In nomine sancte et indiuidue trinitatis feliciter Amen Karolus quartus diuina fauente clemencia Romanor(um) Jmpator semp(er) augustus
et Boemie Rex. Ad p(er)petuam rei memoriam. Etsi cesaree p(ro)uide generosa sublimitas vniuersorum saluti delectatur intendere et laboriosis occupari studijs vt in pacis amenitate
fidelis populus conquiescat Ad illorum tamen tranquillitatem et gratie quietis compendia amplioris largitatis munere maiori quodam affectu dirigitur qui seculi vanitate contempta
diuinis vacant obsequijs et quibus illecebritate dimissa deuota supplicacione non desinunt pro seip(s)is saluti(s) augmento omnipotentis dei misericordiam iugiter implorare. Sane cum ante
tempora multa ex infusione celestis gratie pro remedio animarum clare memorie Jllustrium p(ro)genitorum nostrorum quondam Regum et Reginarum Boemie et pro n(ost)ra salute Monasterium sancti Jheronimi
in Nouaciuitate pragen(si) fundauerimus et in ligua slauonica sicut ap(osto)lice sedis p(ro)uisio auctoritate laudes diuine puriter et nocturne creatori domino decantentur Jntelligentes et pia racione
intuentes q(uod) Abbas et fratres necnon Conuentus d(i)c(t)i mon(asterii) ad gl(ori)am diuinarum laudum non valeant iuxta desideratam deuocionem intendere nisi temp(or)alibus muniant(ur) presidiis sine quibus sp(irit)ua
lia vix subsistunt Animo deliberato non per errorem aut improuide sed maturo principum Baronum et procerum Regni n(ost)ri Boemie accedente consilio ac de certa sciencia supradictis Abba
ti fratribus necnon Conuentui mon(asterii) sancti Jheronimi supradicti et successoribus eorum n(ost)ro eciam ac n(ost)re imp(er)atorie Auctoritate Regia Boemie damus conferimus
incorporamus inuisceramus et inseparabiliter coniungimus bona possessiones et predia que inferius annotantur Videlicet Octo aratra curiarum in Maiori ciuitate pragen(si)
Curiam vnam in Balem et duas sexagenas Reddituum ibidem Duas Curias cum duabus Aratris et vigintiquinque micas reddituum in villa Gencz Curiam Dobrawicz
cum Aratro et Curiam Detobass cum vinea et duabus piscinis cum omnib(us) predictarum possessionum prediorum et Reddituum iustis pertinencijs ad habendum te
nendum ac possidendum et in vsus vales ac honestos d(i)c(t)i mon(asterii) fratrum et conuentus p(er)petuis temp(or)ibus applicandum Nulli ergo hominum liceat hanc n(ost)re donacionis
collacionis incorporacionis inuisceracionis et vnicionis paginam infringere seu ei quouis ausu temerario contraire sub pena Auri quaginta marcharum puri auri
quas post grauis indignacionis n(ost)re aculeos eum qui contrafecerit incurrisse decernimus et quociens contrafactum fuerit irremissibiliter exigendas Quarum
medietatem Regalis Boemie fisci Presidium vero medietatem iniuriam passorum vsibus decernimus applicandam in Signum serenissimi prin
cipis et domini domini Karoli quarti Romanorum Jmpatoris Jnuictissimi et gloriosissimi Boemie Regis Testes huius rei sunt
Jllustris Rudolphus Elector Dux Saxonie Sacri Jmperij Archimarescallus Necnon venerabiles Archiepiscopus pragen(sis) et Fridericus Ratispon(ensis)
Johannes Argentinen(sis) Johannes Olomucen(sis) et Theodricus Mynden(sis) Ep(iscop)i ac Jllustres Woldemarus Marchio Brandeburgen(sis) Nicolaus Munsterbergen(sis) Bolco
Falkenbergen(sis) Conradus Olsnicen(sis) Bolco Opulien(sis) Kazimirus Theschinen(sis) et Johannes Stetinensis Duces Necnon Spectabiles Burchardus Magdebugen(sis) Hinricus de Swartz
burg Vlricus de Helfenstein et Albertus de Annhalt Comites et alij q(uam)plures Datum sub Jmp(er)ialis n(ost)re maiestatis Sigillo testimonio litterarum Datum prage Anno domini
Millesimo Trecentesimo Quinquagesimoquinto Jndicione octaua xvj. k(a)l(en)d(as) Octobris Regnorum nostrorum Anno decimo Jmperij vero primo

Ad mandatum domini Joh(annis) Luth(omislensis) Ep(iscop)i
Cancell(arii) Theodoricus Erffordensis