Nos Maria Dei Gracia Hungarie Bohemie Dalmacie Croacie
et Sclauonie (et)c(etera) Regina Slesie et Lucemburgen(sis) dux Marchioq(ue) Morauie (et)c(etera) Memorie commendamus tenore p(rese)ncium significan(tes) quibus expedit
vniuersis Q(uod) nos cum ad nonnullor(um) fidelium nostrorum supplicacionem nobis propterea factam Tum vero ex proprio nostro motu et singulari
deuocione quam erga diuum Georgium Martyrem sub cuius nomine et titulo monasterium in arce Regia pragen(si) fundatum existit gerimus et habemus
volentes vt Venerabilis et Religiosa domina Barbara de Scellemberg abbatissa moderna futureq(ue) abbatisse sanctimonialium ordinis Sancti Benedicti cum
eisdem sororibus suis in eodem monasterio degen(tibus) quiecius commodiusq(ue) deo altissimo famulari possint easdem simul cum predicto Monasterio colonis
rebusq(ue) et bonis ipsarum mobilibus et immobilibus iustis scilicet et legittimis de consensu et beneplacita voluntate Serenissimi domini Regis Ludouici (et)c(etera)
domini et mariti n(ost)ri charissimi sub cuius patrocinio antea fuerant in n(ost)ram Reginalem ascepimus protectione(m) et tutelam specialem Immo recipimus et
assummimus et ab omni aliorum protectione et tutela sub qua antea qualitercumq(ue) fuissent eximimus conceden(tes) eisdem vt predictis omnibus bonis
ipsarum ad predictum monasterium pertinen(tibus) libere et pacifice vti et ea possidere sub n(ost)ra speciali protectione possint et valeant Vbi vero a
quibuspiam impetitoribus vel in bonis vel in priuilegijs suis impedirent(ur) et inquietarent(ur) solum ad Maiestatem n(ost)ram patrona(m) ipsarum specialem In
absencia autem n(ost)ra ad eum quem in suum protectorem elegerint refugium habeant Ad quem eligend(um) vigore p(rese)ncium damusq(ue) eisdem facultate(m)
et authoritatem plenam Cui quidem protectori pro tempore constituto harum serie firmiter mandamus vt in n(ost)ra absencia prefatas sanctimoniales
in vniuersis predictis earum bonis et rebus temporaneis mobilibus et immobilibus necnon priuilegijs iustis et legittimis contra quoslibet impetitores et
violentos perturbatores tueri et protegere ac indempniter manutenere tueriq(ue) et protegifacere debeat mai(esta)tis n(ost)re in persona atq(ue) authoritate p(rese)ntibus
eidem in hac parte ad plenu(m) concessa et iusticia median(te) vt hoc facto eedem sanctimoniales a curis mundanis et externis molestacionib(us) expedite et
vacue attencius deo optimo maximo seruire possint p(rese)ntes autem l(itte)ras n(ost)ras quas in robur et testimoniu(m) premissor(um) perpetuu(m) Secreto et
autentico Sigillo n(ost)ro communiri fecimus manuq(ue) n(ost)ra propria subscripsimus post earum lecturam reddi semper volumus p(rese)ntanti Datum ex
predicta arce pragen(si) xx^a^ februarij Anno domini Millesimo Quingentesimo vigesimo tercio felicis vero coronacionis n(ost)re in hungaria secundo In
Bohemia vero Regnis n(ost)ris predictis (et)c(etera) primo Anno
Maria Regina (et)c(etera)