Clemens episcopus seruus seruorum dei ad perpetuam rei memoriam
Hiis que ad diuini cultus augmentum sacreque religionis propagacionem pie ac laudabiliter facta sunt apostolica libenter adicimus muniminis firmitatem. Sane peticio pro parte Venerabilis fratris nostri Iohannis Episcopi Olomucensis nobis exhibita
continebat quod quondam Nicolaus Bolzaneri Ciuis Pragensis condens de bonis suis in sua uoluntate ultima testamentum inter cetera uoluit et ordinauit quod ad diuini nominis laudem pro sue et parentum suorum animarum salute de quibusdam tunc
expressis et aliis bonis suis quidam religiosus locus per manus eiusdem Episcopi quem predicti sui executorem constituit testamenti fundaretur et eciam dotaretur et quod post hec die eo Nicolao uiam uniuerse carnis ingresso idem Episcopus
tanquam executor testamenti predicti cum de premissis in eodem testamento expressis quam aliis bonis ipsius testatoris et per eundem Episcopum de pecuniis testatoris eiusdem acquisitis quoddam monasterium sanctimonialium
ordinis sancti Benedicti ad dei laudem et sub uocabulo misericordie domini in Ciuitate Pragensi fundauit pariter et dotauit Abbatissam et moniales reddituris ibidem perpetuo altissimo famulaturis instituens in eodem. Et subsequenter
idem Episcopus pro anime sue remedio et augmento monasterii prelibati ut ipse diebus monasterii propriis fundator dici mereretur nonnulla de bonis suis ad eum racione persone sue spectantibus donauit Abbatisse et monialibus ac monasterio teno
prelibatis ad hec omnia per eundem Episcopum facta Venerabilis fratris nostri Arnesti Archiepiscopi Pragensis accedentibus licencia et consensu prout in patenti Archiepiscopi predicti ipsius presentibus inserti secimus litteris super huiusmodi fundacione dotacione
et donacione confectis plenius continetur. Quare prefatus Episcopus nobis humiliter supplicauit ut fundacionem dotacionem et donacionem huiusmodi confirmare de benignitate apostolica dignaremur. Nos itaque ipsius Episcopi necnon Carissimi in christo filii
nostri Karoli Romanorum et Boemie Regis Illustris in hac parte supplicacionibus inclinati fundacionem dotacionem ac donacionem predictas ratas et gratas habentes illas ex certa sciencia confirmamus et presenti scripti patrocinio communimus. Tenor autem dictarum litterarum
eiusdem Archiepiscopi talis est. Nos Arnestus dei et Apostolice sedis gratia Sancte Pragensis Ecclesie Archiepiscopus ad uniuersorum presencium insimul et futurorum deducimus noticiam Quod uenerabilis in christo pater dominus dominus Iohannes Episcopus Olomucensis frater noster nobis significare curauit
Quod dum bone memorie Nicolaus Bolzaneri quondam Ciuis maioris Ciuitatis Pragensis dum adhuc ageret in humanis locis aliquem religiosum cupiens sicut transitoria pro eternis felici comercio commutare incepit et proficere ac omnino in animo
suo firmauit pro sue et parentum suorum animarum pro eorumque remedio pro salute construere et fundare ipsumque pro suo posse dotare et ditare Qui in infirmitate et demum morte preuentus hoc perficere prout nec eciam inchoare Nolens tamen ipse Nicolaus ut sui
desiderii proposito frustraretur uel in aliquo fraudaretur se pocius executori mandauit licet infirmus corpore tamen in lecto egritudinis constitutus in quo finaliter cursum sue uite finiuit sanus tamen et integer mente Testamentum condidit et eiusdem Testamenti
merum executorem dictum dominum Episcopum Olomucensem sibi intimo iunctum et deputans eum principalem et specialem Executorem sue extreme et ultime uoluntatis Rogans et deprecans instanter eundem dominum Episcopum de paratum suum propositum dicti per ipsum de
positis ceptum de fundando et construendo ac dotando huiusmodi loco religioso efficaciter adimpleret legans et relinquens illam Lubderziz ac certas pecunias pro fundatore et dotatore dicto Quo Testamento sic per ipsum facto et dicto prefatus Ni
laus in christo cum patribus obdormiuit Considerans autem predictus frater noster Episcopus Olomucensis decens et meritorium fore defunctorum pias et ultimas uoluntates sollerti ac diligenti studio adimpleri uolensque predictam quondam Nicolai disposicionem effectui
mancipare petita a nobis licencia et auctoritate pariter et obtenta monasterium sanctimonialium ordinis sancti Benedicti in quadam Area seu loco platee seu uico Iudeorum contiguo et uicino in dicta Ciuitate Pragensi situato prout eciam ipse Testator
sic fieri uoluerat et disposuerat accedente ad hoc felicis recordacionis Illustrissimi principis quondam domini Iohannis tunc Boemie Regis annuencia et consensu fundauit et instituit et erexit Instituit in eo eadem auctoritate nostra sibi per nos in hac
parte firmiter et specialiter tradita et concessa Abbatissam et sanctimoniales que in dicto monasterio sub regula et regulari habitu predicti ordinis sancti Benedicti omnipotenti deo deuote et humiliter famulantes diuinum officium diurnum uidelicet et noctur
num debent et debeant decantare ac eidem monasterio in dicto officio uigilant et fideliter deseruire Ne autem alicuius necessitatis occasio seu defectus spiritualium eas desides faceret aut robur quod absit in seruicio infringeret prefatum cum spiritualia sine
temporalibus non subsistant Idcirco prefatus frater noster Episcopus Olomucensis Executor quondam Nicolai predicti bona seu uillas infrascriptas uidelicet Lubderziz que per dictum Testatorem pro huiusmodi fundatore relicta fuerat Ut prefertur et Przisud quam dictus dominus
Episcopus Olomucensis pro pecunia dicti Testatoris emit et pro eodem monasterio comparauit pro sustentacione et usu ac ad opus dictarum scilicet Abbatisse et monialium cum omnibus pertinenciis earundem memorato monasterio iure perpetuo per ipsum monasterium perpetuis temporibus possidendas
dedit et titulo dicti Testatoris tradidit contulit et donauit deputauit eciam dictus dominus Episcopus certos et annuos redditus siue Quinquaginta sexagenas per heredes et executores quondam uxoris dicti Nicolai Testatoris quotie de ceteris
in morte sua reliquerat et in pios usus pro suorum remedio peccatorum dari iusserat mandans ipsos alicui pio et religioso loco seu cenobio applicari prenominato monasterio perpetue donacionis titulo ad usum et sustentacionem dictarum Abbatisse et monialium
ut predicitur que nunc sunt et que pro tempore fuerint assignari per ipsas et idem monasterium perpetuis temporibus similiter possidendos et tenendos. Sunt eciam adhuc certe pecunie per dictum Testatorem uidelicet Nicolaum relicte pro quibus debent maiores
et ampliores redditus pro dicto monasterio et dictarum monialium usibus comparari. Sane uolens et cupiens prelibatus dominus Episcopus Olomucensis fundatoris dicti monasterii participium obtinere ac pro fundatore ipsius una cum dicto Testatore reputari et cen
seri Curiam suam qua tunc inhabitabat in predicta Ciuitate Pragensi iuxta portam sancti Benedicti sitam prefato monasterio appropriatam iure contulit et donauit secundum formam disposicionis ipsius domini Episcopi in utilitatem euidentem
dicti monasterii perpetuo conuertendam. Ut autem premissa omnia et singula que superius sunt expressa firma stabilitate seruentur et robur perpetue obtineant firmitatis recognoscimus statuimus et facimus omnia et singula ut prefertur que per
dictum fratrem nostrum Episcopum Olomucensem sunt disposita ordinata et facta de nostra licencia et auctoritate ut est dictum ac de nostra uoluntate et sciencia prestitis ac disposita facta et ordinata fuisse que omnia ex superhabundanti et ad cautelam
rata et grata habentes ipsa presenti scripti patrocinio roboramus dantes et concedentes in testimonium premissorum presentes nostras litteras Sigillorum nostrorum appensione munitas. Actum et datum Prage Anno domini millesimo Trecentesimo
Quadragesimo. xj. die mensis Septembris. Nulli ergo omnino hominum liceat hanc paginam nostre confirmacionis infringere uel ei ausu temerario contraire. Siquis autem hoc attemptare presumpserit indignacionem
omnipotentis dei et beatorum Petri et Pauli apostolorum eius se nouerit incursurum. Datum Auinion xiiij kalendas Septembris Pontificatus nostri Anno Nono;
Farrinnes;