac parte supplicationibus inclinati de dictor(um) fratrum consilio predictas
Ciuitatem et dioc(esim) Ratisponen(sem) ab omni iurisdictione dominio et potestate que Archiep(iscopu)s Salzburgen(sis) qui est pro tempore et qui in prouincia sua Salzburgen(si) de qua dicte Ciuitas et
dioc(esis) Ratisponen(sis) ut prefertur existunt ap(osto)lice sedis legatus dicebatur fore in ip(s)is Ciuitate et dioc(esi) Ratisponen(si) iure seu ratione dicte legationis habebat seu sibi quomodocumq(ue) ex qua
licumq(ue) copetebat uel copetere poterat et ab ip(s)a legatione dumtaxat ex certa scientia et de ap(osto)lice potestatis plenitudine in totum eximimus ac plenarie liberauimus ip(su)mq(ue)
Johannem et successores suos Pragen(ses) Archiep(iscop)os qui erunt pro tempore perpetuos Ap(osto)lice sedis legatos in eisdem prouincia Pragen(si) ac in Bambergen(si) Ratisponen(si) et Misnen(si)
Ciuitatibus et dioc(esibus) auctoritate ap(osto)lica fecimus constituimus et creauimus ip(s)iq(ue) Johanni Archiep(iscop)o ac eisdem successoribus in eisdem prouincia Pragen(si) ac Ciuitatibus et dioc(esibus) ut ibide(m)
euellant dissipent atq(ue) plantent et omnia et singula que ad huiusmodi legationis officiu(m) de iure pertinet exercere et facere ualeant uices n(ost)ras et legationis officium per
petuo committentes necnon contradictores quoslibet et rebelles auctoritate n(ost)ra per censuram ecclesiasticam appellatione postposita compescendi facultatem plenariam et liberam conce
dentes Non obstantibus quibuscumq(ue) constitutionibus necnon priuilegijs ap(osto)licis gratijs et litteris eidem Salzburgen(si) Archiep(iscop)o uel quibusuis alijs sub quacumq(ue) uerbor(um) forma
concessis etiam si talia sint de quibus quor(um)q(ue) totis tenoribus ac proprijs personar(um) et locor(um) nominibus habenda sit in n(ost)ris litteris mentio specialis Seu si aliquibus commu
niter uel diuisim ab eadem sede indultum existat q(uo)d interdici suspendi uel excommunicari non possint per litteras ap(osto)licas non facientes plenam et expressam ac de uerbo ad uerbu(m)
de indulto huiusmodi mentionem Quocirca uniuersitatem u(est)ram rogamus et hortamur in domino quatinus eun(dem) Johannem Archiep(iscopu)m et successores suos predictos cum eos ad
loca u(est)ra declinare contigerit tanquam ap(osto)lice sedis legatos pro ip(s)ius sedis et n(ost)ra reuerentia benigne recipientes et honorifice pertractantes eor(um) salubribus monitis et manda
tis efficaciter intendatis ita q(uo)d inde u(est)ra possit in domino deuotio merito commendari Dat(um) Auinion(e) V k(a)l(endas) Junij Pontificatus n(ost)ri Anno Tertio