Wir Ludowich von gotes gnaden Romischer chunich ze allen zeiten mer des Riches ch(un)d(en)
rehen offenlich an disem brief. Daz wir angesehen haben die guten dienst die vns vnser lieber ge
triwer Nichel Hekchel purger ze Eger vns her getan hat vn(d) noch furbaz tun sol vn(d) auch den
schaden den er von des Riches wegen genomen hat Haben wir im vn(d) seinen erben zu ergozunge
der selben dienst vnd schaden ze rehtem lehen gelihen driv phunt haller geldes auf der Mul
bei Eger vor dem miltor Vnd driv ahter chorn geldes auf dem Hof ze Niderloman da der
chleppel auf sizet daz vns von dem Dobriner ledich worden ist also daz der selb Nichel vn(d) sein
erben daz selb gelt inne haben vn(d) niezen suln mit allen rehten vn(d) nuzzen als es der selb Do
briner gehabt hat Vnd wellen vnd gebieten allen vns(er)n Amptlevten vn(d) vns(er)n purgen ze
Eger ob si iemant an dem selben gelt irren oder hindern wolt daz si si darivz von vns(er)n wegen
der an schirmen als vil si chunnen vn(d) mugen. Dar vber ze vrchunde geben wir im disen
brief mit vns(er)m Insigel besigelten. Der geben ist ze Amberg an dem O(b)r(i)sten tag. do man
zalt. von Cristes geburt Drevzehen Hundert Iar. dar nach in dem Zwainzigistem Iar
An dem Sechsten Iar Vnsers Riches.