Wir ferdinand Von Gottes genaden Romischer künig zu allen zeitten Merer des Reichs in Germanien zu Hungern Behaim dalmatien Croatien (etc) künig Infant in
hispanien Ertzhertzog zu Osterreich Hertzog zu Burgundi zu Lützelnburg vnd in Slesien Marggraue zu Mährern vnd Lausitz Graue zu Tyroll (etc) Bekhennen für vns vnser
Erben vnd Nachkhomen künig zu Behaim vnd hertzogen in Slesien offentlich mit disem Brieff vnd thun khundt allermenglich das vns der Ersam Vnser getrewer lieber Georg Schürer müntzen
zu Joachimsthal befreiung vnd begnadingen vber das Gold Silber vnd künpffer Pergkwerch so Er auf seines Grundt vnd in seim Waldt Jegerstorff vnd Ithal dorff erweget für sich seine Er
ben vnd Nachkhomen bitten vnd vnderthäniglich ersuecht vnd gepeten Vnd dieweil dann solchs Pergkwerch widerumb bestelt noch khein oder aller des nütz anfanng vnd alain durch sonndere frey
haiten vnd begnadingen in wölchs sich der Gewerckhen in gepaw vnd Pergwergen nit einlassen wöllen erhebt vnd anpracht werden mueß So haben wir demnach
in erwegung des selben als Regierunder künig zu Behaim vnd Hertzogen Slesien zu furderung vnd erhebung bemelter Pergkwerch gemelten Schürern seinen Erben vnd aigen gewer
khen so auf obberüerten gemelten Pergkwerch pawen vnd arbaiten dise gnad gethann thun das auch hiemit in krafft ditz brieffs also das an vnser stat
thun wöllen wir Inen vnsern gebnern ieden gesondt oder krancken so vns von gold vnd Silber dreyen zugeben schuldig seindt in ainen siben Jar des nechst künfftigenden kün
mondt nachgelassen haben Doch sollen sy vns dannoch in den nachkhomenden dreyen Jaren der siben Jar alls alter vnd Silber so sy bey bemelten Pergkwerch erpawen
vnd machen werden in vnser Behmische khamer oder wohin wir es verordnen werden kauffs fragereisch gewichts vmb ainen halben gulden vnd dann der Marckh Silber ains frä
gereisch gewichts vmb aindliff halben gulden yeden gulden zu dreissig kreyczer oder ainvndzwaintzig bösch groschen gerechnet zuainthunten vnd zuliefern schuldig vnd verpunden
sein vnd solle zum wenigisten das lott Silber ainvndzwaintzig halben gren vnd der Marckh künpffer ainen an gehalt sein haben Es soll aber der künpffer kauff so daselbs erpawt
mithen gründen erpawt werden den lanngs fells er seins haben vnd Ine mit gewegthen vns dieweil bleibe künpffer an silber halbtend vnd die aber an das gewing der selben wölchs
der Orten als wir bericht nicht gepräuchig nicht daron gethan werden mit gein vmb ain gots erbs los dann wir vns ex sonndern vber ditzs lott Silber hellt oder reicher ist an
der prob befunden wird in den künpffern verfiert werdet wir kreyczer so vns der Marckh feins derhalben kauffen zuegehörig in gedachte vnser Behmische khamer die obbemelten
siben Jar lanng on abganng Raithen vnd bezallen vnd vns von obbemelten künpffern nichts vor loss zugeben schuldig sein Aber nach anfanng vnd verscheinung der si
ben Jar soll dise vnser Begnading wider ab vnd aus sein Vnd wir vns anheisch darinn mit Ine vnd Inen mit gewerckhen wie ainer befreiung vergleichen werden dabey soll es pleiben
Weiter thun wir aus aigenem zu der meren furderung vnd erhebung bemelts Pergkwerchs ditzs gedachten Schürern seinen erben auch allen anndern Gewerckhen vnd Pönhä
leuten so sich daselbs in gepaw vnd arbait einlassen wöllen dise sonndere gnad das sy daselben an gelegner ort vnd Endt holtz zu irem Pergkwerch vnd
am Pergkwerch pawen vnd dabey künnning vnd haimbsuchung wie bey andern dergleichen Pergkwerckhen gewonlich ist vnzinsig zu hawen vnd haben sollen vnnd mügen dar
an Inen khain verhinderung gethann noch gestatt werden soll Vnd das sich mit den Pönhäwern vnd anndern arbaitern darmit sy pawen vmb Iren verdienst vnd lön
zimor wie pillich nach zimblicher vertragen vnd vergleichen Doch so solle solchs vns so gegebne befreiung vnd begnading ainem yeden an seiner gerechtigkhait ob der Iennden
yemanndt ainige hab vnuergriffen vnd vnschaden sein Gebieten darauff gemainclich allen vnsern verordenten khamerer raten vnd ebristen ambt
leuten in vnsern künigreich Behaim vngleicher weis vnsern haubtman der haubtmanshafft Slesien vnd ainen yeden in sonderhait so vns oder künfftig sein werden mit
Ernst vnd wöllen das sy den obbemelten Schürern seinen Erben vnd Ine mitgewerckhen bey diser vnser begnading vnd freyhaiten hanndthaben sy darwider nicht dringl
noch beschweren Daran thun sy vnsern ernstlichen wellen vnd mainung Gegeben in vnser stat Prag den dreizehenden tag des Monats Septembris Anno (etc) im siben vnd viertzigisten
vnserer Reiche des Römischen im siben vnd ain vnd zwaintzigisten vnd des Behmischen im ain vnd zwaintzigisten Jare
Ferdinandus
Ad mandatum domini Regis proprium
J. von der Lytth