Ich Lorentz Mayer vonn Watzkenreuth, Bekenn vor mich alle meine Erben vnnd Erbnamen, Offentlich gegen Jedermenni
glich, dz ich mitt guettem willen vnd Rechtem wiessen, meinen Hoff daselbsten, Zwischen lorenz Hainels vnd hanns Rupprechts
Hoffen gelegen, ist ein L: vnd Hochw: Rath der Stadt Eger, vnderworffen vnd Zinnßpar, sonnsten Ausser schuldiger Abthung
ledig vnd frey, mitt grundt poden, allenn Rechten gerechtigkeitten, eingen ein vnd Zugehorung, Allermaßen solcher Zur
Vorstundt Erbt, einkhom vnd leinenn vmbefangenn ist, ich auch denselbenn Jngehabt, genützt genossen vnd gebraucht,
nichts außgenommen, Hab, Recht vnnd Redtlichenn, deß arbeitsammen, Hannßenn fritzßenn alda Zu Watzkenreuth seeliger
hinderlaßnen Waisenn Verordentten vormundenn, Adam vnnd Veitt fritzßenn gebrüedernn vnnd Jorg Müllern, allenn
Zu Oberloßawreuth, dem Veitt Ohnmb Züm Parg, vnnd Hanns Rupprecht Zu Watzkenreuth Vmb ainer Summa geldts, de
ren Jch vonn Jhnen, ain Stadt Eger pflegswaisenn Zu danckh abgericht vnnd bezallt wordenn binn, Zu kauffen gebenn,
vnd verkaufft, Vnd thue mich deßenn allenn gentzlich vnd thue anehmen verzeihenn, Beredt, vnnd gelobe hierin
für mich Alle meine erben vnnd erbnamen, dz wir noch niemandts Vonn Vnnserntwegenn, ernannte Vormündte
vnnd dero Pflegswaisenn, alle derselbenn erben vnnd erbnamen, Alls abkauffer, Oberentts Jhen von deß Hoff
der darfür außgezalttenn kauffsumma noch annders deßhalben, Weder vmb ainen gloß Wenig Oder biel, hinfüro Zu
ewigenn Zeittenn, Nimmermehr beschaidigen anlangen noch besprechen sollenn noch wollenn, weder mitt noch ohn
Recht, gantz ein khainerley weis noch wege, Wie Jmmer Hierdennkhenn seinn möcht, Sonnder Bewahren entrichten
freÿenn Vnnd ledigenn wollenn, Alls des Egerischenn weiß, altt herkhomen Recht vnnd gewonheidt ist, Beÿ
meinem wahrenn Trewenn vnnd glauben Ohne geuerde, Zu Vhrkhundt hab ich für mich Alle meine erben
vnd erbnamen, mitt sonndern fleiß erbettenn, Die Ehrenuestenn Erbarnn vnnd Weysenn Herrnn Andreassenn
Meinel, vnnd Wolffgang Bathelbel beede des Raths, der Stadt Eger dz sie Jhr angeboren Jnsigel, Jedoch Jhnen
ohne schadenn, Zu gezeugkhnuß ann diesenn brieff habenn gehangenn, Bescheen Vnnd gebenn den Zwölfften Monats
tag January Jm fünfftzehenn hundertt Neun vnnd Neuntzigistenn
Jare