Wir Vlrich abbt des Waltsassen Ordens von Cistel Regenspurger bistumbs bekennen offenlichen an dem Vidimus wann wir den hawptbrief
dises obgeschriben abschrifts an sinem leben an hangenden Inssigel pergamen vnd geschrift gantz vngebroch vnuerseert mackel vnd tadel
freÿ gesehen mit vnsers beschawe neben der abschrift verhort vnd das der selbig hawptbrief In allen puncten stucken vnd artickeln von wort
czu wort wie dise gegenwertige abschrift anweÿst Myt Im hat nicht daran verhandelt darczu gethan oder darczu gesatzt dadurch der sÿnn
der verstentlichait verendert oder verert ist erfunden haben So haben wir zcu vrkunde Das vidimus mit vnser abbtz hieronden anhang
enden Inssigel besigelt vmb doch vnserm hawbt vnd Inssigel an schaden Bescheen vnd gegeben In vnser lieben frawen
abent Hÿmelfart Nach Cristi geburt Tausent vierhundert Vnd In dem achtzigisten Jare