Wir ferdinandt (et)c(etera) Bekhennen fur vnns, vnnser Erben vnd Nach
khammende Khunig zu Behaimb vnd Marggrauen in Ober Lausitz,
Thuen khunt mit disem brieff, Nach dem wier verschines
1551 Jars dem Gestrengen, vnnsern lieben getreuen Hainrich
von Gerstorff auff Dobrilugk, Guttlich vleissig zu Sachsen, Rath,
vnd Oberhaubtman des Obergebirgischen Krais, vmb an Er
Closter Dobrilugk in Niederlausitz gelegen, sambt allen dessel
ben zugehorungen, wie vns zugehorungen, an stat des Erbarn
Stadts bey Torgau, von dem Wolgebornen vnnsern lieben getreuen
Albrechten Schlicken, Graffen zu Passau vnd hern zu Weiskhirchen,
auff Winteritz, vnnsern Rath der Cron Behaimb Obristen Camer
maister vnd des Marggraffthumbs Niederlausitz Landtuogt,
Vm Neunvndviertzig Tausent Acht hundert Taler abzulosen vnd
an sich zubringen, vnd da selbs in zeit seins, vnd seins Elichen
Leibs Khinder Ableben in derselben Suma Pfandtsweis, oder doch
verbleiblich in zuhaben, zu besitzen vnd zuniesen, von gnedigist bewil
ligt, Alles vermug vnd nach aussweisung vnnserer Ime Hainrichen
von Gerstorff daruber verfertigten vnd aussgerichten Pfandt
verschreibung, Welcher datum Wien den zehenden Tag des Monats
Aprilis, obbemelts verschines 51 Jars stet. Das wier
demnach gedachten Hainrichen von Gerstorff auff die hiebie, so