Wir Wenczlaw von gotes gnaden Romischer kunig zu allen czeiten merer des Reichs vnd kunig zu Beheim Bekennen vnd tun kunt
offenlichen mit disem brief allen den die In sehen oder horen lesen Wann wir vormals langest dem Edeln Hincziken pflug
unserm Rate vnd lieben getrewen die vesten Kynsperk mit allen Iren zugehorungen bey Eger gelegen gnediclich gegeben habn
als das sulche vnser maiestat briue die wir Im doruber geben haben wol vsweisen douon mit wolbedachtem mute vnd recht(em)
wisse So meinen seczen vnd wollen wir in craft dicz briues vnd kuniglicher mechte zu Beheim das der Egenan(te) Hinczik vnd
sein erben die egenan(ten) vesten Kynsperk mit Iren zugehorungen noch lawte vnd sage sulcher maiestat briue die er doruber
hat die wir Im mit disem gegenwortigen vnserm maiestat briue besteten vnd confirmiren haben halden vnd gerublich
besiczen sollen von allermeniclich vngehindert ouch wollen wir von besund(er) gnaden das der egenan(te) Hinczik vnd sein erbn
das Forstmeisterampte vber alle die forste vnd forster in dem Egerlande mit allen vnd iglichen seinen zugehorungen als er
das etwenn von Albrechten Nothaften von Tirstein an sich bracht hat haben halden besiczen vnd des geniessen sollen vnd mogen
in aller massen vnd weise als das der egen(ante) Albrecht yngehabt vnd besessen hat vor allermeniclich vngehindert vnd weres sachen
das die Burger vnd Stat zu Eger oder sust ymande anders dheinerley briue hetten die dem egen(anten) Hincziken vnd sein erben an
den egenan(ten) vesten vnd forstmeisterampte dheinen schaden brenngen mochten wollen wir das die selben briue kein craft noch
macht haben vnd In nicht schedlich sein sollen in dheineweis vnd gebieten dorumb allen vnd yglichen fursten geistlichen vnd
werntlichen grauen freyen herren dinstlute Ritern vnd knechten Emeinscheften der Stete merkte vnd dorfer vnd mit na
men dem Burgermeister Rate vnd Burgern gemeinlichen der Stat zu Eger die nu sint oder in czeiten werden vnd sust
allen andern vnsern des Reichs vnd ouch des kunigreich zu Beheim vndertanen vnd getrewen ernstlichen vnd festiclichen mit
disem briefe das sie den egenan(ten) Hincziken vnd sein erben an der egen(anten) vesten Kynsperk vnd ouch dem forstmeisterampte vnd Iren
zugehorungen nicht hinderen noch irren in dheineweis Sunder sie do bey gerublichen vnd vngehindert bleiben lassen als
lieb In sey vnser swere vngenade zubormeiden dcz vrkunt dicz briues vorsigelt mit vnser kuniglichen maiestat Insigel
Geben zu Prage noch Cristis geburt dreiczenhundert Iar vnd dornach in dem Sechsundnewnczigisten Iaren des freitags
vor dem suntag als man singet Iudica vnserr Reiche des Behemischen in dem dreyunddreissigisten vnd des Romischen in dem
zwainczigisten Iaren

p(er) d(ominum) Iohanne(m) ep(iscopu)m Lubucen(sem)
Vladimiro de Warten(m)berk