Karolus Quartus diuina fauente clemencia Roman(orum) Imperator semp(er) Augustus et Boem(ie) Rex Notum facimus tenore presenciu(m) vniuersis
Quod si de innate benignitatis nobis clemencia et ex assumpto dignitatis officio singulorum ciuium gerere n(ost)re dignatur sublimitas et n(ost)re liberalitatis
affectus tanto largiore gracia co(m)mendatur quanto profusius in plures nomen magnificat Cesaree maiestatis Ad illarum tamen augendas gracias et
instaurandos profectus et co(m)moda benigniore quidem gracia et amplioris fauoris presidio debet animus intendere que spretis mundi blandicijs et transito
ria seculi vanitate contemp(ta) Regum Regi et dominancium domino in simplicitate mentis et mundicia corporis iugiter famulantur Sane Quamuis ali
as per Juris diffinicionem et Sentenciam diffinitiuam in foro eccl(es)iastico contra Prouissam et Conuentum Sanctimonialium Monasterij Sancti
Laurencij in Maiore Ciuitate Pragen(si) Ordinis Predicatorum Juspatronatus seu Juspresentandi ad eccl(es)iam parochialem Sancti Leonardi in predicta
Ciuitate Pragen(si) nobis tanq(uam) Regi Boemie rite et racionabiliter adiudicatum fuerit et in possessione eiusdem Jurispatronatus simus et aliquandiu fueri
mus Attendentes tamen odorem bone fame et redolenciam virtuosi nominis quo eedem Moniales tenent(ur) ex Religiosa vita et conuersacione laudabili Pri
orisse et Conuentus predictorum co(m)munitus fame relatu claruit ac tenuis et cotidianis deuocionum studijs proficit incessanter ad ipsius locum statum
tanto ardencius inclinatur n(ost)ra Serenitas q(ua)nto confidencius de acceptis oracionib(us) die diuino diuinum animab(us) progenitorum n(ost)rorum et n(ost)re similiter
indubitate salutis compendia speramus auctore domino promanari Animo deliberato non per errorem aut improuide sed sano Principum Baronum ac
procerum n(ost)rorum accedente consilio Juspatronatus seu Juspresentandi prefate eccl(es)ie s(an)c(t)i Leonardi Priorisse et Conuentui p(re)dicti Monasterij ex me
ra liberalitate Concedimus et donamus tribuimus et ex certa sciencia intitulo gr(aci)osius elargimur Precium sub Imperialis n(ost)re Maiestatis Sigillo te
stimonio l(itte)rarum Datum Budweys Anno domini Mill(es)imo Trecentesimo Sexagesimoquarto Indiccion(e) S(e)c(un)da viij kalen(das) Julij Regnorum n(ost)rorum
Anno Boem(ie) octauo Imperij vero Decimo

P(er) d(omi)n(u)m Olomucen(sem) ep(iscopu)m
Decan(us) Wissegraden(sis)