Wir Wenczlaw von gotes gnaden Romischer kunig zu allen czeiten merer des Reichs vnd kunig zu Behem
Embieten dem Edeln heinrichen vom lazan houptm(an) zu Bresslaw vnsern liben getrewen vnser gnade vnd alles gut Liber
getrewer vns haben der Burgermeister vnd Ratmann vnsre Stat zu Bresslaw vnse liben getrewen geschriben
vnd zuwissen getan wie das etliche jre mitburger die bey jn in der Stat zu Bresslaw in den nechsten abwen vor
gangen jaren in dem Rate vnd ouch in der Schepfenbanck gesessen haben vor jn gewesen sind vnd hant sich er
boten vns vnd vnsrm kuniglichem gebote zutage vnd zunacht gehorsam vnd gewartende zusein als vnse vndertan
vnd getrewen vnd wann sich dieselben Burg(er) vmb jre vngehorsamkeit die sie vns beweist haben mit vns noch nicht
versunet noch vnser hulde vnd gnade erworben haben Davon mit wolbedachtem mute gutem Rate vnd rechter
wissen so geben wir dir vnser gancze volle macht vnd gewalt vnd beuelhen dir in craft dicz briues den nachgeschribn
Burgern zu Bresslaw mitnam linhart Reichart Niclas Tempel Niclas Steinkeller Czachen von Gubin
vnd hansen Snyde die vns bis her vngehorsam gewest seyn von sulcher vngehorsamkeit wegen an vnsre stat
zuzusprechen sie dorvmb anzulangen vnd zubekumern vns dorvmb volkumne genuge vnd wandel zutun
zu fordr(n) vnd zuheischen vnd ouch dich mit jn dorvmb zusunen zueinen vnd zuseczen in virczehen tagen nach
dem als dir diser vnser kuniglicher maiestatbrieff geantbort wirdet als dich das vns vnd der Cron zu
Behem allernuczlichste vnd beqwemlichste sein dunken wirdet vnd wie du dich mit den egen(anten) Burg(er)n
in den egen(anten) sachen in der egen(anten) czeit von vnsrn wegen vnd an vnsre stat sunen vnd einen wirdest das ist
vnsr guter wille vnd wort vnd wollen ouch das stete gancz vnd vnueruckt halden vnd volfuren gleicher
weyse als ab wir sulche sachen selber vsgetragen vnd geendet hetten vnd dobey leyplich gewest weren
vnd wolten die egen(anten) burg(er) sich mit dir von der egen(anten) sachen wegen in der egen(anten) czeite an vnsre stat nicht
sunen noch vereinen noch vns volkumne genuge tun So gebieten wir dir ernstlich vnd bestatich mit
disem briue das du sie von stadan zu vns komen heissest vnd sendest so wollen wir die sachen mit jn selb
leyplichen handeln vnd vstragen Mit vrkunt dicz briues versigelt mit vnsre kuniglichen maiestat in
sigel Geben zu prage nach cristo geburt virczehenhund(er)t jar vnd dornach in dem funfzehendem
jare des nechsten mitbochs nach sand Elzbethen tage vnsre Reiche des Behemischen in dem drey
vnd funfczigsten vnd des Romischen in dem virczigsten Jaren
Ad mandatum d(omi)ni Regis
Johannes d(e) Ramba