Wir Wenczlaw von gotes gnaden Romischer kunig zu allen zeiten merer des Reichs vnd kunig zu Beheim Bekennen vnd tun kunt offenlichen
mit disem briue allen den die In sehen oder horen lesen das wir durch dinst vnd trewe willen die vns vnsere lieben getrewen Erhart Forstner vnd Ni
clas forstner sein vetter oft getan haben teglichen tun vnd furbas tun sollen vnd mogen In kunftigen zeiten denselben Erharten vnd Niclasen vnd al
len iren Erben vnsere vesten das newehawse genant gelegen an der Eger mit allen iren renten zinsen Eckern wisen welden wilpan mit der fischweid
an der Eger mit gerichten vnd allen andern nuzen vnd zugehorungen nichtes vsgenomen vnd mit allem dem das darzu bereynet ist vnd In denselben
reynen begriffen ist gnediclichen zurechtem manlehen geben verleihen vnd gereichet haben verleihen vnd reichen In die In kraft dis briues vnd
kuniclicher mechte zu Beheim Also vernemlichen das dasselbe hawse vnser offen hawse sein sol vns dorin doruff vnd dorzu zubehelfen zu vnser
noten wider alle vnsere veynde vnd das wir ouch dorin vnser volke vnd Amptlute legen mogen vnsere veynde zu dringen vnd zu beschedigen als
vns des not sein wirdet doch In an schaden So sollen ouch vns dieselben Erhart vnd Niclas ire erben vnd nachkomen als oft wir oder vnsere nachko
men kunige zu Beheim des begeren vnd sie des ermanen mit vnsern worten oder brieuen dienen mit zweyn gleuien doch also das wir oder vn
sere nachkomen In oder iren nachkomen vmb aliren gleuen dinst fur koste vnd fur schaden sten von hawse zu hawse als gewonlichen ist So sol
len ouch dieselben Erhart vnd Niclas vnd ire Erben alle andere ire guter die sie Imme haben mit allen nuzen zinsen welden mit wilpan vf
denselben gutern wo die gelegen oder wie die genant sein zu derselben vesten haben vnd einen also das nyemand In kenerley weise noch mit key
nerley sachen mit In furbasmer mit dem hawse vnd mit aller seiner zugehorungen vnd zueynug es sey holze oder velt welicherley es sey zu schiken
sol haben noch mit kenerley an iren leiben oder gutern beschedigen oder hindern sol keynes teiles wegen oder sust Sunder sie sollen das haw
se vnd alle seine zugehorungen von vns vnd der Cron zu Beheim zu rechtem manlehen haben vnd den empfahen gleich andern vnsern mannen
die von vns vnd der Cron zu Beheim lehen haben vnd ob das were das yemand brife oder erlawbe In des Reiches forste geben weren oder noch wurde
geben vmb welicherley das were dasselbe sol weder vns noch In an dem hawse vnd an aller seiner zueynug vnd zugehorug furbas keinen schaden
bringen Ouch tun wir In vnd iren lehenserben diese besundere gnade von kuniclicher mechte das man sie vnd alle ire guter wo sie die haben oder
wie die genant sein nyemand vmb kenerley sachen fur kein lantgerichte oder ander gerichte furtreiben pfenden oder laden sol Sunder hat yemand
zu In oder sust zu iren guten ichtes zusprechen oder zu klagen vmb welicherley sachen das ist der sol das vor vns suchen oder vor vnserm hofrichter do
einem iglichen kleger recht vnd gleich widerfaren sol Ouch so sollen noch mogen die egenan(ten) Erhart vnd Niclas oder ire Erben die egen(ante) vesten mit
aller zugehorungen nicht verkummern verkauffen noch versezen miteinander oder verteylen an vnser oder vnser nachkomen kunigen zu Beheim sun
derliche wissen vnd wisend Vnd gebieten dorumb allen vnsern Amptluten oder wen sie anruffen von vnser wegen vnd mitnamen vnsern Burggrafen
zu dem Ellenbogen die nu sind oder In zeiten werden vnsern lieben getrewen ernstlichen vnd besticlichen mit disem brife das sie die egenan(ten) Erharten
vnd Niclasen vnd ire lehenserben von vnsern wegen getrewlichen vnd vestaclichen fur allen gewalt schuzen vnd beschirmen sollen vnd nicht gestatten das
sie von yemanden wider rechte vnd wider vnser brife lautte an iren leiben oder gutern geleidiget gehindert oder beschediget werden Als liebe In sey
vnsere swere vngnade zuuermeiden Mit vrkunt dis briues versigelt mit vnser kuniclichn maiestat Insigel Geben zum Burgleine noch Cristes geburt
dreyzenhundert Jare vnd dornoch In dem Newndondachzigisten Jaren des montages noch dem obristen tage vnser Reiche des Behemischen In dem Sechs
vndzweinzigisten Jaren vnd des Romischen In dem dreizehenden Jaren

Ad m(an)d(a)t(um) d(omi)ni Sigismu(n)di Subcamer(arii)