Wir Karl von gots gnaden Romischer kunig ze allen zeiten merer des Reichs vnd kunig ze Beheim Biekenn vnd
tun kunt offenlich mit diesem briue alln den die in sehn horn oder lesen Allein der hochgebornn Ludwig marg
graue zv Brandemburg zv landsperg vnd zv lusicz des heiligen Romischen Reichs obirster Camerer pfaltzgraue
bey Reyn hertzog in Beyern vnd in kernten Graue zv Tirol vnd zv Gortz voget der Gotzheuser Agley Trient vnd
Brixen vnsir liebir oheim vnd furste vns gantze macht vnd vollen gewalt gebn hat in mit der heiligen Ro
mischen kyrchen zv sfunen vnd berichten vnd in absoluiren von dem geistlichen Banne do er in komen ist mit
seinen brudrn von seines vater wegen vnd ouch seine selbis zvbehalten vnd irwerbn vnd in zv gehorsam
der ivrgen kyrchen zvbinden als in seinem procuratorium daz er vns darobir gebn hat vollenkumenlicher ge
schriebn stet Doch globn wir mit geswornem eide den wir darobir zv den heiligen getan habn vnd mit gu
ten triwen an geuer dem ivrgen vnsm liebn oheim vnd fursten daz wir in seine bruder ire furstentvm her
scheft land vnd lwt geistliche vnd werntliche ir wirdikeit leib ere vnd alle zvgehorung in den ivrgen
sachen vnd dingen besorgen vnd bewaren wellen mit gantzem fleitz vnd triwen als vnsir eigenen leib land
vnd lwt ere vnd sachen an geuer Mit vrkund dicz briefs vsigelt mit vnsm kunglichen Jngsigel Der gebn
ist zv Budissin noch Crists geburt driwtzenhundrt vnd funfczig Jar an dem Mictage Jm vierden Jar
vnsir Reichs