In nomine domini amen. Notum sit omnibus presens publicum instrumentum inspecturis. Quod sub anno domini millesimo trecentesimo septuagesimo primo indicione nona die octava mensis ianuarii hora nona vel circiter in monasterio seu claustro plassen(si) sancti bernhardi ordinis cisterciensis pragen(sis) diocesis in capella superius sita, ubi abbates monasterii predicti sua commoda spacia habere consueverunt, pontificatus sanctissimi in christo patris et domini nostri domini urbani divina providencia pape quinti anno primo. Regnante serenissimo principe domino nostro et domino karolo romanorum imperatore semper augusto anno xxvi. In mei notarii publici infrascripti testiumque presencium subscripci(on)e ad hoc specialiter vocatorum et rogatorum. Nos gerlacus pomucen(sis) et hermannus aule regie abbates cisterciensis sancti bernhardi ordinis predicte pragen(sis) diocesis laudatores diffinitores pronunciatores ac amicabiles sportatores et arbitratores personaliter constituti in causa seu causis hiis et super expensis et impensis venerabilis viri domini nicolai abbatis plassen(sis) monasterium predicti sive lite pendente inter abbates olim eberhardum de abbatia depositum et destitutum ac conventum sancte corone monasterii predicti prout nuper in instrumento compromissi super hoc confecto plenius et liquidius apparet seu continetur pro reverendis viris et dominis nicolao plassen(si) et gerhardo sancte corone abbatibus et conventu ipsorum monasteriorum predictorum ordinis cisterciensis sancti bernhardi et diocesis pragen(sis) predicte concorditer et unanimi(ter) ac communi voto et assensu virtute cuiusdam compromissi de abbatis ac consilio et sano assessorum nostrorum deum habentes et ipsius nomine invocato domino nicolao abbati plassen(si) predicto et sancte corone abbati absenti laudamus diffinimus pronunciamus ac arbitramur in hunc modum. In primis quod omnis rancor et displicencia inter prefatos abbates et ipsorum complices a modo cessare debet. Item pronunciamus diffinimus laudamus arbitramur et ordinamus quod predictus dominus gerhardus abbas seu suus successor et conventus sancte corone monasterii predicti dent et persolvant prefato venerabili viro domino nicolao abbati seu ipsius successori et conventui plassen(si) monasterii predicti pro impensis et expensis per ipsum dominum nicolam abbatem et conventum plassen(sem) in lite predicta de premissis factis centum sexaginta grossorum denariorum pragen(sium) omnem in eventu sub pena in compromisso apposita videlicet centum sexagenarum grossorum denariorum pragen(sium). Item pronunciamus et ordinamus quod easdem centum sexaginta grossorum denariorum pragen(sium) predictorum aput dominum gerlacum et in monasterio pomucen(si) predicto reponant ipsorum laboribus periculis et expensis cum effectu postquam autem prefate pecunie sic ut premittitur aput dominum gerlacum abbatem pomucen(sem) predictum plene vel sic fuerint reposite tunc ipse gerlacus abbas pomucen(sis) predictus statim intimare et intimare debet prenominato domino nicolao abbati plassen(si) ut easdem pecunias statim in monasterio pomucen(si) recipiat suis propriis laboribus et expensis. In terminis infrascriptis videlicet in festo sancti georgii nunc proxime instanti viginti sexaginta grossorum denariorum pragen(sium) predictorum. Et in festo sancti galli tunc immediate sequenti similiter viginti sexaginta grossorum predictorum. In festo vero sancti georgii a festo sancti georgii nunc proxime instanti anno revoluto inclusive sicut in primo termino similiter viginti sexaginta grossorum predictorum. Et sic deinceps singulis festis prenominatis usque ad solucionem seu complecionem centum sexaginta grossorum predictorum dent et persolvant ac in eodem loco sic ut premittitur reponant ipsorum periculis laboribus et expensis omni fraude et dolo ac occasione qualibet proculmotis. Item laudamus pronunciamus et arbitramur ac diffinimus quod si quod absit prenominatus dominus gerhardus abbas et conventus sancte corone in aliquo predictorum terminorum primo videlicet in festo sancti georgii nunc proxime affuturo viginti sexaginta grossorum denariorum predictorum aut infra unum mensem post festum sancti georgii statim in mediate sequentem solvere vel in loco premisso reponere neglexerint vel fuerint remissi extunc nomine pene prefatus dominus gerhardus abbas et conventus sancte corone decem sexaginta grossorum cum capitali pecunia videlicet viginti sexaginta grossorum reponant in loco supradicto. Si autem predicto mense elapso infra octo dies in mediate sequentes dictas viginti sexaginta grossorum predictorum cum capitali pecunia omni pena decem sexaginta grossorum non persolverint seu in loco pretacto non reposuerint cum effectu extunc statim gerhardus suus abbas in monasterio sancte corone predicti sine ulla licencia intrare seu ingredi non presumat. Item laudamus pronunciamus arbitramur ac diffinimus omnino volentes quod in solucione pecuniarum predictarum in terminis sancti georgii in mediate venturi primo termino premisso sicut eciam in eodem termino solvere incipiet sic et in aliis terminis sequatis usque ad solucionem seu complecionem dictarum centum sexaginta cum premissis penis in omnibus et singulis ut est pretactum volumus irrefragabiliter observari. Si autem in quocumque predictorum terminorum primo in sequentibus prefatus abbas gerhardus et conventus sancte corone fuerint negligentes vel remissi solvere vel reponere in loco premisso extunc in penam seu penas suprascriptas irremissibiliter incurrere volumus ipso facto. Item arbitramur laudamus pronunciamus declaramus et diffinimus quod quociens predictas centum sexaginta grossorum predictorum in terminis suprascriptis ipse dominus gerhardus seu suus successor si cum ad solucionem dictarum centum sexaginta de hoc seculo migret quod absit gerat et suus sancte corone conventus omnia que in premissis continentur observaverint statim toto persolverint extunc ipsi domino nicolao abbati seu suo successori et conventui plassen(si) predictum silencium imponimus ipso facto. Item laudamus pronunciamus arbitramur et diffinimus quod prefati domini videlicet nicolaus plassen(sis) et gerhardus sancte corone abbates cum ipsorum conventibus ad roborandum et firmandum ac ratificandum dicta inter pronunciatores instrumenta sigilla ipsorum in instrumento publico compromissi in nos videlicet pomucen(sem) et aule regie abbates facti seu innotati fuerint apponant et in pendant videlicet qualibet pars innotata. Si autem quispiam ipsorum abbatum videlicet plassen(sis) vel sancte corone cum ipsorum conventibus sigilla ipsorum ad instrumentum seu instrumenta compromissi in nos facti apponere seu appendere noluerint vel innotati neglexerint extunc in penam centum sexaginta sexaginta grossorum denariorum pragen(sium) predictorum per servantem seu sigillum suum appendenti per partem sigillum suum non appendentem et contrarium facientem seu gerentem arbitrium demerite volumus irremissibiliter incurrere ipso facto. Item demum et ultimo laudamus pronunciamus et arbitramur ac diffinimus quod si aliqua dubia super dictis expensis vel impensis super predictis centum sexaginta per eum ad solvendum emerserint nostris ad corrigendum interpretandum declarandum quocienscumque nobis placuit nobis reservamus. De quibus omnibus et singulis supradictis ex parte prefati domini gerlaci pomucen(sis) et aule regie ac plassen(sis) abbates quilibet pro se petebat sibi unum seu plura confici publica instrumenta. In cuius rei testimonium et robore predictum firmitatem huius presenti publico instrumento sigilla venerabilium virorum dominorum gerlaci pomucen(sis) et aule regie abbatum superius nominatorum ac hermanni aule regie abbatis superius nominatorum ex certa ipsorum sciencia ac consensu sunt appensa. Acta sunt hec anno domini indicione die mense hora loco pontificatu et imperio quibus supra presentibus honorabilibus et discretis viris domino conrado decano ecclesie wissegraden(sis) magistro hermanno de lomnicz domino iacobo pronotario kaurim(ensi) michaele magistro conrado in nepomuk nicolao de cressina et bernoldo de kralowicz ecclesiarum parochialium plebanis et aliis pluribus testibus ad premissa specialiter vocatis et rogatis.
Et ego hidolricus dictus ozyata quondam andree de hosticz clericus pragen(sis) diocesis publicus auctoritate imperiali notarius predictis pronunciacioni compromissi publicacioni et exhibicioni ac aliis omnibus et singulis supradictis dum sic fierent et agerentur unacum prenominatis testibus presens interfui eaque omnia et singula vidi et audivi et ea rogatus scribere manu propria scripsi et in hanc publicam formam redegi signoque meo et nomine consuetis signavi in robur et requisitus in testimonium omnium premissorum.