Clemens ep(iscopu)s seruus seruorum dei Ad perpetuam rei memoriam
Roman(us) Pontifex a deo per quem Reges regnant et Principes imperant et qui solus habet in Regno hominum potestatem constitutus super gentes et Regna
illa que ad utilitatem Regum et Principum ac subditor(um) salutem et pacem expedire conspicit obseruancias antiquas conmutando quandoq(ue) prout oportunitas temporis re
quirit in melius de potestatis plenitudine ordinat et disponit. Sane pro parte Carissimi in xp(ist)o filij n(ost)ri Johannis Regis Boemie Illustris petitio Nobis exhi
bita continebat q(uo)d olim Reges Boemie ad successionem Regni sui Boemie uenientes de manibus Archiep(iscop)i Maguntin(i) tunc ip(s)or(um) Metropolitan(i) sue inunctionis et coronatio
nis solempnia consueuerunt recipere ab antiquo sed in nullo alio nisi solum quia Metropolitan(us) erat eor(um) sibi subiecti quomodolibet existebant. Cum autem Nos
pridem certis iustis honestis et rationabilibus causis suadentibus eccl(esi)am Pragen(sem) infra dictu(m) Regnum Boemie consistentem tunc eccl(esi)e Maguntin(e) Suffraganeam
et Metropolitico iure subiectam deliberatione cum fratribus n(ost)ris sancte Roman(e) eccl(esi)e Cardinalibus prehabita prouida et matura et de ip(s)or(um) consilio ac apl(ic)e pleni
tudine potestatis a iure ac subiectione predictis per Nos exemptam totaliter et sedi apl(ic)e inmediate subiectam in eccl(esi)am Metropolitan(am) duxerimus erigendam ipsam
dignitate et auctoritate Metropolitana nichilominus decorando: fuit Nobis pro parte Regis eiusdem instanter et humiliter supplicatum ut concedere q(uo)d Reges Boemie
qui erunt decetero dum ad Regni predicti successionem eos contigerit deuenire sue huiusmodi inunctionis et coron^3w^ manibus Archiep(iscop)i Pragen(sis) qui
erit pro tempore recipere ualeant et idem Archiep(iscopu)s illas eis possit deinceps perpetuis futuris temporibus inpendere ^3w^ dignaremur. Nos igitur delibera
tione preuia et matura super hijs habita et certis causis Nos ad hec rationabiliter inducentibus supplicationi huiusmodi benignius inclinati: q(uo)d Archiep(iscopu)s Pragen(sis) qui est et
erit pro tempore gratiam et conmunionem eiusdem apl(ic)e sedis habens Reges predictos Boemie in fide ac deuotione prefate Roman(e) eccl(esi)e persistentes quos ad successionem
uenire contigerit supradictam inungere ac coronare cum solempnitate debita ualeat ip(s)iq(ue) Reges perpetuis futuris temporibus solempnia inunctionis et coronationis huiusmodi de ma
nibus ipsius Archiep(iscop)i deuote possint recipere auctoritate predicta tenore presentium indulgemus. Nulli ergo omnino hominum liceat hanc paginam n(ost)re concessionis infringere
uel ei ausu temerario contraire. Siquis autem hoc attemptare presumpserit indignationem omnipotentis dei et beator(um) Petri et Pauli Apostolor(um) eius se nouerit incursurum.
Dat(um) Auinion(e) iij Non(as) Maij Pontificatus n(ost)ri Anno Secundo: