Nouerint vniuersi presentes litteras inspecturi quod ego Marquardus de porziesschin de comissione et mandato dilecti patrui mei domini Wernheri
de porziesschin felicis memorie in augmentum cultus dei in remediumque anime sue et omnium meorum progenitorum dedi et presentibus resignaui
Monasterio et sororibus ordinis sancte clare in chrumplow libere et perpetue ex hereditate et de hereditate mea paterna duos laneos in villa mea zubezicz
quorum vnum colit zdislaus et alium prziemyl quorum eciam quilibet singulis annis soluit pro vnam sexagenam Tali eciam condicione quadam
dictis sororibus in aliis eius hereditatibus et bonis soluentibus infra distanciam duorum miliarium a ciuitate chrumplow computando pro viginti
sexagenis grossorum pragensium de libris redditibus siue hereditate libera comparauero et sufficienter iuxta ritum terre bohemie firmabo assignabo
predictas duas sexagenas in zubezicz dimittam pro hereditate predicta absque omni renitencia michi vel heredibus meis sorores predicte vice versa
assignare tenentur promittens bona fide vna cum meis fideiussoribus domino Benessio de krzemps et petro dicto wilsswe de ween absque omni
dolo prefatam hereditatem cum omnibus suis pertinenciis secundum consuetudinem terre bohemie sub penis consuetis contra quemlibet hominem sufficienter dis
brigare Nos vero Benessius de krzemps et petrus wilsswe predicti legitimos fideiussores fore nos incognoscimus et omnia prescripta cum domino
Marquardo ex proposito promittimus fideliter et inuiolabiliter obseruare In cuius rei perpetuam memoriam presentes litteras sigillo meo vna cum sigillis
sepedictorum domini Benessy et petri wilsswe duxi muniendas Datum in chrumplow anno domini Millesimo trecentesimo lxxv die sancti vrbani pape