In nomine sancte et indiuidue trinitatis feliciter Amen Karolus quartus diuina fauente clemencia Romanorum
Imperator semper Augustus et Boemie Rex. Ad perpetuam rei memoriam. Innata Cesaree sublimitati benignitas inter alias meditacionum
sollicitudines quibus pro subditorum tranquillitate distrahitur, adhoc precipua meditacione frequenter inuigilat vt sue gubernacionis in tempore Ecclesiarum dei libertatibus
et comodis valeat salubriter prouidere. Oblata siquidem Celsitudini nostre pro parte Religiosorum Abbatis et Conuentus Monasterij Aule Regie Cisterciensis ordinis Pra
gen(sis) dyocesis deuotorum nostrorum humilis et deuota peticio continebat qualiter ipsas et dicto eorum monasterio infrascriptas litteras quas a clare memorie Illustri Johanne quondam Boemie Re
ge genitore nostro carissimo obtinuisse noscuntur approbare ratificare innouare et confirmare de innate nobis benignitatis clemencia dignaremur Quarum quidem litterarum tenor se
quitur in hec uerba. Johannes dei gratia Boemie Rex Lucemburgen(sis) Comes Deuotis suis Abbati et Conuentui monasterij Auleregie ordinis Cisterciensis Pragen(sis) dyocesis nobis dilectis
gratiam suam cum plenitudine omnis boni Nonnunquam propter inportunas preces princeps non concedenda concedit et concedenda recludit Sane vestre supplicacionis talis
erat tenor quod tempore quo deuotus Abbas vester monasterij extitit creatus nonnullis ad nos venientibus et petentibus a nobis ut ipsis aliquam summam pecunie recipiendam apud
novum sic creatum Abbatem in eis litteris super hoc impetratis quandam consuetudinem pretendentes racione creacionis noui Abbatis faceremus Propter quod plura incom
moda et iacturas vos et vestrum Monasterium contigit sustinuisse Supplicantes deuote vt uobis et vestro monasterio de remedio prouideremus oportuno Nos uero uestris supplicacionibus gratiose
annuentes Considerato quod ipsa consuetudo pocius corruptela dici meretur vos et vestrum Monasterium a tali graua
mine siue suffragio quod
in creacione noui Abbatis exposcitur ut premittitur Tenore presencium et in hijs scriptis liberamus siue liberos
nunciamus Nolentes
litteras quascumque a quibuscumque comuniter uel diuisim impetratas a nobis modo et forma ut predicitur vigoris ha
bere firmitatem quas nunc
prout extunc decernimus nullius esse firmitatis siue momenti Nec uos de cetero conuertere debere ad eas
dem In cuius rei testimoni
um presentem litteram nostre maiestatis sigillo fecimus sigillari Datum parisius Anno domini millesimo Trecentesimo Qua
dragesimo dominica Letare
Nos itaque considerantes piam deuocionem assatam dicti genitoris nostri necnon aliorum Regum Boemie predecessorum
nostrorum Illustrium quo prefatum
Monasterium in quo viget obseruancia regularis multarum uoluerunt largicionum beneficijs insignire quorum nos e
ciam sequi vestigia cupien
tes cum eciam iuste petentibus non sit denegandus assensus diuine retribucionis intuitu preinsertas litteras et omnia
in eis contenta de uerbo ad
uerbum prout scripta sunt auctoritate Boemie Regia approbamus ratificamus innouamus et ex certa nostra sciencia confirmamus
Nulli ergo hominum liceat hanc
nostre maiestatis paginam infringere sub pena indignacionis nostre quam qui contrafecit se nouerit grauiter incursurum
Signum serenissi
mi principis et domini domini karoli Quarti Romanorum Imperatoris Inuictis
simi et glorissimi Bo
emie Regis. Testes huius rei sunt Venerabiles Arnestus Pragen(sis) Archiepiscopus Johes Argentinen(sis) fridericus Ratisponen(sis) Johes Olomucen(sis) et Theodericus minden(sis) Episcopi
Illustres Comites olomucen(sis) Cazimirus Teschinen(sis) Bolko falkenbergen(sis) et Bolko Opolien(sis) duces Necno Spectabiles Burghardus burggrauius magdeburgen(sis) henricus de Swarczpurg
Johannes de Retz et Albertus de Anhalt Comites et alij quamplures presencium sub maiestatis nostre sigillo testimonio litterarum Datum Prage Anno domini millesimo Trecentesimo Quin
quagesimo quinto Indiccione octaua v. kalendas octobris Regnorum nostrorum Anno decimo Imperij uero primo Ego Johannes dei gratia luthomislensis Episcopus Sacre
Imperialis Aule Cancellarius vice Reuerendi in christo patris domini Gerlaci maguntini Archiepiscopi Sacri Imperij per Germaniam archicancellarij Recognoui