Wir Burgermeister vnnd Radt der Stat Eger
fur vnns vnnd vnnsere nachkommen Bekennen vnnd thunn Kundt offennteichnn ann diesem Brieffgen
allermenniglichenn Nachdeme vnns die Romisch hunngrisch vnnd Behmisch (etc) Konnigliche Mayestat vnser
aller genedigster her Zu gnadenn alhier ynn die Stadt vnnd Ordt Schlos der Egerenn Beham Sechs Stuck
Puchssenn Nemblich Zum Erstenn ainn Runnt Stuck ginttenn mit ainem Lebenn Kopff darauff ain Schilt
mitt Zwaiann Thurnnenn do Zwischenn ainn Leb daruber yn ainn Zettel diese Schrifft Slito sem vorgmeno
Bosi budu hagiti wamow Tabernow y gich Zbozi kdo sie gim budu protiwiti maname prhi miti Anno M V C XXII
Johannes prelit fecit Item Zwai Runnde Stuck one Schrifft vnnd Wappenn mitt weittenn Egketten gesich=
tenn vnnd dieser form Zintlochrenn (etc) baidenn aittenn Zermorstenn ladenn aller drei Stainn Puchssenn Item
ainn acht Egkette Puchs ane Schrifft mit Eisen angebundnenn Zapffenn an den Laden ain huelzenn geschnitner
Schilt mit Zwaiann Thurnnenn da Zwischenn ainn gewabnet mann mitt ainem Krummnenn Sebel Item
ainn walfaurten im der mitt gewunndenn darauff ainn Schiltleinn darynnenn ainn Lew an dem ainn
halber Adler sambt ainner vmbeschrifft Mirsta Vinka gintenn am Zuntloch Leta boziho 1 5 2 6 M Item
ainn falkant darauff ainn Schiltleinn ym Zettel daruber Petrus 1 5 1 6. Item vier fuder Stain Kugeln
vnnd ynn vier kermnenn fessleinn Eiserne Kugeln Item dreissig Zermuttner Puechsen vnnd die Ladenn
Reder vnnd gestelle gannz Pnswirdig vnnd Paufellig (etc) verordnett als habenn wir gemelte Geschutz mit denn
Ladenn Puechsen vnnd Kugel Empfanngenn Beredenn vnnd globenn fur vnns vnd vnser nach=
kommen Das wir die Geschutz sambt Kugelnn vnnd Puechsen sovill vnns vber pleibenn vnd wir nit verbrauch=
tenn widerumb der Romischenn Konniglichenn Mayestat vnserm aller genedigstenn hernn auff ir May(esta)t aller
gnedigst begeren vnd vnncostenn widerumben Zuschickenn vnd yn deinn kaineinn Behelff nit furhenn wollen
Bey vnnsernn rechtenn warenn treuenn ane arg vnnd geuerde Des ynn Vrkundte habenn wir dis Reuer=
sal mitt vnnsernn anngehanngtenn Jnnfigel Beglaubigett am Mitwoch nach Exaudi Nach Christi
Geburt funfftzehenn hunndert vnnd ym Zwai vnnd funfftzigstenn Jhar (etc)