1 n. 7. 394
Wir Wenczlaw von gotes gnaden Romischer kunig zu allen zeiten mer des Ruchs vnd
kunig zu Beheim Bekennen vnd tun kunt offenlich mit disem brief allen den die jn
sehen oder horen lezen Wann etliche vnsere Amptlute an vnsere wissen vnd willen
etliche guter vnd lehen die zu vnserm Gerichte vnd lande zueger von alder gehort
haben von demselben gerichte vorlihen vnd empfremdet haben dauon so haben wir
mit wolbedachtem mute vnd rechter wissen sulche lehen wissentlichen widerruft
vnd vorderrufen die in kraft diz briefs vnd meynen seczen vnd wollen das sulche
lehen wider zu demselben vnsim gerichte gehoren vnd dobey furbas bleiben sullen
als die vormals dorzu gehort haben zcu vrkund diz briefs vorsigelt mit vnsim an
gedrucktem Jnsigel Geben zu prage noch criste geburt dreizehenhundert Jar dor
nach in dem vir vnd newnczigistem Jar an sand matheus tage vnser Reiche des
Rehmischen in dem xxxij vnd des Romischen in dem xix Jaren