Ich Wenzel Poßadowsky von Poßadowitz Fürstlicher Durchleuchtigkeit Ertz:
Herzog Ferdinannden zue Osterreich ~ec(etera)~ meines gnedigisten Herrn Cammerer,
Bekhenn hiemit dises briefs, für mich vnd meine Erben, vnnd thue khundt
Offentlich, Nachdem der allerdurchleuchtigist Großmechtigist
Fürst vnd Herr Herr Ferdinannd, Römischer, Auch zue Hungern vnnd Behaimb
Künig ~ec(etera)~ mein allergnedigister Herr, mir das Schloß vnd guet Etzelen im
Oppelschen Fürstenthumb gelegen, vmb ain Sūma gellts als Nemblich Zway:
thaußent Taller Pfandtsweiß auf mein lebenlang eingethan vnd zue:
schriben, vnnd daruber ain Pfandtuerschreibung aufrichten lassen, Wölche
von wortt zue wortt alß lautt, Wir Ferdinannd von Gottes
gnaden Römischer Künig zue allen zeitten Merer des Reichs In
Germanien zue Hungern vnd Behaim Dalmatien Croatien ~ec(etera)~ Künig
Infant In Hispanien Ertzherzog zue Osterreich Marggraff zue Mähr:
hern, Herzog zue Burgundi zue Lutzenburg vnd in Schlesien, Marg:
graue zue Laußitz ~ec(etera)~ Bekhennen für vns vnser Erben,
vnd Nachkhumen Offentlich mit disem Brief vor menigclich, Das
wir dem Ernuesten vnnserem lieben getreüen Wenzel Poßadowsky
von Poßalewitz, Des durchleüchtigen Hochgebornnen Ferdinannden,
Ertzherzogen zue Osterreich ~ec(etera)~ vnnsers freündtlichen lieben Suns
vnd fürsten, Camerer, In ansehung seiner vns vnd seiner lieblang:
gethanen Dienst, vnd auß besunndern gnaden, die widerlösung
vnnsers Schloß Etzelen in vnnserem fürstenthumb Oppeln gelegen,
sambt seinen rechtlichen ein vnd zuegehörungen, so vorhin seinem
Vettern, von vns verschriben gewesen, gegen erlegung der Sūma,
die wir gemeltem seinem Vettern vor seiner zeit darumben wider
außzalen haben lassen, benenntlich Zwaytausent Taller oder sechs
meißnisch verfollgen vnd zue steen zuelassen gnedigist bewilligt
haben, Thuen solliches auch hiemit wissentlich vnd in Krafft ditz briefs,
auß Behemischer Künigclicher macht, vnnd als Herzog in Schlesien,
Alß, das Er Wenzel Poßadowsky angeregt Schloß Etzelen, sambt dem
dorff Hastenbeutten, gelt vnd traid, zinsen, stieüren, dägern, robot:
en, zöllen, Teichten, flüssen, Müllen, wälden, püschen, vnd allen
andern rechtlichen vnd alten ein vnd zuegehörungen vmb vorbenennt=