Ich Veit Pischer zu Schossenreut, bekenne fur mich aller meine Erben unnd Erbnamen Offennlich an
diesem brieff gen menigclich Das ich mitt guttem willenn unnd rechtem wissenn meinem Hoff zu ober
schossenreuth Zschwischnn Michel gelegen Zinnst den Closter Junckfrauenn zu Eger Achtundzwent
zig metz getraidt oder halb Zinnst kess Zwu Hennenn ain halb Schock aier Sechsundzwentzig Egrisch
groschen Iherlich Herr Iheronimusenn Schlickhen gibt es einn Strich Schiltzhaber mitt grundt podenn
wiesenn einn unnd Zugehorung allermas wie ichs gebraucht unnd inne gehabt nichts ausgenumenn
hab recht redlich unnd erblich Veitt Fritschnn allenn seinen erben unnd Erbnamenn umb aine summa
geldes der ich vonn ime baruber unnd wol zu danngk bezalt wordenn binn unnd ime der gantz quit frei
ledig unnd los sag Zukauffenn gebenn unnd verkaufft des ich mich hiermit enttetzig unnd gantz los
verzeihe Gerede unnd gelobe fur mich unnd alle meine Erbenn Das wir noch niemantt vonn
unsertt wegenn genenttem unnserm abkauffer alle seine erbenn unnd Erbnamenn Obgedachtes
Hofts mitt seiner Zugehorung noch derselbigenn kauffsumma halben hinfuro in ewigenn Zei
tenn nimmer mer betaidigenn anmlangenn noch Zusprechenn sollenn Weder mitt noch an recht
ganntz inn kainerlei weis wie Zuedenngkenn seinn mochte Sonndernn gewehrenn Zu rechtenn
freienn und ledigenn wollenn als des Egrischenn Crais recht unnd gewonnhait ist Bey unnsere
getrewn warhait treuenn an arg unnd geuerde des inn urkundtt hab ich Obengenantter Veitt Pischer
fur mich unnd alle meine erbenn Gebettenn die Erbaren unnd Weisen herrn Erhardt Wer
ner unnd Niclas kessler des inneren Raths zu Eger das sie ire insigel innenn anhangend an
diesem brieff gehanngenn Der gebenn am freitag nach Judica Nach Christi geburt funfftzehen
hundert und im Neunundviertzigsten Jare